الوسم: الضرس

بنات الخميس الي طاف سويت علاج عصب حق ضرسي لان صارلي جم شهر شايلة العصب ومن شلته وانا عوار مو طبيعي حطيت زيت القرنفل هم ماكو فايدة اخذ كاتفلام 50 ماكو فايدة بس تعبت من البجي والدكتور قالي تعالي الخميس الي الياي اشوفه وبسافر بنفس اليوم وقالي قبل ما اطلع قالي مو شرط ينجح علاج العصب!!! واذا مانجح نشيل الضرس !!! المشكلة اهو تحت جهة اليسار وشايلة قبله ضرس من زمان وناوية احط تقويم مادري شلون احط تقويم وضرسين تحت ماكو والمشكلة الاكبر اهو قبل ضرس العقل بضرس واحد وضرس العقل مايل تحت اللثة مو طالع وهم عوار صار صوب اليسار كله ماني قادرة اميز من العقل ولا الضرس ومفكرة اسوي جراحة اشيله بس شلون وانا بهالحالة عوار!!

روحي حق دكتور شاطر خل يشوفة قبل مايشلعة لج يمكن فيه له حل

اول شي الحين استخذمي مراهم مسكنه ولازم لازم تروحين الطبيب تشوفين انجحت العمليه ولا لا
وان شاء الله مايشلعه
انا اللي اعرفه ان لمه يشيلون العصب يظل الضرس يعور لفتره يعني اللي معاج طبيعي
بس اذا موقادره تتحملين راجعي الطبيب من باجر الصبح والحين روحي الصيدليه اشتري مرهم مسكن

مشكورين يابنات انا رحت عيادة الميدان امس بعد مابجيت بجي ماقدرت اتحمل شاف الاشعة قال شغل الدكتور زين بس شال شوي من الحشوة المؤقته عشان تخفف الالم راح الالم الحمدلله واليوم الساعة 5 الفير رد العوار مرة ثانية خذيت بروفين 600 ومضاد حيوي وناطرة الفرج

ماتشوفين شر بعد قلبي..

انا نفس حالتج عندي ضرس كنت شايله العصب وصار فيني عوااااار موطبيعي ..
رحت للميدان وعطاني مضاد حيوي وبعده الحمدلله خف العوار وترى عادي بين فتره وفتره يرد بس اتحمل
اعصري عليه ليمونه … وهم فيه دواء موطبيعي هو مسكن ألم بس تحطيييينه خلاااااااااااااااص ماكو ألم انا اسناني والله تقريبا كل يوم يعوروني وماادري من شنو رفايجي يقولون يمكن حساسية اسنان وللحين ماعرفت السبب بس لما يعوروني احط هالدوا او ليمونه والحمدلله يخف …
الدواء غرشه بنيه وعليها لزقه لون احمر ويها صورت ولد ماسك عود اذاني وحاطه على اسنانه
وكرتونته لونها احمر ومعاه عود اذاني عشان تحطينه ع الضرس…
آآآآآآآآآآسفه طولت وقلت قصه حيااااااااتي…
تحياااااااااااااااااااااااااااااتي….

مشكورين يابنات انا اليوم رحت دنتل ايت وسويت جراحة شلت الضرس وشلت ضرس العقل كان تحت اللثة صج تعبت ودخت عليهم يالله قعدت عقبها جد عوار ضرسين بوقت واحد ماني قادرة اتحمل الحين انتفخ ويهي والم وطلع ضرسي الي مسويتله علاج عصب الدكتور شارخ الضرس من داخل عشان جذي الالم مو طبيعي من خميس الي طاف ومشالله اعرفولي العيادة وادعولي ان يطيب واثنين الياي اشيل الغرس من الجهتين

السلام عليكم ورحمة الله وبركاتة
حبايبي بغيت أسأل هل صحيح ان وجع الضرس لا أجر فيه
والله يعطيكم العافيه

وعليكم السلام ورحمة الله وبركاته

ماعتقد ان هذا الكلام صحيح لأن المسلم امره كله له خير
إن اصابته مصيبه حمد الله وصبر وان اصابته سراء حمد الله وشكر

ولأن حتى الشوكة من المصائب اللي يمر بها الانسان ويؤجر عليه وهذا مؤخوذ من حديث رسول الله صلى الله عليه وسلم فمابالج بألم الضرس

(>بس اذا تبين تؤجرين عليه يجب الصبر واحتساب النية<)

كلام اختي صحيح..
وأأكده بالحديث..
رواه مسلم عن عائشة رضي الله عنها أن رسول الله صلى الله عليه وسلم قال : « ما من مسلم يشاك شوكة فما فوقها إلا كتب له بها درجة ومحيت عنه بها خطيئة ».

وربي يبعد عنج ألم الضرس وغيره

الله يعطيكم العافية على الردود والله لايحرمني منكم

ولا منج ياارب…

اول مره اسمع في هذي الشغله

اختي ملاك اي شغله تقصدين؟؟

الله يعافيج وحياااج الله

السلام عليكم
لو سمحتو بدي دكتور يكون زين لتلبس الضرس بعد علاج العصب ما بدي عيادة غالية وشغل مو زين بدي شغل وأسعار معقولة يا ريت اللي بتعرف لا تبخل عليي ومشكورين مقدماً

أب أب أب

اذا تبين سعر رمزي روحي للمستشفيات الحكوميه وجودتهم زينه بس عيبهم المواعيد بس اتوقع الحين ماكو ضغط

وانا رحت حق عياده فيرجينيا لبست عندهم 3 اسنان بس للاسف ناسيه الاسعار

مشكورة وما قصرتي

أب أب أب

اب اب

عياده د حازم الحزمي بمجمع اطباء النقره الشمالي او عند عياده الفوزان

الله يوفقك

بسم الله الرحمن الرحيم

بنات باخذ شوركم بشغله انا عندي تسوسس بضرسي ورحت أعالجه عند دكتور أسنان بالمره الأولى سوالي بس تنظيف وحشاه مؤقت بعد أربع شهور رجعت له وقال لي ان الضرس معدوم وصاير فيه تعفن ولازم ينشال انا ما صدقته لانه ضرسي ما ابي أشيله أخاف بعد الشيل الاسنان تتفرق …رحت لدكتوره ثانيه وسوت لي تنظيف واللحين أرجعها سويت جلسات ورى بعد متقاربه
تقول الجلسات هذي تتطهير للسن من التعفن وبعده تحشيه لي

سؤالي … أستمر على جلسات الدكتوره ولا أخلع ضرسي وارتاح ؟؟؟
لان الصراحه قريت بالنت عن تعفن السن وعلاقته بالأزمه القلبيه ان التعفن خطييير على القلب
ما أدري اروح لها بكرا ولا أروح للدكتوري الاول واشيل ضرسي وارتاحح

تكفون بنات فيه أحد مثلي صار فيه الشئ هذا ؟؟؟

لا لا تخلعينه الضرس الي ينخلع ما يتعوض ابدا

سوي له علاج عصب وتنظيف وبترتاحين

طيب الدكتوره وهي تعالج ضرسك دخلت فيه شئ زي الابر؟ وصرفت لك مضاد حيوي

اي دخلت زي الابر تدخلهم وتطلعهم تنظيف يعني وتعسل العصب بماده طعمه ولونه زي الكلوركس
وصرفت لي مضاد حيوي بعد

مادري والله. بس خبري السن لي انشال منه العصب و انترك فتره بالشهور ما تلبس خلاص ينتهي امره , اسألي دكتور له خبره افضل -_-

أول مرة أسمع بتعفن السن

الله يعينج وييسر لج أمرج

اللي أعرفه اذا تعفن الضرس
يعمل له تنظيف ثم توضع حشوه مدة 3 أيام مؤقت
وبعدين تشال الحشوه الؤقته
توضع حشوه دائمه
ثم يلبس السن من الخارج حتى ماينكسر
الحمدلله مجربه هههه

شلون يعني تعفن الضرس يمكن نفس ضرسي الاخير

شلون صاير عفيه عشان اعرف

اذا صار فيك تسوس لازم تعالجيه بسرعه
اذا اهملتيه ونكسر تبدا مرحلة التعفن
وسلامتك

بنات علاج العصب اعور وابى اتقولولى عن دكتور زين وايده خفيفه ويكون عن تجربه

بنات ضرورى تكفون لاتخلونى حدى اخاف من طبيب الاسنان مالى غيركم

مالج الا الفوزان وايد زينيين

الله يخليج فى دكتور معين وينكم بنات ساعدونى

اشرف الرمضان بالراشد والله ايده خفيفه

شوفي الاشعه ب 8 دنانير والملف بدينارين والدخول ب 10 والعصب يشيله ويحشيه مؤقت ب 25 الى 45 دينار والحشوه الدائمه البيضا غاليه توصل الى 60
انا سويت ضرسين عنده عصب والباقي سوس عادي

اكره طبيب الاسنان بس بصراحه ايده خفيفه وماتحسبن بالابره

عن تجربه وقبل اسبوع عنده اسوي سوسه حمل

روحي ابها دكتورة منى تينن …

مشكوره اخت ام عفاف الله اوفقج وين ماتروحين واختى نهاية حبنا ما قصرتى الله يوفقج قولى امين

حبيبتي انا توني امعالجه عصب عند الفوزان و اسم الدكتور حسام سوري ايده حيل خفيفه

عياده الميدان بكافه فروعها

شغلهم ماعليه كلام رحت ورديت لهم

عندج بعد عياده ابها بالشعب البحري

موفقه

يباااااااااااا انا مجربه مسويه ظرسييين لاهو يعوووووووووووووووووووووووووووووووور ولا شي والله انه عوار الدوره اكثر من هالعوار لوووول متعقده منها انا
وعادي عادي عادي جدا وانا رحت مستوصف الخالديه مستوصفنا وووالله عااااااااادي كنت خايفه بالبدايه بس كل شي عادي كان
وانا نوعي اخاف بس اتحمل اقول تحملنا شتا انواع العوار وخصوصا الدوره يعني بيكون هاذا يعور اكثر منها؟ ماااااااااظن

لاخاص ولا بطييخ ترا مافي فرق شنو ولاده هي لوووووووووووول ترا كله نفس الشييييييييييييي

عندج دكتوره / سامية السعيد
بميدان الفروانيه وعن تجربه شخصيه والله العظيم ايدها والشفا بأذن الله
وتحسين براحه نفسيه عندها
معاجله عندها كل ضروسي من العقل الين التلبيس يعني قصتي قصه
بالاسنان

احرجتونى يابنات ديرتى بردودكم الروعه الله يوفق كل وحده ردت على

حبوبه جربي مستشفى الراشد دكتور اشيل رووووووووووووعه

um_yoyo اسم الدكتور اشيل تكفيين ردى انتى مجربه هل الدكتور

في احد له تجربه مع خلع الضرس الامامي للطفل الصغير …لأنه ولدي طاح من عربانه و انكسر ضرسه الكبير اللي جدام و عمره سنه و نص…و اخاف تصيرله مشكله بالنطق لما يكبر…اخذت راي طبيب الاسنان قالي ماكو علاقه بين سقوط هالضرس و عدم النطق السليم للأحرف لما يكبر..بس سمكعت من وحده بنتها انكر ضرسها اللي جدام و صارتلها مشكله بالكلام و اضطرت توديها حق دكتور لعلاج هالمشكله…سامحوني على الاطاله…ممكن افاده منكم

لالالالالالالالالالالالالا يااقلبي اعتقد مالة علاقة بالكلاممممممممممممم وبعدين برد يطلع لة ضلاس لما يكون عمرة 7 سنوات لا تحاتين

للرفع

ماله شغل عيالي خواتي كلهم شايلين الضرس الي جدام و كاهم الله يحفظهم بلابل يغردون

اايد كلام الخوات اللي قبلي

و انا معاك بعد الضرس مو من الاسنان الدائمة ؟

مرحبا عزيزتي….
أنا ولدي كان عنده مشكلة بأن أسنانه تتاكل يعني تتساقط في كل مره قطعة صغيرة لحد ما يظهر شكل السن رفيع أخذته للدكتور وقالي لأزم نطلعهم مالهم داعي لأن لثته بتتعبه المهم سوينا له جراحة بسيطه وهاذا كان عمره 3سنين ونص وإلحين عمره 7 سنين وبعده ما طلعت ضروسه الأمامية وبعض الأحرف فيه مشكلة عنده بس ماأعرف إحتمال مش من خلع الأسنان تحصل مشاكل النطق

مرحبا انا حامل بآخر الثالث
وصارلي يومين ميته من عوار ضرسي ولما رحت الطبيب قال شلع او حشوه بس اول سوي اشعه
ولما رحت اسويها قالي اللي اهناك خطر باول الاشهر ساعدونيييييييييييييييييييييييييييييييييي
شسوي اشلعه ولا لأ تكفون ردوا بسرعه

لا لاااااااتسوين اشعه وانا متأكده ان يسبب اسم الله عليج تشوهات لجنين…روحي حق دكتورة نسا وولاده تعطيج مسكن…لا تاخذين مسكن منج لنسج لازم دكتور نسا ولاتروحين لطبيب اسنان يلعب فيج والله يعينج يا قلبي انتي

مالج الا مسكنات

نفس حالتي

وااي حبيبتي صار فيني نفسج قبل شهر و كنت بالشهر السادس و الله ما كنت انام لان ضرس العقل طلعلي و كان ملتهب و حتى اذوني التهبت معاه ما كنت اقدر ابلع ريجي ص معانه بس رحت المستوصف و الدكتوره قالتلي يصير تاذين مضاد حيوي لان طفت الشهر الثالث و بعدها دقيت على دكتورتي و تاكدت منها و قالتلي عادي دامج خلصتي الشهر الثالث
بس لا تسوين اشعه درباااااااااااااااااااااااااالج اصا الاشعه معروفه تذبح تنزل البيبي اصلا اذا عرفوا انج حامل مايدخلونج الغرفه خير شر حتى لو بعد جم شهر
راجعي دكتوره نساء و ولاده وايد احسن و ااي شي يوصفلج اياها الطبيب سئلي دكتورتج على طووول

والله انه توني والده وكنت بالرابع يوم شبت علي اساني
وسويت اشعه وشلعت ضرس و3 عصب
اهم شي تبتعدين عن اول ثلاث اشهر واخر اشهر
3 اشهر اللي بلوسط مرحلة الامان
وديري بالج المسكنات اللي تاخذينهم بس
ادول وبانادول
غير جذي لا الا اذا كتبلج الدكتور
وانشالله ربج ايسهلها عليج صج كللللللللللللللللش ولا عوار الاسنان الله ايعينج

الله يعينج حبيبتي

انا قاعده ادور عن شي يبرد العوار الي فيني بعد ازلة العصب شفت موضوعج

حبيبي ادا هو ضرس العقل شليه وفتكي احسن لج عشان مايصير اشعة وانتي حامل انا بقول شليه عشان تفتكي من عواره

لاني انا مخي نفجر وودني التهبت من العوار واروح المستشفى واسوي اشعة ويقولون ما في شي وارد البيت بعواري واروح لهم بعد ويقولون مافي شي
حتى صرت اروح طوارئ وعطوني مهدئ لاني نفجرت عليهم و4 ساعات واني ابكي
بعدين لما اجو يفتحون الضري الي اقول عليه حصلوه متعفن على الاخر والعصب ميت من تعفن

بس الله ينجيتج من العوار لاني جربته احسن شي شيلي ورتاحي ادا كان ضري في داخل انا بره لا اخدي مضاد حيوي ونطري كم شهر على ما تولدين انشاء الله
والله يشافيك ويصبرك حبيبتي

يا قلبي عادي رووحي مستوصف خاص
اختي بالسابع راحت للميدان ووشالت ضرس وعصب وحطت حشوة دائمة بعد
وسوت اشعه بس حطوا على بطنهاااا مضاد للرصاص
واسم الله عليهاا بنتهااا عمرها الحين سنة وشي ماصار شي
يا قلبي تراا الطب تطور حيييل اشدعوة ليمن الحين نعاني عشان الضرس
انتي روحي لخاص وشوفي شنو عندهم الحكومة ما عندهم ماعند جدتي
وربي يهونهااا عليج

انا توني ارتحت الحمد لله
مت 4 ايام مو قادره انام طلع التهاب عصب حتى المسكن ماينفع رحت حق دكتور ياسر في عياده بيلا للاسنان ماشاء الله شاطر ويفهم قالي اشعه انسي بس عطاني ابره بنج بكميه معينه وايده خفييييييييييييييييفه ونظفلي العصب وحطلي حشوه مؤقته قالي اذا قمتي بالسلامه تعالي واسوي اشعه اتاكد قبل لا احط الحشوه الدائمه
وكتبلي على مضاد بس قالي لا تشترينه خلي دكتورتج النسا والولاده تشوفه توافق عليه او تعطيج غيره بس في كل الاحوال اذا ماضايقج او عورج او التهب لا تاكلين المضاد وانا بالشهر التاسع قالي اخطر الاشهر هي الثلاث الاولى والثلاث الاخيره
واي تفاصيل دزيلي على الخاص

السلام عليكم

بناات انا شايله ضرسي والدم مو راضي يوقف بوقفه شلوووون
بلييز

ما تشوفين شر

سوي ماي وملح وتمضمضي فيه

وحطي عليه القطن الطبي اللي عطاج اياه الدكتور

الشر ما اييج حبيبتي
الحين بسوي
مشكووره

انا بعد كنت بقولج ملح مخفف بماااي يوقف النزيف انشالله
ماتشوفين شر

الشر ما اييج فوز
مشكوره ماقصرتي

المفروض ما تتممضمين الا بعد 24 ساعه ,,حسب تعليمات الطبيب

الافضل اختى تشربين سوائل بارده ,, وابتعدى حبيبتى عن اى شى حار ساخن

ممكن يزيد النزيف والف سلامه ,,

مشكوره نجد ماقصرتي الله يسلمج

حبيبتي لول ما يصير تمضمضين بماي وملح الا بعد 24 ساعه من خلع الضرس وعادي يتم طول اليوم ينزل لين يوقف لا تخافين نامي وتصبحين ماكو نزيف وديري بالج تشربين شي حار لان يزيد النزيف

حالتي مثل حالتج بس انا نص ضرسي مكسور حطلي حشوة بيضه وصاير فيه نزيف لاعت جبدي

ماتشوفين شر

لازم تحطين الشاش و تضغطين عليه
لا تشيلينه عشان يتجلط الدم مكان الجرح
و لا تشربين بعوود
يعني لا تمصين

عندج دكتور اسامه في مستشفى هادي ايده خفيفه وشاطر