الوسم: الزهراني

الدكتور هذا لقبت 3 بنات مادحينه بموقع بدانه حق التمياط انا بحثت عنه لي شهر ابحث بشكل متقطع عنه وعن اكثر من دكتور بحكم انا احنا قررنا نجيب دكتور من برا بس للحين برود حايش البنات ؛( فقلت في حال ماتفقو على دكتور باذن الله بسويها عنده ف يابنات انا هنا قريت عن وحده سوت شفط عنده ومدحت شغله اي بنت مسويه عنده عملية انف يليت لو تقول هنا عشان الفايده تعم هذا هنا في صور لشغله قبل وبعد لاحظت الانوف مو مكسوره عشان كذا اصريت افتش عن بنات مسويات عنده واشوف بعيوني لان شغله على هلبنات ماشاء الله حلو
عمليات تجميل الأنف | الدكتور خالد الزهراني

اب اب اب

يبغى لنا نبحث ونتأكد اكثر من شغله وأن شاء الله اي بنت جربت شغله تفيدنا

ساره
ماشالله عليك احسك نشيطه
وتوني اعرف ان الدكتور خالد له موقع
ومن الصور الي شفتها في موقعه حلو شغله مره

طيب تعرفين الدكتور ايمن الشيخ شفتي احد مسوي عنده
او سامعه عنه شي

شوف بلطبيعه ماشفت حق اي احد من الدكاتره كلام المنتديات في ناس مدحو ايمن وناس ذموه الي خلاني ادور عن خالد الزهراني مدح البنت له وحده سوت عنده ومدحته. بلمنتدى ومنمدحها سور ثنتين غيرها عنده وماشتكو بس المشكله ماينزلون صورهم الي تمدحه كانت تقول للبنات لو تبون تعالو شوفوني علطبيعه بس مانزلت صورها

توووووني دخلت موقع التمياط لقيت موضوع اسمه عملية انفي فشلت دكتورها اسمه ايمن الشيخ الي تسألين عنه !! تقول مااااتغير ابد ادخلي وتاكدي بنفسك

..~

نصيحه لا تحكمين علا العمليه من الجنب
تبين تعرفين اذا شغله ممتار من الامام

الانف تشوفين الفتحات والارنبه وتكمين علا عظمه الانف من قدام مايله ولا مستقيمه..

انا عملت انفي مرتين
مره عند ياسر بدوي بجده

وشغله بعظمه الانف بيرفكت((ممتازه))

مع اني قلت له الارنبه ما ضبطها((م شاطر بالارنبه))

والثاني كنت ابي الارنبه يصغرها
الدكتور ايمن المليجي ابدا مو مشهور ولو لقيتي مدح في النت انا اللي شهرته هههههه

لا باس في شغله الارنبه اعطيه ٦٠ بال٪((جيد شغله)) و ا يبان تجميل

لكن ابي اعيد علا الارنبه هووووس الانف عندي..

بالتوفيق.~

اغلب الدكاتره يحطون صور شغلهم من جنب وهذي مشكله ! البنات لو يتجمعون ونجيب دكتور شاطر من برا بننتفع

عاجبني تعاونكم
وانشالله نفيد بعض
في منتدا الدكتور سلطان
في وحده كتبت انها سوت انفهاعند خالد الزهري وخرب انفها ودفعت مبلغ مرتفع واخرتها
المراجعات بس مراجعه وحده بعد العمليه شال الجبيره وقال لاتجين مراجعه و تناقشينيي في موضع انفك الي بعد سته شهور
هذا غير اسعاره المبالغ فيها مرررررره
يمكن ماتصدقي كثيرراحوله في منتدا سلطان وقالهم عمليت تجميل الانف ب50 الف

وكمان نفسكم قريت مدح له وتجارب له في الشد والشفط وحقن الوجه بالدهون الذاتيه

يوو عاد بهلمنتدا انا عرفت عنه وحده مدحته هناك وثنتين سوو عنده من مدحها ليكون بيحط بدال العظم ذهب 50 الف! شدعوه وبلنهايه شغل عادي بنات شرايكم بول عوده؟؟

..~

يالطيف علا اخلاق بعض الدكاتره كآنه دافع من جيبه

بول عوده<<

له موقع لو له لو تكرمتي حطيه،،

بصراحه ما فيه افضل من الايرانين لكن الشكوه ع الله..

~..

..

اخت ساره العامر شفت شغله حطيته في نوضوع ثاني

انا اشوف شغله عادي مو واو لا باس فيه..

يعني ما ينحت الانف ويصغر الارنبه شغله طبيعي جدااا
حسيت اللي انفها كبير ولا يبي له شغل تروح له
انا ادقق اكثر شي علا الارنبه وما حسيت عامل شغل
رآي..

بالتوفيق للجميع..~

الصراحه
أحترنا
مرة يطيرون بالدكتور مرة يشوهون سمعته مثل ماشوه أنوفهم

ذكرتوني بدكتور مرة وحده تقول سوى له عمليه فاشله صار خشمها مثل مها محمد وبالأول كان مثل الهام فضاله

وبعد فترة كم شهر قالت خشمها أفضل بواجد يعني من مها مها محمد فرق شاسع ياساتر

بنات لويتغير خشمك بنسبه 50 % الي الأفضل أحمدي ربك أهم شيء صار أحلى من اول وراحت العيوب

ليه تطلبين خشم مثالي أو جديد ويمكن مايناسب وجهك في واجد صغر

ولا تحكمين على خشمك من البدايه لأنه يتغير مع الوقت أعرف وحده شفتها بعرس مسويه عمليه وكانت ماخذه شهرين وكان خشمها حيل منفوخ من العطور
قلت في بالي هذي عمليه تشويه وكان خشمها أول جميل جدا مايحتاج عمليه

بس بعد كم شهر صار روعه ومو واضح الشغل الصناعي صاير ماشاء الله يهبل سله سيف

أنا أن شاء الله قررت اسوي انفي وجفوني في الاردن عادي يرفعونه ولا اسويها في السعودية واتشوه
حتى ماعندهم زحمة مواعيد زي عندنا بس استنى اخلص تقويم أسناني دكتور اسناني قال 3 شهور أن شاء الله وتخلصي

سور الفرح هذي الي شفتيها وين مسويه انفها

انا اشوف افضل طريقه
هي الي تبي عمليه تروح بنفسها لكم دكتور وتاخذ استشارات واكيد بعدها ومن كلام الدكتور وتشوفي صور لشغله
واهم شي اكيد ممكن تلاقي مراجعات مسويات عنده وتساليهم وتشوفي شغله عليهم افضل راح تعرفي اذا هو فاهم او ماعنده سالفه
وبعدها تحددي
لو اني في الرياض كان سويت كذا لاكن مشكلتي اني عايشه بالشرقيه وماروح للرياض الي في الاعياد والعطل وتكون العيادات مقفله او الدكاتره مسافرين

السلام عليكم ……..وصباح الخير

من أسبوع سويت شد وتصغير لصدري وشفط وشد البطن عند الدكتور المبدع خالد الزهراني … النتيجة كانت فورية الصدر صار ممتاز والكرش اختفت ولعبت عضلات بطني دور في النتيجة لانه مهب ضعيفة ….

الجلد الزائد طلع وزنه تقريبا 12 كيلو …. طبعاً اول ماطلعت من العمليات وصرت في غرفتي حييت ايدي على بطني لأول مرة مافيه تله >>> كرشتي

صدري عاجبني وبصراحة أحلى من توقعاتي … بس كانت عندي معاناة مع السرير لين والقومة صعبه خاصة مع وجود البرابيش كانت 4 اثنين في الصدر واثنين في البطن … وتموا 5ايام وشالهم الدكتور وبصراحة ارتحت بشكل كبير …طبعا صدري ما حسيت بأي الم الوجع كان في بطني وكانت الأمور تمشي في الأيام الأولى بالمسكنات ..

العملية والإقامة كانت في مستشفى المملكة …

كلفتني العملية 75000 ألف ريال شاملة إقامة يومين والتحاليل والمشد .

طبعا انا من قطر واحمد الله على اختياري للدكتور خالد وشهادتي فيه مجروحة واشكر دكتور التخدير يوسف …

فيه انسانه حبيت أشكرها من كل قلبي وهي الأخت والصديقة رغد منسقة المواعيد والعمليات عند الدكتور خالد الزهراني مهما بقول عنها ماراح أو فيها حقها أبداً …
أخت وقفت معاي وقفة ما أنساها لها عسى الله يوفقها ويبارك لها .

طبعا بعد شهرين لي رجعة للرياض عند الدكتور خالد بسوي شفط الزنود والظهر …وبعدها بمده بسوي شفط للفخذين والساق ..

حبيت اكتب تجربتي للفائدة لكم مثل ما انا استفدت من المنتدى .

واسمحوا لي إذا فيه أخطاء لأني اكتب من الآي باد

طبعا انا كتبت تجربتي في منتدى بدأته كلينك اليوم

الحمد لله على سلامك

وألف مبرووك النتايج الحلووه .. يارب دوووم

^^ أكيد الشعووور روووعه

أنا العملية الوحيده إلي سويتها خشمي .. وحدي أستاانست

الله يسلمج حبيبتي

والشعور ولا ارووووع والنتيجة كانت فورية سواء البطن او الصدر ولله الحمد بصراحة ما تندمت على اختيار الدكتور خالد الزهراني جزاه الله خير

سبحان الله وبحمده سبحان الله العظيم

197 مشاهده ؟؟؟!!!

ماهان عليكم تكتبون حرف .. على العموم باقي الأشياء اللي بسويها الفترة الجاية بسويها بالخش توقعت أني بفيدكم بتجربتي

وأشكر خواتي فاطمة ٢٥ وأختي فطمطم الله يحفظكم فديتكم

على فكرة للتصحيح كتبت بالغلط ١٢كيلو الصحيح اكثر من كيلو ٢٠٠غرام خيركم التركيز بعد البنج لكم عليه
وأخمد الله بديت امشي ووزنا أمس الصبح نازل وزني ٤كيلو ولله الحمد

اعذروني على الأخطاء الإملائية لآني اكتب من الآي باد

..~

ما شاء الله تبارك الله

والحمد لله علا سلامتك

وفعلا يمدحون الدكتور الزهراني لكن ما شفت بعيني

وانا مفكره اسوي صدري وبطني بس عند ايمن حلمي او عبدالله الثنيان

الله يسهل الامور..~

..~

ما شاء الله تبارك الله

والحمد لله علا سلامتك

وفعلا يمدحون الدكتور الزهراني لكن ما شفت بعيني

وانا مفكره اسوي صدري وبطني بس عند ايمن حلمي او عبدالله الثنيان

الله يسهل الامور..~

الله يسلمج يالغاليه إلى الآن انا راضية عن النتيجة ولله الحمد وبصراحة كدكتور خليجي يسوى نادر صعب وطقته

والله يسهل عليك وتسوين عمليتيج وتقومين بالسلامة

الحمدلله على سلامتج

وتهنييتي بالنتايج حبيبتي

شكثر قعدتي فالرياض قبل لا تقدرين تردين الدوحة؟

ومن ترشحين من دكاترة قطر لنفس العمليات اللي سويتيها

الف الحمدالله ع السلامة وألف لاباس عليج

الحمدالله على السلامة

وخطاج الشر

حبيت التجربة بس انتي مسوية جراحة او الشفط بالليزر ؟

الله يسلمج فديتج

انا من نفسي اللي قعدت اسبوعين ابي ارتاح لكن تختلف من شخص للثاني
يمكن تحتاجين اسبوع او 10 ايام

في قطر مادري فديتج لاني مثلج سألت ومليت محد فادني

الله يسلمج ياقلبي ويارب تتوفقين في دراستج

https://www.youtube.com/watch?v=BR-nzdQA51I