الوسم: الجبيرة

لمعرفة ذلك :
‫الشيخ زيد البحري – المسح على الجبيرة والدواء.‬‎ – YouTube

جزاك الله خير

السلام

شخبااااااري المنتدى
ولهت على ايامه

عموما
سؤال سريع

اللي جربو فك غرز التجميل بعد اسبوع من العملية و فك الجبيرة ..
شنو شعوركم
يعور ؟؟؟؟؟؟؟ ولاعادي ؟؟؟

واكون شاكرتلكم جدا جدا جدا

فك الجبيره مايعور

بس الغررز أيووه فيه ألم

بالنسبه لفك الجبس توقعي تنصدمين تبجين تصرخين هههههه ترا عادي تحسين خشمج ماله شكل ويهج غريب بسبه الاورام خصوصا لوً كان حاكلج العظم بس بعدين عادي بعد شهرين يفش الويه وتروح الاورام وبالنسبه للغرز انا كلش ما عوروني بس مجرد تحسين بنغزه لما يسحب الخيط عشان يقصه والحمدلله على السلامه

كانت ايام سودا
في الم طبعا اختي

شلووونه الدكتور النومس زين شغله والا لا !؟

قوووووووووووة بنات اخباركم

حبيت اخبركم اني فكيت الجبيرة والخيوط اليوم

بصراحة بصراحة عذاااااااااااااااااااااااب تعذبت والدكتور قاعد يشيل الخيوط ويدينه ترجف وانا قلبي يترقص

قلت لا بالله باطلع ودمي سايح اليوم

مقصين ومشرط ياحاط ياشايل وانا ارجف على ذاك الكرسي والله

هو مايعور وايد بس الخووووووووووووووف والترقب هو الي لعب فيني لعب

وفي بالي ابي اقوووووم بس اشوف خشمي اليديد

الممرضة واقفة ورا الدكتور وتطالعني اقول اخخخ يالقهر الحين هي شافته قبلي

ومادري حلو ولالا

المهم خلص شغله الدكتور ونظف لي بالبيتادين وقال لي تقدرين تشوفين نفسج بالمراية

بيني وبينكم انا ماكنت ابي اشوف جدامه عشان لو ماطلع خشمي حلو مايطيح وجهي

جدامه وجدام ممرضته

سلمت امري لله

ورحت اشوف ويهي بالمراية

صراااااااااااااحة صددددددددددددددددددددددمة

طبعا ماتوقعته جذي ابدااااااااااا

طول الوقت افكر انه صار سلة سيف وانه بيرفكت وماعليه

هههههههههههههههههه تحطمت احلامي

طلع متورم للحين ويلووووع الجبد مدهن فيه حبوب وحالته حالة سوري لوعت جبدكم

بس الشكل حلو مرسوم يعني مع الايام اتوقع بيحلو اكثر

فعلا الدكتور نحف لي اياه تغير عن قبل

حسيت نفسي مو انا شكلي غييييير صاير

ماستوعبت شكلي والله

المهم طلعت من الدكتور اختي تنظرني برة الجبانة لانها تخاف من هالسوالف وريتها خشمي اليديد

جان تقول لي غييير بس للحين متورم ويهج ومايبين قلت لها حلو ولالا قالت مايبين الحين

مادري شموضوعها

المهم رديت البيت نظفت خشمي من بره بالمسحات الطبية عشان اوخر الحبوب الصغيرة

واحس كلما طالعت بالمراية مادري شي غرييييييب

اول مايستقر شكل خشمي ويخف التورم باكتب لكم

اتمنى يتغير الشكل لانه ان ظل كذا معناته مو حلو

واي سؤال انا حاضرة لحد يستحي

عاااااااااادي اكيد اكيد اكييييييييييييييييد مورم وماطلع شكله

رفيجتي سوته وقالها بعد 6 شهور يطلع الخشم الاخير
وحاسبي على نفسج ماينجبر العظم الا بعد سنه يعني حتى بالنوم لازم اتحاسبين ولاتغسلين وتفركين فيه
الله يعينج هانت

اكييييييييييييييييييييييييييييد بيخف الورم مليون بالاميه خخخخخخ

نطري شهر! و شوفي خشمج اشلون بيصير

ايه صح كلامها لا تجيسين العظم ترى يتحرك و ينعوي خشمج

هلا وغلا اشواااااا طمنتيني وزين قلتي لي والله لاني كنت ناوية افركه فركا مبرحا نهاية الاسبوع

ههههههههههههههه اقول لج كل شوي اطلعه بالمراية صرت اوسوس

يسلمو عالرد ياقمر ونورتي موضوعي والله

هلا وغلا ام شريفة اسفرت وانورت والله

ان شاءالله يخف واوصل للشكل الي ف بالي

عقب شهر اذا خف الورم باصور لكم وباسدح الصور اهني

خل اسوي لكم جو شوي مع خشمي اليديد ان شاءالله مايكون شماتة بس ياااااااااااارب

مادري متى بيخف هالتشاؤم مني

يسلمو ياقمر عالمرور نورتي يالغلا

مشكورة ام شريفة عالتاكيد

زين قلتوا لي والله ونبهتوني لاني مطفوووووقة حيييييييل

واحب اتعبث

عند منو سويته

سويته عند دكتور بشار رباح بسوريا

ماشاء الله

الله يتمم عليييج يااارب

بجم كلفتج العمليه ؟

والمستفى ؟

اشلوون نفسية الدكتور مع المرضى ؟

والفاااال ليي ياااارب

انزين سؤال ثاااني

تحسفتي انج سويتي هالعمليه ولالا ؟

اميييييييييين يااااااااااارب

كلفتني 550دولار والتحاليل 350 ليرة تقريبا 35 ريال سعودي

نفسية الدكتور اخلاااااااااااااااااااااق قمممممممممممممممة ماشاءالله عليه

مرررررررررة حبووووووووووووب

والله اعجز امدح اخلاقه سمعت البنات يمدحونه وحسبتهم يبالغون لكن شفت بعيني تعامله

ذوووووووق ومايخرررعج ومو نفسية نفس بعض الدكاترة

الله يكتبها لج يارب وينولج الي في بالج حبيبتي

هالسؤال اجاوبج عليه بعد شهر يكون خف التورم ووضح شكل خشمي اكثر

لكن مبدئيا اقول لج مادري توني اول يوم اشوفه من عقب العملية ومو متعودة ع شكله

وكل الي حولي يقولون لي نفس الحجي صبري عليه ونشوف كيف يصير شكله

حبيبتي توج
انا بعد كنت احس شكلي غير لان الخشم متنفخ

يبيله وقت لي مايرجع كل شي طبيعي لين راح الورم

امممم
انا صراحه بعد مسويه عند بشار اول مافكيت الجبيره كان حلو شكله مع انه مورم

بس لي الحين اسبوعين وشوي وربي كلش مو اللي ب بالي لانه صارت جهه غير عن جهه
و واضحه وضوح الشمس حدي متفشله ومتحطمه منه مدري شسوي ياليت اي وحده صار لها مثلي ورد شكلها طبيعي تكفووون تعلمني