التصنيف: نساء وحمل و ولادة

السلام عليكم ورحمة الله وبركاته

بنات ابي اعرف وين ينباع لاني دورته بكذا صيدلية وماحصلته
ابي اقرب صيدلية تبيعه يم منطقه هدية وجم سعر العادي والديجيتال

ثاني سؤال اهو صج يبين الحمل قبل الدورة ب 4—6 ايام

في ناس يقولون كلير بلو العادي مثل الديجيتال بس الفرق ان هذا يكتبلج حامل او غير حامل والعادي يطلعلج خط او خطين

منو جربته وبين قبل الدورة بجم يوم

صج اهو ادق ولا تحليل الدم لاني سمعت انه ادق وما اقتنعت ههههههه
الدم يبين قبل جم يوم بنات
والله يجزاكم الف خير*

للأسف انقطع عن الصيدليات ما ادري ليش !!!

جربي رووحي صيدليه بوتس يمكن تحصلينها
بس ما اعقتد يبين قبل الدوره ب 5 تيام اذا الدم الهرموني مايبين الا نادر
,,,

موجود بصيدلية بيان وقيمته ب 6دنانير

ومكتوب انه يبين اذا تأخرت الدورة يوم واحد بس قبل لا تتأخر ما يبين

الديجيتال منقطع من زمان اشكثر افتريت أدوره .. انشالله تحصلين اهني اهناك

منقطع من زمان

اي صح من زمان مقطووع كذا مره دورته ما لقيته

سعره كان اب 6 بس اعتقد انقطع

الله يجزاكم خير يارب
تصدقون في بنات قالوا انه مكتوب فيه يبين قبل ٤ايام
يعني تتوقعون احلل دم افضل والدم بعد التبويض باسبوع يبين صح*

شوفي اختي انا حدي مستعيله
في كل عيالي احلل قبل الدوره بالتحليل العادي
و يطلعلي خط الحمل خفيييييف
و اكون حامل
جربي يمكن يبين

اب

اب

منقطع كنت ادوره

والله يسلمج مكتوب عليه

قبل الدوره ب4 ايام

تقدرين تحللين وانا ضبط معاي

قبل دورتي ب4 ايام حللت فيه

وكتب لي حامل

ولو صج بصيدليه بيان بشرونه

خل اروح ادوره واشتريه

تلقينه بصيدليات الكبيره
جربي طيبه
الغانم
بوتس

اهو ب6 دنانير

واذا ما لقيتيه معناته صج قاطعينه

الله يكتب لج اللي فيه الخير

شكلي بدق على الصيدليات اللي ذكرتوها لي واشوف

بس الحين يعني اهوا اضبط ولا الدم لاني عادي ماعندي مشكله اني اسوي تحليل الدم
بس ابي اللي يبين اسرع ودقيق

عسى الله يجزاكم خير ويتمم حمل الحامل منكم ويرزقها بالذرية الصالحه ويرزق اللي ودها بالحمل الحمل بطفل سليم وصالح اللهم امين
ماقصرتوا حبيباتي

حبيبتي آنا كنت بلندن وشريت هالتحليل من صيدلية بوتس وسويته قبل تاخر الدورة بيوم وطلع لي مو حامل وبعدين سويته ثاني يوم يعني بيوم الدورة وبعد طلع لي مو حامل وبعدين لما سويته باليوم اللي بعده يعني من بعد تاخر الدورة بيوم طلع لي حامل
يعني كل التحاليل لازم يطوف يوم على تأخر الدورة علشان تطلع النتيجة وعلى فكرة جربت 6 اختبارات يعني باليوم الواحد كنت استخدم 2 لزيادة التاكد

ماااااااااااااااكو على تحليل الدم الهرموني بصراحة عجيييييييييييييب قبل موعد الدورة بأسبوع كنت اعرف إني موحامل لما اسويه وفعلا كانت الدورة تشرف

أختبار كلير بلو الديجيتال موجود بصيدلية جمعية العدان
جمعية رقم 1
و سعره 6 دنانير مكتوب يبين الحمل قبل الدورة ب4 ايام

واذا كنتي حامل ومابين يمكن التبويض متاخر

كفري للولادة حدة ضخم منثور شواروفسكي واللؤلؤ قصات وراقي حييييييييييل وبنفس الوقت فخم وفية قصات ومع مفارشة ومخادة وحتى شاريتلة المخاد من ايكيا علي قياسات المفارش لوووونة سلفر فاتح وداخل فية اف وايت بنات واللة واللة لو اسولف على الفخامة مراح تصدقووون انا مصممتة عند المصممة الكويتية ليال وكلفني 450بعد الدسكاوند الخاص لي الي حابة تشوفة ترسلي عالخاص لاني الصراحة مراح اعرضة حرام عالموديل والجادات ترسلي عالخاص وحياها اللة البيت تشوفة

موفقة

موووفقه ان شاءالله

السلام عليكم

اشلونكم بنات شخباركم ؟؟
طبعا هذا الكلام مااااااااااااااااااااااااااااااااااااادري اذا صج ولا اشاعه ما نبي نظلم المره وهي سمعتها ذهههههههههههههب

ويمدحونها ويقولون شاااااطره انا سمعت وحده تقول ان الدكتوره ناهده شالت رحم وحده بالغلط لانها كبرت بالسن وماعادت نفس قبل بصراحه من يومها وانا مخترررررررررررررررعه لاني ناويه اولد عندها بإذن الله

فتكفون بنات احد سمع عن هالسالفه وتأكد منها ولا مجرد اشاعه ؟؟؟؟؟؟ تكفووووووووووووووووون ردو لا تطنشوني

انا بعد سمعت نفس الكلام بس للامانه ما ادري صج او لا

انا بعد سمعت انها شايله رحم وحده بالغلط
بس انا اراجع عندها اهيي شاطره وااايد واتوقع انها اشاعه

اذا ما تعرفين المرة شخصيا عيل طنشي و توكلي على الله اذا مرتاحه للطبيبه

وايد دكاتره يغلطون مو بس هي بس الحافظ الله

اشرايكم بنات اكمل عندها ولا اغير واروح لوحده ثانية بصراحه قمت احاتي

انصحج بالاستخاره واذا مرتاحه كملي معاها

انا عن نفسي سمعت نفسكم بس انا اراجع عند الدكتورة من سبع سنوات وولدتني بعيالي كلهم الدكتورة ذهب والله العالم اذا هي اخطأت ام لا بس نصيحتي عليج بالصلاة الاستخارة انا عن نفسي ما اشك خيط بأبرة في جميع امور حياتي وامور عيالي الا بصلاة الاستخارة وربج كريم راح يهديج لطريق الصحيح والله يتمم عليج وتولدين بالسلامة

توها رفيجتي والدة عندها وحيل تمدحها
استخيري وشوفي

مشكووووووووووووووورين يا حبيباتي على الردود ما قصرتو وربي ييسر كل اموركم

بناااااااااااااااااااااااااااااااات انا ما قريت ردود البناااااااااات بس حبيت اقولكم ان الدكتورة ناهده العلي قاعدة تولد وحده وبنفس الوقت البنت صار معاها نزيف وحاولت بكل الطرق توقف النزيف وماصار واهيا بغرفة العمليات والبنت بتموت ومو عارفة تطلع عشان تقول حق اهلها وفعلا شالت الرحم ويوم اطلعت امها وزوجها عصبوا وصارت سالفة بس اهيا بكل هدوء اشرحت حالت البنت وقالت انا ما اقدر اخلي الام تروح واهيا عندها زوج وعيال ودقات قلبها قلت وضغطها صار يصعد وينزل جنه روحها تطلع عشان جذي شلت رحمها … ومن بعد ما سمعوا الاهل الزوج سكتوا وقالوا اهم شي بنتنا ما تروح منا وصج اهيا كانت من قبل وايد تعبانة والبنت الحين عندها 3 بنات وبس الحمدلله على كل حال لا تسمعون كلام احد ولا تحاتون انا بالنسبة لي الولادة نصيب يا يخيب يا يصيب

صلي استخاره وفيلجاويه عسل ماقصرت وقالتلج الموضوع بالضبط وصج مو معقوله بتشيل رحم وحده عبط الا وخايفه من شي ثاني

هلا حبيبتى ؟؟؟؟؟
صراحة وايد ناس مجربينها مدحوها لى وهم ناس ذموها بعد
بس ترا القدر يلعب دور وكل شي بيد ربج ……..
وعلى فكرة لو تقعدين تدورين وايد دكاترة يمدحونهم ناس وعند ناس غير يذمونهم
واحنا ضايعين بالطوشة …….. الله يقومج وتولدين بالسلامة ……. اجمعين

عاد الا شيلة الرحم عمرها ما تكون بالغلط!!!!!!!
كلام فيلجاويه صح لاني سمعت هالسالفه

د ناهده عسل لا تروحين غيرهاااااا

السلام عليكم اشلونكم حبيباتي

بنات الله يخليكم ابي اسامي بنات حلوة و خفيفه و يديدة

ومشكورين اتنمى الرد

في_ صبا_مزايين_سدن

هذوله اللي احبهم وانتي براحتج ياقلبي"

تربي بعزكم يااااااااااارب وتختارون نفنوف عرسها يارب

فيه لين ، ليان، و سن حلو بعد

والله ابوي عطاني لستته اسامي بس ما اتذكرهم كلهم
اتذكر صبا – سمى – سمو – ورود – رونق

وانا عجبني استبرق وانشاءالله بسميه لبنوتي الي بالطريج

درر حلو
لمى حلو بعد

هتون-شهد-شذا- ليان-تالين-جنى-طيف-نوف -حنين-اسيل-اميره-

نجد

ريم <<<<<< قديم بس حيل حلو وخفيف

ليان

جود

الله يسهل عليج ولادتج

كلش ولا ليان ، ترا نص الكويت امسميه مواليد السنه اللي طافت والسنه هذي ليان ههههههههههههههههههههههههه

اللحين رادين على موضة الاسامي العتيجه:
سبيكه ، غنيمه ، بيبي ، منيره ، شريفه ، رقيه ، زليخه هههههههههه أتقشمر

الاسامي الحلوه :
دشي مواقع فيها أسامي
والله أحسن شي تفتحين القرآن وتدورين أسم مذكور بالقرآن مثلا انا أعرف ناس امسمين من القرآن أسامي غريبه:
دانيه "قطوفها دانيه"
جنى " طبعا معروف ونص الكويت اساميهم جنى والنص الثاني جود هههههههه
مسك
نمارق

بعد في أسم غريب " مو شرط حلو" : سؤدد
في أسامي خفيفه وحلوه :

زين " على شركة زين " عشان حتى تلفونج يكتبون اسم بنتج" هههه
نور " وايد رادين على هالأسم "
آمار
آصال
أديم
أصايل
أجوان : جمع جون يعني مثلا جون الكويت " انا وايد أحب هالإسم "
لمار
ليلك
مروج " اسم رزه"
ريتاج : معناه مفتاح الكعبه
سدن : معناه ثوب الكعبه
مزون : السحب
لجين
رغد
تالا : معناها النخله الصغيره
ريتال : التي تجيد ترتيل القرآن
لمار: ماء الذهب
سديم .. له كم معنى .. الضباب الناعم ، الكثير الذِّكر ، التعب ، الماء المندفق ، موضع في القبة السَّماوية فيه نجوم بعيدة تبدو كأنّها سحابة ضعيفة النور
آرام : الظباء
أستاج: مايلف عليه الغزل
أسيف: رقيق القلب
مياسين: وهي النجمه البعيده
سرمد : الابدي " أحبك حب سرمدي
لميس : الليلة الناعمة الملمس

وبس تعبت من الدواره

كثر الله خيري

رهف – رغد – نغم – مرح – ريان

انا احب اسم لارا ويارا وفرح وافراح
والله يسهل عليج انشالله

الحور احلى اسم

انا ان يتني بنيه بسميها كادي ولو ان ريلي مو راضي لوووووووول

سدن – مسك – الزين – زين – جوري – شهد

روبي(نوع من أنواع الاحجار الكريمه) – ربى (بضم الراء و فتح الباء بالمد) – لورا – جوري

احلى اسم براي الكادي او كادي

واي اينن هالأسم بس مااقدر اسمي هالاسامي موعلى كيفي

يا حلوها لما تسمينها كادي ودلعينها كدوووي