|
|
الكل هالايام يتحجى عن زيادة وشغل اداري وغيره ….. واهم شي صرنا
نعاني منه هالايام ( عدم احترام المعلم) ماقول ماله هيبه لانه الواحد يفرض
نفسه مهما كان .. بس اذا الوزارة طاقة المعلم بالطوفه شتتوقعون من احد
ثاني … وفي فنتق يديد الحين …. اتييب او (اتدز) ولية الامر ريلها !!!!
اشرايكم بهالاحترام !! وين صار هذا بأي ديره .. وجان زين تكون مسويه
هالمعلمه شي في اولياء امور يلفون ويدورون ويألفون سوالف ( وكله هذا
معروف علشان يبي امتياز حق بنته )
وفوق كل هذا صعبه انج تسكتين عن حقج فوق تعبج بالحصه
واذا تحجيتي ( اتصيرين مو زينه ) ويمكن يأثر
بتقريرج ..!!.. يعني صج مطقاقه احنا .. في مهنه ثانيه جذي بالكويت ؟!
حتى بالمستوصفات (بعضها) يحطون ورقة كبيره على الدريشة علشان لحد
يفكر مجرد التفكير انه يغلط وعقابه يا غرامه او سجن !! انزين واحنا؟؟!!!!
جان زين تتحرك الوزاره (الحلوه) علشان تحفظ كرامة الانسان بس يبا !!
بالاخير … انتي يامعلمة ياشقيانه اذا صار لج موقف جذي شتسوين تردين
واللا تسكتين ؟!! علشان حقج وتعبج لا يروح بسبة كرامتج !!
ترى وليه الامر اللي مجابله عيالها
تعرف مستواهم قبل المعلمه
يعني لو الطالبه حافظه كلمات الانجليزي والسوره القرآنية ومحضره لدرس باجر وكاتبه واجباتها يوم بيومه
وتجيب لي درجات مو زينه
مو اقعد ببلاعيم الابله ………..
وبعدين ي الابله بايدج توزيع الدرجات
وتعرفين نقاط الضعف بالطالبه
فمن نقاط الضعف يبتدى الحوار بينج وبين ولي الامر
ترى هاليهال اللي تدرسونهم وراهم ام وابو يدرس وراكم
غير مدرسين الخصوصين
يعني مو فوضى لما تجي الشهاده والدرجات مو زينه
اكيد فيه خلل
ولازم تصير مواجهه
بين ولي الامر والمعلمه
لمصلحه الطالبه بالنهاية
فوفو
|
المشاركة الأصلية كتبت بواسطة فوفو22
 بحكم اني وليه امر
ترى وليه الامر اللي مجابله عيالها تعرف مستواهم قبل المعلمه يعني لو الطالبه حافظه كلمات الانجليزي والسوره القرآنية ومحضره لدرس باجر وكاتبه واجباتها يوم بيومه وتجيب لي درجات مو زينه مو اقعد ببلاعيم الابله ……….. وبعدين ي الابله بايدج توزيع الدرجات وتعرفين نقاط الضعف بالطالبه فمن نقاط الضعف يبتدى الحوار بينج وبين ولي الامر ترى هاليهال اللي تدرسونهم وراهم ام وابو يدرس وراكم غير مدرسين الخصوصين يعني مو فوضى لما تجي الشهاده والدرجات مو زينه اكيد فيه خلل بين ولي الامر والمعلمه لمصلحه الطالبه بالنهاية فوفو |
رايج احترمه ومو غلط ….
بس مو هذا اللي
قاصدته بموضوعي !!!
اول شي مو كل اولياء الامور يدرسون ويجابلون عيالهم !!!!
و مو كل اولياء الامور اييبون مدرسين خصوصيين !!
الام (تدرس) بنتها مو تقيمها المدرسه اهيا اللي تقيمها وترد بهالشي
على محاور حاطيينها التوجيه ….. ويبين تقييمها (بالصف) وفي
تقييم شفوي وتحريري المدرسه ماتجيب شي من جيبها!!
شكو تقعد (ببلاعيمها! 
))))) لو اقعدت ببنكرياسها اذا مالها شي
بس مجرد تبي امتياز حق بنتها ماتاخذه بالغلط على الناس واللا الصيحه!
واللي عنده حق حالنا حال الوزارات في ناس يلجأون لهم وياخذون
حقهم اذا لهم حق بس اللي عارف انه ماله حق ياخذ السالفه ب … كلام
والاهم انه موضوعي عن احترام المعلم …. يعني لازم ولية الامر تقابل
المدرسه وهذا المطلوب علشان تعرف بشنو بنتها قويه وضعيفه
بس مو تصارخ عليها او تقل ادبها !!!!!! انتي ولية امر وهم موظفه
اكيد ماتوقع انج ترضين احد يصارخ عليج وانتي كل اللي سويتيه انه
قاعده تسوين واجبج !!!! اظاهر انه التبس عليج الموضوع في قسمين
من اولياء الامور انا ماجمعت (ليش اولياء الامور ياييين من المريخ واللا
كلهم يسوون جذي)!!!!!! قصدت هالناس اللي تغلط على المدرسه
والغلط محد يرضى فيه اكيد .. واكيد مثل ما(عيالنا) عيال ناس هم
(المدرسات) عيال ناس ..
و من حق ولي الامر انه يفهم ليش و وين الخلل ..
بس مو من حقه انه يتطاول على المعلمه .. هذا شي مفروغ منه ..
و اللي اتدز ريلها … كيفها .. و حسب ظروفها يمكن مو قادره تروح اهي للمدرسة
الله يعين كل معلم و معلمه يشتغلون بضمير
واتمنى انه اولياء الامور يرتقون باسلوب الحوار مع المعلمات
والله يعينكم يامعلمات على بعض اولياء الامور
الحمدلله احنا في قسم الحاسوب مانعاني من هالمشكلة
بس اذكر مره قلت لطالبة مشاغبه لازم اشوف امج
وطبعا ماكان استدعاء رسمي انا اصلا ماحب استدعي اولياء الامور واخرعهم
ولما جت امها المدرسة كان اسلوبها حيل راقي
والله يابنات اني بعد ماشفت امها حسيت ان الطالبه عندها اهل سنعين يربونها
وغيرت معاملتي معاها للاحسن
فياولياء الامور عاملوا المعلمة مثل ماانتوا تبونها تعامل عيالكم
لازم يكون الكلام لين بين الطرفين
وعلى فكرة ترا هم في بعض المعلمات ماعندهم اسلوب مع ولي الامر
انت بنتك مشاغبة ولسانها طويل وتهرب من الحصص ووووووو