|
|
السلام عليكم
بنات انا اذكر قالت لنا الناظرة ان شروط التحويل لأدارية 10 سنوات تدريس ……….قلت شعقبة خلاص انطر التقاعد او اصير مدرسة اولى او توجية او اي شي ولا ينكسر معاشي دام صبرت هالسنين هذي كلها 
لكن الحين سمعت ان عادي متى ما الوحدة تبي تقدر مو غصب التدريس(على فكرة انا خدمتي سنة ونص تقريبا)
صج هالكلام والا لااااااااااااا
وشاااااااااااااااااااااااااااكرة لكم
صار التحويل بدون شروط
تحويل الادارية الى مدرسة؟
فأنا كنت معلمة رياض وبعدين حولت إدارية ورجعت مرة ثانية معلمة بس والله ياأختي إن مهنة معلمة أحسن من أي مهنة ثانية.. لك العزة والرفعة في مكانك وبأي مكان ثاني تكفي شهادة معلمة ,,,,, يوم حولت إداري إشتغلت في المنطقة تعرفين شنو ذل أوامر شغل بين أوراق ومراجعين منهم الخنين ومنهم ……!! بعد أربع سنوات إداري رجعت وعطيت في مهنتي معلمة أكثر من أول صجججججج لي قالوا (((( ما تعرف إقديري إلا لما تجرب غيري ))) كافي إنك تعطين علم وقدر العلماء عند الله عظيم وإحتسبي الأجر وإسألي الله الإخلاص في القول والعمل .
واللي تقول لكم صارلها ا قل من اسبوع توها مداومه مدرسه …. وتبي تحول اداريه لان الوضع لاااااايحتمل ………
كل شي بصوب وسالفة الحش واالقيل والقال بصوووب .. يا الله توها الابله طالعه من القسم طاااحو فيها حشششش وانا موجوده ………… ياربي ززززهقت من اول ثلاث ايام وهذا بعد ماستلمت حصصص توظفت بالامتحانات …
ابي اجرب الكورس الياي ويصير خير اما اقعد والا انحاااااااااااااااااااااااااااااااااااش …. يمكن البنات يعوضوني غثة الابلات … لانهم يهبلون عسسسسل بنات المتوسط يونسون …
واي عروب كلامج مؤثرررررررررررررررررر
انزين وسهل ترجعين للتدريس مرة ثانية والا لويه؟؟؟؟
وثاني شغلة ليش مافكرتي تصيرين ادارية بمدرسة ماعندج هالناس والمراجعين تعاملج مع المدرسات والطلبة اما الناس عادتا يا الاخصائية او الناظرة او الوكيلة هذا الي يروحون يتعاملون معاهم
اتمنى تجاوبيني
انا ناطرة زيادة شهر 2 اذا الادارية معاشها زين افكر احول
تصدقين انا الي غاثني ان صبيان افكر اجرب بنات واشوف الوضع شلون يمكن ارتاح
بس انا في شغلة ماحبها وهي (((ساعات يصير مالي خلق حصة وااااااااااااااااااي خصوصا الوطنية ماحب هالمادة فأحس ان الادارية ماعندها هالاحساس قاعدة عالمكتب ومرتاحة
والله حيرتيني
أولا أنا كنت أعمل بوظيفة معلمة مدة لا تقل عن عشر سنوات بعدين فكرت أحول إداري بس والله إني تمرمرت بالتحويل والواسطة بس بعدها من شروط التحويل من إداري بالمنطقة إلى مدارس أن يمر عليج بالمنطقة سنتين متتاليتين بعدها قالوا لي من شروط التحويل إلى المدارس أن تجتازين إختبار طباعة في مدة لاتقل عن خمسة دقائق واستعنت بالله ونجحت بالإختبار بس !!!!!!!!!!!!!!!!!!!!!!!!!
بس بعدها قالوا إني لابد أن يكون تعينني في مدارس الثانوية … وخبرج مدارس الثانوية بعد ما تعينت فيها مدة سنتين هم عرفت إن مهنة معلم أشرف مهنة وأرقى مهنة قولي ليش ؟
لأن الدوام كان من الساعة 7:30 إلى 1:30 غير أن العطلة مدتها شهر ونصف لأن الإداريات يعطلون بعد المدرسين بعد ما انوزع شهادات الطلبة النقل وشهادات الثانوية العامة ومن ثم تبدأ العطلة ..
مهنتج في المدرسة :
مسؤلة عن المراحل التعليمية بإستئذانهم ودخولهم وتأخيرهم وإنذارات غيابهم وإدخال بيانات الهيئة التعليمية والإدارية والحراسة والأيدي العاملة حتى باصات الطلبة والله العظيم انت مسؤلة عنهم لا وبعد تعليق النشرا والجداول وإرسال الفاكسات للمدارس وتضبيط مواعيد المديرة يعنيييي ( فراشة ذربة ) والله تخيلي أنت مسئولة انج إحيانا تنادين الطلبة لأولياء أمورهم لأن اعات ماتتوفر فراشة تناديهم وولي الأمر يعصب عليج ماصارت ؟؟؟؟ والمهم والمخجل إني صرت………………………………..
بياعة بالمقصف ممنوع أي مدرسة تدخل تبيع بالمقصف غير هذا تمسكين مناوبة آخر الدوام ؟؟؟؟؟؟؟؟؟؟؟ نسيت أقولج إنك مسئولة عن نفسج لأنك محاسبة بالإستئذان حتى دخولج والله الغظيم عزج الله الحمام … تخيلي إن حتى المدرسات يحاجونج كأنج شغالة أنا بقولج شيء شوفي نفسج ألحين إذا دخلتي الإدارة وأمام أولياء الأمور وأمام الطلبة شنو وضعج والله وقسما بالله انت ألحين بعز لأن تعبج وشهاتدج يحتمون عليج إنج تحبيين هذي المهنة.
وبعد نسيت أقولج في المنطقة العطل عليج بالحسرة والإستئذان كذلك والطلعة 1:45 يعني أصل البيت الساعة 2:30 أنا أقول استخيري واجعلي عملج من تصبحين إلى أن تمسين كله لله لعل الله يبارك لك فيه
تصدقين إنها رحلة عناء ( معلم بعدين إداري بعدين معلم ) وتدريت إن هالسنة آخر سنة لي وأتقاعد بس والله ياأختي راح تعرفين قدر كلامي فيما بعد
نصيحة : حبي مهنتج من دون النظر للمال أو ما فيها من عواقب ؟؟ راح يصير الأمر عليج أسهل لأن الشخص إذا أحب شيءضحى لأجله .
وأسال الله لك ومن كل قلبي أن يرزقك الإخلاص في القول والعمل
تصدقين عاد تخيلت نفسي ابيع بالمقصف والمدرسات مستواهم ااعلى ومايسوون هالشي وحتى الباصات والحارس حسيت اني صج بوضع راقي وتخليت عنه
انا بستخير والله يكتب لي الخير
لكل شي مساوئ وايجابيات
احس الادارية : مميزاتها :
1-ماكو تدريس
2- اذا غبتي مو مثل المدرسة الكل ياكلها على حصصها الي طوفتها اهون
3-راحة وسوالف
4-ماكو تحضي وشغل بالبيت
5-ماكو هم موجهين ومدرسة اولى ولا دروس نموذجية ووو
عيوبها:
منفذة لاوامر الغير
مكانة اجتماعية عادية
المعاش اقل
ملل من كثر السوالف انا هالشي شايفتة واي حتى ماعندهم سوالف يقولونها
المراجعين
فمااااااااااااااااادري
بستخير وشهر 2 كل شي يبين بس صراحة ادارية بمنطقة مووووووووشي
بس بتأكد اذا نفس الدرجه والمعاش بنحااااااااااااش مع العلم انا 14 سنه خدمه وزهقت من التربيه ,,,,,,,,,
الله يعينا ويسر امورنا والخيرة في ما إختارها الله……….
بس أمانه أذا استقريتي دزيلي عشان اشوف الاراء,, وموفقه ومشكوره…….
انا اقول اذا صار الفرق بين المدرسة والادارية الجامعية 100 عادي احول ……..تخيلي الفرق بين موظفة الجامعة والمدرسة 30 ديناااااااااااار؟؟؟؟؟ فاحتمال وارد يصير هالشي مو الوظايف الثانية
صراحة كان ودي اشتغل بالجامعة بس الخيرة فيما اختارة الله