|
|
السلام عليكم
شلونكم ان شاء الله بخير
بنات الله يخليكم بغيت اسئلكم انتوا جم تحضير عندكم ؟؟؟ يعني مثلا تدرسين اجتماعيات ووطنية لمرحلة وحدة فيكون عندج تحضيرين ؟؟؟؟؟؟؟ والا ثلاث تحاضير والا جم؟؟
اتمنى تكونون فاهميني
ومتى يحق للمعلمة انها تشتكي ؟؟؟؟؟؟؟
وسلامتكم
اما اذا نفسي عطوني السنة الي طافت اوائل وروابع .. فحضرت بس 3 تحاضير .. وعلى فكره التحضير مره وحده بالاسبوع يعني كل اسبوع تحضير يديد ..
متى يحق لها تشتكي .. والله ماعندي فكره بالمره .. بس اللي اعرفه انه حتى لو في اشياء يحق لج تعترضين عليها او تشتكين منها مو من مصلحتج تسوين جذي لان في الغالب بيحطون عليج لان للاسف هذي طبيعة الحريم مهما ارتفعت مناصبهم تظل عقولهم صغيره وما يتصرفون بموضوعيه وبحياديه .. وتسلمين
وبنسبة لشكوي شو نوع الشكوه يعني مثلن عن مدرسة ولا وكيلة ولا ناظرة الشكو وايد قوية ولا شنو سؤالج وضحيه اكثر
انا فاهمة ان كل مرحلة تحضيرين لان انا ابلة اجتماعيات
بس انا سامعة ان مايصير اربع تحاضير حده 3 والمشكلة ان يصادفنا احيانا 5 تحاضير مع الحياتية
فمتى اقدر اشتكي اذا جم تحضير صار؟؟؟؟؟ انا سامعة ان ممنوع يصير تحضير وايد عالمعلم خصوصا تلقين اني من كل مرحلة ادرس صف واحد
مو المشكلة بالتحضير ان مرة بالاسبوع ندري بس المشكلة بالوسائل مالت التحضير هذا راح يصير وايد كل تحضير وسائلة تختلف وثاني شي حتى انا اتخربط من كثر الوسائل
انا مابي اشتكي بس بعرف متى الوحدة تقدر تشتكي عشان بس عالاقل لما نقول للموجه وايد تحاضير مايقص علينا نكون عارفين القوانين ونحاول يغير ويخفض لنا
اتمنى تفيدوني وشاكرة لكم
بمدرستنا الي تمسك مثلا اجتماعيات رابعه ممنوع تمسك معاه وطنيه نفس المرحله جذي التوجيه يطلب
يعني مثلا اخذ وطنيه ثانيه واجتماعيات رابعه فعندي تحضيرين
يمكن لان مدرستنا فيها اكتفاء بالقسم او توجيه منطقتنا زين
الحياتيه بالغالي يمسكونها ابلات الي كانو حياتيه او تخصصهم علم اجتماع
صج الواحده اذا شاف بلوه غيره تهون عليه بلوته
انا درست سنه عربي اشوه انها سنه بس
يعني بالاسبوع عشر تحاضير بمعدل عشرين صفحه
الله يعينهم
ابلات تربية وطنية الصف الاولى ابتدائي بغيت اعرف وين واصلين بالمنهج
وشنو اسهل درس يكون فيه الشرح حلو ومتنوع ووسائل تعليمية كثير واللى تقدر لا تبخل على بالدرس والتحضير يعني شغل كامل للدرس تحضير وسائل تعليميه افكار تجذب الاطفال وتساعد على ضبط الصف وشلون اقدر اقوي شخصيتي بالشرح واحسس الناظره والوكيلة اني واثقه من نفسي وعندى القدرة على الشرح بدون خوف وارتباك بليز ساعدوني بلييز ؟ عندى اختبار بيدشون على الناظره والوكيلة يقيمونى فيه تكفون ؟؟
ابي الدرس مع تحضيره وافكاره حق اولى ابتدئي تربيه وطنية بلييييييييييييز ؟؟؟
انا خريجة جديده ما عندى خبره كلش .. لا طنشون بليز باسرع وقت ؟؟
عسي الله يوفقكم ويرزقكم اللى ترد على عسي الله يوفقها …
حلو التعاون ؟؟