|
|
السلام عليكم
شلونكم عساكم بخير
واللي يعافيكم ابي نصيحتكم لاني صج حيل محتاره
الله يسلمكم بداية مأساتي مع رياض الاطفال ان انا لاتربيه ولا شي انا علوم اجتماعيه بس مادري
شلللي قردني ورحت رياض وصارلي الحين سنتين وهذي ثالث روضه انتقل لها
صراحه بالبدايه ارتحت حق هالروضه لان يم بيتنا حيل والمدرسات كلهم حبيتهم وحسيتهم على
قلب
لكن من الكورس الثاني بديت اتعب لان اكتشفت حقيقتة بعض الابلات اللي كنت منغشه فيهم
وبالناظره وطلعوا وايد ابلات جواسيس لها وهي اللهم ياكافي خالتي قماشه وريا وسكينه وامنا
الغوله كلهم بشخصيه وحده الله لا اييبن لكمم وحده نفسها كل عيب شرعي فيها بدون
ما اقول عشان ضغطي وسكريي بس
المهم لما يتنا نشرة اذا ابي احول حق متوسط وثانوي وقعت اني ابي
بس بالايام الاخيره شيشوني رفيجاتي اني اقعد وان احنا قروب مالنا شغل بالقروب الثاني
ونجرب خالتي قماشه بس هالسنه يمكن تتعدل جان اهون مع ان المنطقه دقوا على الروضه
وقالوا خل تيي عشان تشوف موعد مقابلتها بس كشت
والحين محتاره حدي بس خايفه تبدا الدوامات واتحسف وكل ما اتذكر اللاصفي اللي هو عقدتي
احس ودي ابجي لاني صراحه قاعده عشان رفجاتي بس
فيا ابلات المتوسط والثانوي ياريت تشرحون لي شنو الصعوبات الللي تواجهونها ؟؟؟ وشتنصحوني؟؟
ويا ابلات الرياض شتنصحوني ؟؟؟
ساعدوا الفقيره الى الله
والروضه ارحم بواااااااااايد من المدارس
ومالج شغل بصديقاتج
وشوفي راحتج
وانا اشوف روضه حلوه وفيها الشين والزين وكل وظيفه فيها الشين والزين واذا اتني مومرتاحه كلش وحاسه موقادره تستمرين انتقلي وشوفي نفسج اهم شي استخاره ,,,
وثاني شي الناس اجناس وكل دوامات جذي توقعي الطيب والخبيث توقعي كل شي اهم شي تحبين شغلج وتبدعين فيه وتطورين نفسج فيه
والله يسر امرج ،،،،
|
المشاركة الأصلية كتبت بواسطة *ضحاوي*
 وي اذا راده على الابلات الي معاج وحقيقتهم فراح تكتشفين ان هالنماين موجوده في المدارس اكثر
والروضه ارحم بواااااااااايد من المدارس |
مشكوره ضحاوي عالرد
صاجه والله صج حريم ماكو فايده فيهم
|
المشاركة الأصلية كتبت بواسطة اوراد الكويت
شوفي حبوبه نصيحه صلي استخاره ورجعي لربج وشوفي ربج وين بيسر امرج
ومالج شغل بصديقاتج وشوفي راحتج وانا اشوف روضه حلوه وفيها الشين والزين وكل وظيفه فيها الشين والزين واذا اتني مومرتاحه كلش وحاسه موقادره تستمرين انتقلي وشوفي نفسج اهم شي استخاره ,,, وثاني شي الناس اجناس وكل دوامات جذي توقعي الطيب والخبيث توقعي كل شي اهم شي تحبين شغلج وتبدعين فيه وتطورين نفسج فيه والله يسر امرج ،،،، |
والله صليت مرتين ومارحت شفت موعدي واتوقع راح علي بس للحين متردده يعني مو عارفه نتيجة
الاستخاره
الله كريم اخيره عند الله
مشكوره حياتي عالرد
و
أخيرا شفت وحده مثلي من نفس الكلية
شوفي عزيزتي الأدارة الي ما تعجبج أو الي تكون سيئة أو المدرسات و القروبات الي ينقسمون هذا بتلاقينه في كل مدرسة .. يعني كل مكان عمل فيه الصالح و فيه الطالح
يعني انتي شوفي نفسج وين ترتاحين .. لاحظي انج كنتي تدرسين روضة يعني مرحلة عمرية معينة راح تغيرنها لمرحلة أكبر ترى هذي لها سلبيات و ايجابيات.
عن نفسي كنت أول ما تعينت فكرت نفس و كنت بغير بعدين فكرت فيها عدل و لقيت رياض الاطفال أفضل لي و الحمد الله بشهر 9 اكمل 4 سنين
الله يوفقج ان شاء الله
|
المشاركة الأصلية كتبت بواسطة smily
هلا وغلا بنت كليتي
و شوفي عزيزتي الأدارة الي ما تعجبج أو الي تكون سيئة أو المدرسات و القروبات الي ينقسمون هذا بتلاقينه في كل مدرسة .. يعني كل مكان عمل فيه الصالح و فيه الطالح عن نفسي كنت أول ما تعينت فكرت نفس و كنت بغير بعدين فكرت فيها عدل و لقيت رياض الاطفال أفضل لي و الحمد الله بشهر 9 اكمل 4 سنين الله يوفقج ان شاء الله |
هلا فيج والله 
ماشاللله الله يوفقج يارب عاد اللي يشجعني ان الكل يقول ان معلكات لم نفس يمشون اكثر من اللي
دارسين رياض اطفال
الله يعين ان شالله مشكوره حياتي