مدرسات الجهراء . أمانه هل انتوا مرتاحين من مدارسكم ؟

سؤالي لكل مدرسات منطقه الجهراء التعليميه بصراحه
هل انتوا مرتاحين نفسيا بالدوام في المنطقه
ولا تحسون ان في تفرقه بين مدارسكم
ومدارس المناطق التعليميه الثانيه
من حيث اهتمام الوزاره ؟؟؟
ودعمها واهتمامها ؟؟؟

.

جيتي على الجرح يا شروق انا كنت بالاحمدي التعليمية وصرت بالجهرا الحين
فررررررررررررررررررررررررق السما عن الارض
اهمال ما بعده اهمال
من جميع النواحي
على فكرة انا صبيان

الله يعين مدرسات الجهراء التعليميه
انا ماني عارفه ليش التفرقه بينا وبين المناطق
التعليميه الثانيه . خل العاصمه ولا مبارك ولا حولي يطلبون
وخلونا نطلب شوفوا حق من يوافقون اول ومتى توصل الطلبات اول .

.

انا كنت بالفروانيه صج صج صج فرق السما عن الارض

لنا الله . ومشكوره على مرورج حبيبتي .

بصراحه انا مافهمت قصدج

شنو الفرق بالطلبات ولا بالشغل

لان منطقة الجهراء معروفة مدرسات مميزات بشغلهم

وادري ان هالشي على حساب صحتهم ومجهودهم وبعد فلوسهم

صدقيني اهمال الوزارة للجهرا مو شي غريب هذي نتيجة اهمال المنطقة التعليمية فيها واهمال المدارس صراحة فوضى ما بعدها فوضى
فيه مدرسة بالكويت ينتهي الكورس وهم ما خلصوا المنهج حتى . كان الجهرا ما تتبع وزارة التربية ومنطقة بحد ذاتها

شدعواااا

لا تعممون على كل المدراس

انا كنت ادرس بالجهرا ماشفت ولا سمعت اللي قلتوه…

والحين بالأحمدي التعليمية والله احس اني مو بمدرسه ..احس بتدهور التعليم في الاحمدي………………………

اولا لا تعممون :
ثانيا
ادارة مدرساتنا تحاول تتصل بالوزارة بس سبحان الله يا خواتي ما يوصل الخط كانا بكوكب ثاني .
يعني حنا مدرسات مادة اساسيه تقريبا 14 مدرسة في غرفة 3 في 4 يعني تخيلوا وصار لنا 4 سنين نطالب بغرفة وما كو .
الله كريم يقولون في غرف في المطلاع
ههههههههههههههه

الحمدلله انا مرتاحه بمدرستي ومن 9 سنين ماغيرتها

والمدرسه على ناظرتها حبايبي اذا نشيطه وشاطره اتسنع مدرستها

اضم صوتي لأختي ليالي نجد أهم شي الأدارة إذا كانت شاطرة ومهتمين أتوقع كل شي ينحل وما في مشاكل

بالنسبة لي صارلي خمس سنين بمدرستي ماشي الحال

كله على ادارة المدرسة <<< الادارة اهي اللي تسنع المدرسة ولا تهملها

صباح الخير
يا حياتي انا مدرسة بمنطقة العاصمة التعليمية من 7سنوات للأسف توجيه تعبان ( آخر العالم يدري بالمسابقات + بالندوات + بالدروس الميداني +بالدورات ) المسوؤلين على طول غير موجودين بمكاتبهم وياخذون اجازة أول بداية العام (ها ها )اعتقد لازم تكون مميزة، بس انا لي صديقاتي مرتاحين من مدارس الجهراء ويحنون علي ان انتقل عندهم من كثر الراحة ،على فكرة أسوء منطقة تعليمية العاصمة بلا منازع

يا مدرساتي العزيزات أكثر مدرسات تميز وإبداع وتنافس هم مدرسات منطقة الجهراء ، بس للأسف الوزاره مو منصفتنا والمنطقه بعد

انا مو مدرسة بس شدني رد الخوات المدرسات كنت اظن ان الاهمال ممكن يكون من المدرسات او من الادارة نفسها او من اولياء الامور يعني اقصد الاشياء الي اشوفها امام عيني والتمسها بس اهمال من المنطقة التعليمية هذا الطامه الكبرى ولازم يكون هناك تحرك جماعي منكم لوجود الحل المناسب والسريع انا ولية امر وزوجي مربي فاضل في الجهراء واشهد لكل مدرساتنا في الجهراء وخصوصا المدرسات يعطون اكثر مما يأخذون بناتي ولله الحمد حاصلات على شهادات التقدير من مدرسه الخنساء وحليمه وزينب بسبب اخلاص مدرساتها ياجماعه لا تهملون انفسكم اكثر من جذي واكتبوا بالجرايد او شكوى للوزارة نفسها ادري بتقولون قلنا وقلنا ميخالف حاولوا واحنا معاكم لسبب بسيط ان مدرسات الجهراء يستحقون كل حب وتقدير