|
|
مرحبا بنات
باين من العنوان .. متخرجه من جامعه الكويت تخصص علم نفس
مشكلتي اشتغلت فتره وطلعت من دوامي ماعجبني ابد
والحين قلت ابي اشتغل مره ثانيه بس 
احترت !! مابي اتوظف مكان مو زين ومافي امتيازات !
بنات .. بليز .. ساعدوني بالاختيار .. محتاره !؟
حتى لو مو على تخصصي مو مشكله
(( ماكو شي اسمه عالتخصص !))
ابي مكان زين ومعاش حلو ويسوى ادبرلي واسطه علشانه
مابي مكان اتعب واقدم عليه وادبر واسطه واخرتها يكون مو شي
طرحولي اماكن .. وشنو مميزاتها ؟؟ واحسن اداره عندهم ؟
لان ادري ان كل مكان في ادارات متميزه عن الباجي
مابي قطاع خاص خصوصا بالفتره الحاليه ماكو امان وظيفي فيه
اتمنى هيئات ومؤسسات حكوميه مع ذكر اي اداره افضل
شرايكم بيت الزكاة ؟ شنو مميزاتهم ومعاشاتهم بالضبط ؟
مكتب الانماء الاجتماعي ؟ ميزاتهم ومعاشاتهم ؟
ديوان الخدمه المدنيه اذا في احد يشتغل هناك ؟؟
الهيئه العامه للصناعه ؟ لهم مميزات ؟؟
جامعه الكويت ؟؟ زينه ؟ ولا ؟ لهم مميزات ؟؟
التدريس بالهيئه العامه للتعليم التطبيقي ؟؟ زينه معاشاتهم ؟؟
بنات انا محتاره والله ومتوهقه ؟!
وابي بسرعه قبل ميزانيه شهر 4 اكون متوظفه يعني خلال جم يوم بتحرك
ومالي احد يساعدني واشاوره بجذي امور غيركم ! ساعدوني بليز
انتظركم
والتطبيقي كا تدريس ممتاز وانا بالتطبيقي بس مو تدريس اداريه بس انا متاكده التدريس عندهم روعه ومعاشاتهم قويه بعد
عندج ديوان الخدمه عاد هذا صعب احد يتوظف فيه لان مكانهم مريح ومعاشاتهم زينه معروف
وبيت الزكاه اذكر قبل معاي واحد بالمسنجر كل خواته مناك يشتغلون قلت له شمعنا قالي مكان محترم صراحه ومعاشاتهم حلوه
وموفقه
وصج قبل وين تشتغلين ؟ لا يكون التربيه
|
المشاركة الأصلية كتبت بواسطة مخروووشة
 وين كنتي تشتغلين قبل
|
اختي مخروشه اول شي اشكرج لانج اول وحده رديتي علي
انا كنت اشتغل اول شي بالعدل باداره التنفيذ بس ماطولت كلش بو شهرين
وانتقلت للداخليه وهم ماطولت بو3 سنوات وقعدت بالبيت الحين لي 3 سنوات!
وماعجبوني المكانين صراحه
والاهم معاشاتهم عاديه جدااا
انا ابي مكان فيه كادر ومعاش حلو وقوي
|
المشاركة الأصلية كتبت بواسطة rose-85
شوفي حبيبتي معروف انه الجماعه زينه اذا قدرتي توكلي
والتطبيقي كا تدريس ممتاز وانا بالتطبيقي بس مو تدريس اداريه بس انا متاكده التدريس عندهم روعه ومعاشاتهم قويه بعد عندج ديوان الخدمه عاد هذا صعب احد يتوظف فيه لان مكانهم مريح ومعاشاتهم زينه معروف وبيت الزكاه اذكر قبل معاي واحد بالمسنجر كل خواته مناك يشتغلون قلت له شمعنا قالي مكان محترم صراحه ومعاشاتهم حلوه وموفقه وصج قبل وين تشتغلين ؟ لا يكون التربيه |
هلا اختي الغاليه روز اول شي احب اشكرج على تفاعلج مع الموضوع
قلتي معروف ان الجامعه زينه ؟ باي مكان بالضبط ؟ وجم معاشات الجامعيين ؟
التطبيقي تدريس ممكن اتييبين جم رواتبهم ؟
ديوان الخدمه جم رواتبهم ؟ اذا تعرفين ؟
بيت الزكاه بعد اذا تقدرين تسالينه جم رواتب الباحثين بالضبط ؟
وتسلمين وثقلت عليج
لا انا مااشتغلت بالتربيه وكتبت فوق وين اشتغلت
تحياتي لج
معقوله مافي وحده تشتغل بمكان زين ؟؟
يلا ساعدوني بنات عفيه
وانا بحاول اسالج بعد لي ولج واشوف اللي يطلع معاي واقولج ….. واحنا لازم نساعد بعض لان تخصصنا مغضوب عليه بالدوامات الزينه !!
ولا له كادر ! ولاشي! مع ان وايد حلو ومفيد ودراسته مو بهالسهوله !
بس الله كريم
شئون القصر زيين بس واسطه
اي شفتي شلون هالتخصص مغضوب عليه !!
انزين والهيئه شلون اداراتهم ؟ وتعاملهم ؟ ورواتبهم لهم كادر او بدل؟ حق الباحثات؟
انتى وين كنتى تشتغلين بالداخليه بالضبط
احنا يحطونا بالسجون بس بالاداره وفي كادر قوى
ماسئلتى عن الموضوع؟؟؟؟؟
وشنو كانت طبيعه عملج بالعدل
وبالداخليه
وين شفتى اماكن ثانيه تقبل تخصصج؟
وجم كادركم ؟
والله ما سئلت
في اماكن بس ابي ادرس الموضوع وبشوف من البنات يساعدون
شوفي كل الاماكن اللي كتبتيها زينه
وانا سألت عن بيت الزكاة معاشج بعد سنه بالضبط يكون 8وشوي
بس يبيله واسطه
هذا اللي سمعته والله اعلم
بعدين الكادر يكون بالاماكن اللي فيهاا مراجعين يعني اذا تتعاملين معاهم لج كادر ام اذا لاا مالج كادر مثل بيت الزكاة