التوظيف بالجامعه والبنك

السلام عليكم
بنات شنو الاحسن التوظيف بالجامعه او البنك كل وحده تقولي رايها
وثانكس مقدما

اثنتنهم حلوين..
بس يمكن الجامعه احسن.. الجو احلى احس
شوفي المعاش أيهووو أقوى

انا اقول الجامعه احسن لان البنك قطاع خاص يخرعون شوي وجوهم جد ,, لكن الجامعه احس فيها مرونه شوي لانها جهه حكوميه

انا بصراحه عن روحي افضل الجامعه …
اول شي البنوك قطاع خاص ثاني شي يمرون عليج اشكال وانواع من الناس تتعاملين معاهم ولازم تمسكين اعصابج وقوانينهم وايد ستركت
الجامعه احس مكان راقي ورسمي ويعني مثل ماقالوا البنات فيها مرونه يعني الجامعه تعتبر مثل القطاع الخاص بس حكومي
اتوقع معاشات الاثنين نفس الشي

وبالتوفيق

الجامعه افضل
البنك حلوووو بس ينخاف منه اي غلطة بالحسابات …. معاشج اهو اللي يدفع الثمن ( خصم )

وانا بعد اقول الجامعه احسن ياقلبي
موفقه حبيبتي