سؤال عن الجامعات خارج الكويت الرجاء مساعدتي

السلام عليكم ورحمه الله وبركاته

خواتي بغيت اسالكم عن الدراسه الجامعية
انا ودي اكمل دراستي بجامعه سنعه شي مضمون و معترف فيه في الكويت

انا حاصله على شهادة الثانوية العامة سنه 96 يعني من زمان اكيد سقطت الحين الشهادة داخل الكويت
مو كويتية ( بدون ) و ما في مجال في الكويت ادرس الا بالجامعات الخاصة و الخليج و الاسترالية و العربية و تخصصاتههم مو حابتها ودي بشي احسن محاسبه حقوق او اي شي خاصة ان في امل كبير اني احصل على الجنسية بعد 2 سنه زوجي كويتي

المهم ابي اعرف شلون اقدر اسجل بالجامعة في احد مثلي ؟ قدرت تسجل و تدرس . طبعا انا مستحيل ادرس بالخارج الا عن طريق اني اسجل واروح قبل الامتحانات امتحن و ارد الكويت
بس عيشه بالخارج كلش ما في مجال تعرفون حرمه متزوجة ما اقدر

ثاني شي ابي الدراسه ما تكون انتساب لان الانتساب في الكويت غير معترف فيه . و التعليم المفتوح خارج الكويت غير معترف فيه انا بنفسي رايحه للتعليم العالي و قالوا لي ما نقدر نخدمج لانج مو كويتيه الجنسية ومالنا دخل فيج كلش

اللي قدرت عليه انها علمتني ان الانتساب و التعليم المفتوح عن بعد ( خارج الكويت ) الكويت ما تعترف فيه و لا اتعب عمري

بنات بشنو تنصحوني ؟ تعرفون احد مثلي درست في القاهره او البحرين و الله وفقها ! وضروفها مثل ضروفي ؟

وبارك الله فيكم

والله اختي ما عندي فكره ان شاء الله البنااات تساااعدج

احسن شي تسجلين بوحده من الجامعات المصريه وتروحين مره بالكورس تمتحنين وترجعين والجامعات هذي معتمده ونص الكويتيين يدرسون فيها

في جامعات
american university of london
american university in london

بس للأسف هالسنه جمدوا الاعتراف فيها