منو برأيكم الأفضل .

السلام عليكم ورحمة الله وبركاته

شلونكم حبيباتي .. عضوات منتدى كويتيات .. وأمهات التحدي والصبر
أبي الكل يشارك برأيه ويعبر عنه بخصوص العماله المنزليه …

الكل منا يخاف على عياله .. وبالأخص من الإحتياجات الخاصه
نعاملهم بأحسن ما يمكن (( وندادي _ ندلع ))

فيهم مثل اليهال وأزيد بعد

وآخرتها منحاشه وإلا زعلانه وإلا مطنقره ورجعيني المكتب

وحنا مجابل البيت و العيال

أبي نتناقش بصراحه عن الأفضل ممرضه أو عامله مثقفه وتدربينها علي ايدج

السلام عليكم ورحمة الله وبركاته

الله يعطيج العافية يام عزوزي والله يعافي عزوزي وجميع عيال المسلمين يارب العالمين

وبالنسبة للأختيار من وجهة نظري أفضل الممرضة 000تكون فاهمة عملها ووسيعة صدر وأنا متأكدة ان اي ام عندهاحالة لها عناية خاصة ما راح تهمل

ولدها أوبنتها 00بس الألغبية موظفات وأكيد في ظروف تضطرها تترك البيت بعض الوقت وتحتاج من يكون قريب من الحالة اللي عندها000
أسفة أني طولت بس أحب أوضح 00000هذي عادتي

وعساج على القوة

انا ما اقدر افتي بالموضوع
لاني ما اجربت احد منهم حق بنتي لاني انا متفرغه لهاا
بس انا تقريبااا جربت كل الجنسيات خق البيت وما ارتحت الا للهنديه

يعطيج العافيه يا مباركيه .. وحنا ما نستغنى عن مشاركتج فديتج
شمس عسى الله يعطيج الصحه والعافيه ويقويج ويعطيج على قدر الضعف أضعافه قوه

ان من راي السستر احسن
صج انتي وحظج بس عالاقل السستر
دارسه فاهمه لان في حالات لازم ستتر
ومو كل الخدم يعرفون يجابلون مريض
خصوصا اذا كانت الخدامه يايه من قرى
فقييرة صعب على ماتتعلم اهما بالشغل
وياااالله هالمرة مريض

الله يجزاج خير مبدعتنا
انا براي في حالات لازم السستر تكون موجوده وفي لأ ومتابعة الاثنين ضروريه وملاحظتهم
انا بصراحه اقول ان الظرف اهو اللي تحكم
يعني بالنسبه لي انا متفرغه حق اللي عندي
مع ان اللي كانت عندي يوم يويو صغير سيلانيه
بس وايد حبيبه وتعلق فيها وليومج يسأل عنها
ويقول ييبيها لنا ودي اشوفها

فدييييييييت قلبج
الله يسمع منج ويجزيج خيرر الجزاء على دعواتج
ولج مثلهاا بظهر الغيب

اكيييد الممرضه…لان تكوون تعرف شنوو تسوي في كل الحالات ومدربه حق كل شيء…
يعني مثااال اناا كنت بقدم حق شغله جذي بس اني اكوون مع شخص من ذوي الاحتياجاات الخااصه وقت المدرسه ..ووايد يكوون في تدريباات من كل النوااحي…حتى شلوون تعرفينه على اصدقاااء وشلون اذا احد تطنز علييه…يعني تبين احد عااارف شسوي

ومشكووره على المووضووع

هلا بام عزووز ويني عن الموضوع؟؟؟؟

الصراحة انتي وحظج يعني الخادمة أو الممرضة على حسب تحملها وطولة بالها وحنيتها بس الأفضل الممرضة للحالات الطبية مثل لاسمح الله التشنج وغيره تعرف اتصرف.
مع ان في خدامات يحبون يتعلمون كل شي وتلاقينها شاطرة واتعلم بسرعة .

رفع