تجاربكم مع عملية تعديل وتقويم انحراف العمود الفقري لضروره

السلام عليكم والرحمه…

الموضوع من عنوااانه ، انا فيني جنف العمود الفقري والحمدلله ع كل حااال
الانحراف كل ماله يزيد اكثر ويتعبني ..

( نصيحه اللي حالتها بسيطه انحرافها درجته مو كبيره لاتهمب العلاج الطبيعي والحزام لان الحاله تتطور)
كل اللي يعرفون شي عن هالعمليه بليز يفيدوني سواء اللي سووها ( بعيد الشر عنكم) او سمعوا
صعوبة العمليه؟؟ متي اقدر ارد طبيعيه بعد ماسويها؟؟ الفتره اللي ماراح اتحرك فيها؟؟ ونسبة نجاحها ؟؟

ومشكووورين

يا روحي عسي ربي يشافيج باذن الواحد الاحد لا تحاتين الله الشافي المعافي
واهم شي نفسيتج لا تتاثر و ان شاء الله البنات يفيدونج ان شاء الله وتيين تبشرينا انج بصحة وعافية

☺ �� اب اب اب لعيونج

هذي تجربة وحدة نقلا علي لسانها من منتدي ثاني

اكتشفت إعوجاج العمود الفقري في سنة 2024 وعمري 11 سنة وكانت وقتها درجة الانحناء مو كبيرة كانت 30 تقريبا وقال الدكتور ما تحتاج عملية بس نفصل لها الحزام الطبي (بريس) تلبسة وان شاء الله يتعدل ظهرها ولبست الحزام لمدة سنة تقريبا بس ما حسيت أن فيه تحسن أبدا بالعكس كانت درجة الانحناء تزيد.. وكنت كل شهر أراجع المستشفى وكان يقول الدكتور أن الانحناء يزيد.. وأنا لاحظت أن ظهري صارت جهة بارزة أكثر من جهة .. بعدين خلاص ما لبست الحزام لأني حسيت انو ما ينفع أبدا وكانت أمي تقولي ألبسة بس كنت أقولها انو ما نفع بس كنت اتضايق منه وهو ما نفعني!! وبعد مراجعات طويلة قال الدكتور أن درجة الانحناء صارت 40 وخلاص مو لازم البس الحزام .. ما ينفع الا عملية!!ووقتها كان عمري 14 وبعدها رحت عند الدكتور عبدالله العثمان وأول موعد لي مع العثمان قال لي أن درجة الانحناء كبيرة من فوق 73 ومن تحت 45 على شكل حرف s وقال أني نحيفة ويبيني اسمن قبل العملية بس ما قال أن النحف بأثر على العملية أبدا.. وقال أول ما ندق تجين ونسوي العملية.. وقعدت أراجع في المستشفى بس متابعة عشان يشوفون إذا زاد الانحراف أو لا .. وفي سنة 2024 دق الدكتور على أبوي وقال له أجي عشان العملية .. ودخلت المستشفى السبت وسويت تحاليل وفحوصات وطلع كل شي سليم الحمد لله ..وقال الدكتور بسوي لي أشعة الرنين المغناطيسي الثلاثاء..وفي يوم الثلاثاء جاء الدكتور وقال أن جهاز أشعة الرنين المغناطيسي معطل وما يقدرون يسوون العملية إلا إذا سويت أشعة رنين مغناطيسي.. وطلعت يوم الثلاثاء من المستشفى ..وبعدها عطوني موعد لأشعة الرنين المغناطيسي وسويتها.. و في بداية سنة 2024 دق الدكتور على ابوي وقال له أنو لازم أدخل المستشفى ويسوون لي العملية..بس كانت نهاية السنة يعني في الاختبارات النهائية وقال أبوي للدكتور أنو ما أقدر أدخل المستشفى لأن عندي أختبارات نهائية.. وحرام أضيع علي سنة وبقى كم يوم وتنتهي الدراسة..والدكتور تفهم الموضوع..وفي نهاية سنة 2024 في يوم الجمعة الساعة 2 الظهر دق جوال أبوي ..أول مارد أبوي عالجوال ..سمعته يقول إيه أنا أبوها..عرفت على طول انه الدكتور..بس ايش اللي كان يبيه هذا اللي ما كنت اعرفه..أول ما خلص أبوي من المكالمة..كنت خايفة.. وعلى طوول سألته ؟ ايش يبي منك الدكتور؟!! قال لي : يقول بكرة لازم تدخلين المستشفى والعملية يوم الثلاثاء.. ما توقعت أبدا انو بقول كذا توقعته عشان الموعد لأن موعدي كان يوم الأثنين20/10/2009..ماعرفت أقول شي لأني كنت مستغربه!! معقولة عمليتي يوم الثلاثاء.. كنت دائما أفكر في العملية..بس ما كنت أتخيل أنه بيجي اليوم اللي أدخل فيه المستشفى عشان أسويها..تضايقت مررة عشان العملية..كان شعوري لا يوصف..ما كنت متخيله أني بسوي عملية في ظهري ..كنت خايفة بشكل مو طبيعي من العملية وما كنت عارفة ايش بصير لي بعدها.. حتى صديقاتي ما قدرت أدق عليهم .. لأني ما كنت عارفة ايش بقولهم!! وكان يوم السبت اللي بدخل فيه المستشفى الأسبوع الثاني من بداية الدراسة.. كان شعوري غريب متضايقة و زعلانة و حزينة والأكثر من كل هذا كنت خايفة..وكنت بس أفكر في الأيام اللي مضت من حياتي.. وما كنت عارفة الأيام القادمة بتكون أفضل ولا ………, كنت خايفة من العملية..لأنها في ظهري.. وعملية الظهر بالنسبة لي تخوف وخطيرة..كنت أقول في نفسي مالها داعي العملية..لأني ما كنت أحس بأي ألم الحمد لله..بس اللي كان متغير فيني أن ظهري مايل وما كان احد يلاحظ انه مايل أبدا..بس أنا اللي كنت ألاحظ هالشي..بس ما كنت أهتم أبدا..وكنت أركز على أشياء ثانيه..عشان أحاول أنسى شكل ظهري..حتى أقرب صديقاتي ما كانوا يلاحظون..عشان كذا ما كنت أهتم أبدا..والحمد لله ما كان مسبب لي أي مشكلة..أصلا كنت أنسى أن ظهري مايل وغير عن باقي البنات..بس بعد ما بحثت في النت..عرفت أن الأمر مو بالسهولة اللي كنت أتخيلها..وأن في مضاعفات تحصل إذا ما تعالجت..كان الكل يقول لي أن العملية سهلة..بس كنت أقول في نفسي مهما كانت العملية سهلة يمكن تحصل مضاعفات ما كانت في الحسبان.. وكنت عارفة أن كل الكلام اللي يقولونه عشان ما يخوفوني..ودخلت المستشفى في 18/10/2009 يوم السبت الساعة 8 الصباح..و كنت متضايقة بشكل مو طبيعي من المستشفى..وقعدت بس أبكي..ومن أول ما دخلت سويت تحاليل وفحوصات..وبعد إجراء كل التحاليل والفحوصات طلعت النتائج سليمة الحمد لله وقال الدكتور خلاص العملية بكرة يعني يوم الأحد..أنا ما قدرت أستوعب..معقولة بكرة العملية..ليش المفروض أنها يوم الثلاثاء!! وحسيت أن كل الكلام صدق.. وخلاص ما قدرت أستوعب شي ولا حتى أفهم اللي يصير.. وفي يوم الأحد 19/10/2009 قمت من الفجر لأن النوم طار من عيني من كثر التفكير..وجت الممرضة الساعة 8 الصباح ومعها الكرسي اللي بنزل فيه للعمليات..وكانت العملية الأولى وطبعا شعوري كان لا يووصف خوف وخوف وخوف وجاء دكاترة ودخلوني غرفة العمليات..كانت أول مرة في حياتي أدخل غرفة عمليات..و أتذكر أن الساعة كانت 8 و 43 دقيقة ..كنت خايفة أن هاللحظات بتكون آخر لحظات حياتي..كان شعور غريب بس ما كنت قادرة أعبر عنه..و ما كان على وجهي أي ملامح حتى ملامح الخوف ما قدرت أبينها..نسيت كل شي قد حصل لي في الحياة..وما كنت أقدر أفكر الا في شي واحد هو…….., وبعد فترة جاء دكتور التخدير.. وقعدت في غرفة العمليات 3 ساعات يعني طلعت الساعة 12 الظهر تقريبا..وطبعا ما حسيت بشي..وأول ما قمت من التخدير كنت في العناية المركزة..وكان عندي أخواني وأمي..ما كنت عارفة اش هذا اللي أنا فيه..شالسالفة؟!! شعور غريب..بعدين تذكرت العملية ..وبصراحة ما كنت مصدقة أني سويت العملية..كأنها كانت 5 دقايق مو 3 ساعات!! وأتذكر أول شي قلته هو : ها سويت العملية ؟؟ لأني توقعت أني ما سويتها..و قعدت في العناية المركزة يومين..وبعد ما طلعت من العناية المركزة جاء الدكتور وقال العملية الثانية اللي هي عملية تثبيت العمود الفقري يوم الثلاثاء 25/10/2009 يعني بعدها بأسبوع..و يوم الثلاثاء ونزلت غرفة العمليات بس جاء الدكتور وقال لأمي عندها التهابات تمنع العملية يعني ما نقدر نسوي لها العملية.. وطلعت من غرفة العمليات!!و بعد ما أخذت المضادات عشان الالتهابات تعافيت..وقال الدكتور العملية يوم الأحد 2/11/2009..وطووول هذي الفترة ما تحركت من على السرير..وجاء يوم الأحد ونزلت غرفة العمليات الساعة 8 الصباح.. ونفس شعور العملية الأولى خوووف مو طبيعي ..لأن العملية أصعب وأخطر وكبيرة..وقعدت في غرفة العمليات 10 ساعات من الساعة 8 الصباح إلى الساعة 6 المغرب تقريبا.. طولت في غرفة العمليات مرررة..وطبعا ما حسيت بشي أبداا..وقعدت في العناية المركزة 4 ايام..وبعد ما طلعت من العناية المركزة جلست 3 أيام بعدين جاء دكتور عشان يفصل لي الحزام الطبي (بريس) عشان أقدر أمشي لأني ما كنت أقدر أمشي بدونه وأول ما لبسته قدرت أمشي.. كنت مستااانسة لأني مشيت..وكأنها أول مرة أمشي فيها..وطلت بعد هذي العملية 5 سم تقريبا ..وبعد ما سرت أقدر أمشي جلست أسبوع عشان العلاج الطبيعي..وجاء الدكتور يوم الثلاثاء 10/11/2009 وقال لي أن كل شي تمام الحمدلله..بس ما اركع ولا واجلس على الأرض لمدة 3 شهور..و السبت كان أروووع يوم لأني طلعت من المستشفى وكان التاريخ 14/11/2009 ..يعني قعدت في المستشفى 28 يوم..طووولت مرررررة في المستشفى..بس كانت ذكريات حلوووة يتخللها الألم.. وكانت أغرب وأصعب أيام حياااتي..

حبيبتى
مستشفى جامعة هايدلبرج المانيا
متخصص بجراحات العظام
العام كنت بنفس المستشفى وشفت ناس من الخليج يراجعون هناك
وسمعت ان الرئيس حسنى مبارك مسوى عمليتة الديسك هناك
وعسى ربى يشفيك ويفرح قلبج بالعافية
قادر سبحانة

آمييين الله يسمع منج والنفسيه معدومه والله شكل ظهري بشع فوق العوااار
ومشكووره علي التجربه اللي حطيتيها والله يحزااااج الف خير علي هالدعوه

حتي لو السعوديه راضيه بس اتعالج الحين يسفرون ربعهم وبالواسطات للخارج واحنا لنا الله
والله يجزاج الف خير ويجبر بخاطرك يارب

هذا بلى ابوك يا عقاب
عندنا وعندكم خير
اللة لا يحدج عليهم
حبيبتى ولدى بين الحياة والموت وربى خذينا قرض وسفرناة
وشفنا اللى ماجرين سيارات ويحوسون اوربا على حساب فلان وفلنتان
ليش العلاج ما يكون للمحتاج
وليش عفيف النفس ضايع حقة فى بلدة
بينما المتملقون والملمعون ياخذون حق ولدى وحق هالمسكينة
عسى ربى يشفيج
اللة قادر سبحانة
وابشرج وبدون واسطة وابوابة مفتوحة يفرج على كل مكروب ويشفى كل مريض

كلامج بالصميم، لناا الله 
والله يشفي ولدج ويديم عليه الصحه والعافيه..
واسطتنا ربنا ان شاء الله ، والله كرريم

اب اب اب