|
|
السلام عليكم يا حلوين..
هذا الموضوع راح أكتب فيه تجربتي في العملية اللي ان شاء الله راح تكون باجر في مستشفى هادي مع الدكتور منذر العجمي وراح تكون عملية تجميلية لـ خشمي بالليزر والمنظار.
ينتابني شعور بالتشويق والرعب والوناسة والخوف مادري وايد أشياء قاعدة أحس فيها الحين، انا نوعي خوافة حدي بس اللي مطمني انها مو جراحة والدكتور بين لي انها عملية سهلة باذن الله.
مدة العملية ساعة وكلفتني 800 دينار دفعتها للعيادة مالت الدكتور قبل يومين مع تسليم صور وتحاليل خاصة بالعملية + 25 دينار فتح ملف ومراجعة أولى طبعا الصور صورتهم في فوتوكينا خذو مني 15 دينار والتحاليل سوويتهم في دار الشفا خذو مني 30 دينار والمستشفى قالولي الغرفة بحدوود الـ 300 دينار، عاد حسبوا التكلفة مالي خلق احسب ;P
اللي أحتاجه بالتجميل فقط تعديل عظمة الخشم لأن عندي اعوجاج وراح يكون سيدة، بالنسبة لـ باقي الخشم قالي اني ما احتاج شي لأن أصلا أنا خشمي من جدام وايد حلو وصغير والأرنبة مالته حلوة بس اللي مخرب العظمة على جنب تبين يعني لو تشوفوني من جدام ما يبين ان فيه شي بس على جنب تبين وايد بارزة ومخربة ملامح ويههي.
من زمان في بالي العملية وما تتصوررون فرحتي الحين وانا احقق حلمي هذا، خشمي كان معقدني ومسببلي حالة نفسية ما أحب أحد يشوفني على جنب كلش 
راح يكون هذا الموضوع ان شاءالله (يومياتي مع خشمي) هيهيهي حلو الاسم يصلح رواية ;p
أنا حاضرة لكل استفساراتكم، بس شوي شوي علي :d
وبالنسبة لـ صورة الخشم قبل وبعد أكيد الكل يبي يشوف فان شاء الله اذا سويتها وشال اللزقات راح احطلكم الصور 
اييييييي….
حق اللي سوو العملية شنو خذو معاهم المستشفى ملابس…. الخ مادري ليش حاستها عملية ولادة لووووول بس مادري شاخذ معاي وشنو بحتاجه هناك !!!
واليوم انا حاسة شوي بلاعيمي تحرني لما ابلع جنها بداية احتقان وحدي موسوسة وبس قاعدة اشرب سوائل دافية اخاف يزيد علي باجر تهقون عادي اذا في احتقان بسيط يسوولي اياها ؟؟
بس ان شاء الله يخف باجر وأصير حصان :d
ادعولي يا بنات راح اكون جوووونقر واروح بروحي المستشفى محد معاي بس ابي دعواتكم :*
وتقووومين بالسلامه ياااااااااارب
وموووفقة
|
المشاركة الأصلية كتبت بواسطة مريم1
 سؤالي لج عمليتج فيها تخديررر عام وله شنووو
وتقووومين بالسلامه ياااااااااارب |
اي العملية بنج عام، الله يسلمج يا رب مشكورة
|
المشاركة الأصلية كتبت بواسطة صاحبـ السمو ـة
تقووومين بالسلاااامة ياارب
وموووفقة |
الله يسلمج حبيبتي مشكورة
انا توني مسويه عنده لكن مو بالليزر
ونفس التكلفه ، بس المستشفى خذوا 350
و لما رحت خذيت معاي هدوم احتياط لان قالولي عقب العمليه الوحده لما تقوم ترجع
بس انا عادي ما رجعت
و ديري بالج على بلاعيمج ،
سويلج ماي حاااار و حطي فيه قفشة عسل
وقبل لا تنامين تهنيها فكس
الاحتياط واجب ، ما يسوى عليج تروحين ويردونج عشان بلاعيمج
بس احس نفس الوضع بنج كامل ولا ليزر مافى فرق البنج نفسه 00لانى اخاف من التخدير وابره البنج
وتبشرينا باحسن النتايج
وصج سوي لج شغلات دافيه
وذوبي لج مره وشربيها (مفعولها والمضاد الحيوي واحد)
لان مابيسون لج العمليه اذا عندي احتقان
والله يقومج بالسلامه
موعدي عنده 13 فبراير الله يستر ويسهل امورنا يااارب
|
المشاركة الأصلية كتبت بواسطة ام اللقافه
كنتي رايحتله يوم السبت تسملينه الصور و التحاليل؟؟؟
انا توني مسويه عنده لكن مو بالليزر |
اي يوم السبت.. كاني سويت لي ماي حار وعسل
وان شاءالله ما يردوني احس بلاعيمي شوي بس يحروني مو وايد وماكو شي ثاني.
انتو شلون خشمج الحين وشكثر صارلج مسويته ؟
|
المشاركة الأصلية كتبت بواسطة كويتيه رزتها ملكيه
تقومين بالسلامه وطمنينا عليج
بس احس نفس الوضع بنج كامل ولا ليزر مافى فرق البنج نفسه 00لانى اخاف من التخدير وابره البنج |
الله يسلمج يا رب
اي بنج كامل وان شاء الله سهالات
|
المشاركة الأصلية كتبت بواسطة أحلى^حياه
الله يقومج بالسلامة يارب
|
الله يسلمج مشكورة
|
المشاركة الأصلية كتبت بواسطة غلاي غير
بالسلامه ان شاء الله وتفرحين بخشمج
|
نشكووووووووووووورة