لحقوني . رقبتي طاقه .الحل؟

قوة بنات اشلوووونكم
رديت من عرس بنت خالتي و غفيت ساعه
وقمت لانه ولدي يبجي و طقت رقبتي
و الحين ماني قادرة احركها
و حتى ولدي ما اقدر اشيله
بليييييييز ساعدوني
ابي حل مجرب و مضمون

سلامتج اختى

يمكن نومتج كانت مو عدله !!اذا ما عندج مشاكل صحيه تقدرين تاكلين لج حبه موسكادول بعد الاكل

وتدهنينها بفكس او تحطين لزقه على مكان الالم ,,

وسلامات ان شاءالله ,,

الله يسلمج حبيبتي وما تقصرين على ردج

روحي الطبيب وسوي اشعه

وما تشوفين شر

ان شاء الله خير…..
انتي كنتي عرقانه وشفج هوا….
صارت وياي كذا مره….
العلاج…روحي المستوصف ….يعطيج حبوب مسكنه وبنفس الوقت ترخي العضلات…ودهان للمكان هم يرخي العضلات….
يومين بالكثير وترد رقبتج…..بس ولكن….لا تسوين لا تخلين احد يلفها لج ولا يردها غصب للوضعيه الصحيحه….
صبري عليها ليما تلين بروحها…..
وما تشوفين شر…..

اخذي من الصيدليه حبوب ريلاكسون وحبوب نيوروبيون وحبوب روفيناك د
ثلاث انواع مع بعض كل نوع حبتين …… ثلاث مرات باليوم
والله شي عجيب انا مرات يصير فيني اكثر من جذي ظهري يتشنج ومااقدر اتحرك خاصة وقت الدوره
ولما ااخذ هذي الحبوب مثل السحر ولا كأن فيني شي
الحمدلله ارتحت لما لقيتهم والدكتور ترى اهو اللي واصفهم لي ومحتواهم فيتامينات مع نسبة مسكن للعضلات
يعني مامنهم خوف
ودعواتج اختي
وسلامات

انا صار معاي جذي
حطيت لها كريم يسمونه حرار ولفيتها رقبتي بفوطه دافيه
ورحت الدكتور وعطاني ابره
ومن بعدها صرت زينه