خشونة العظام آخخ يا يما .

السلام عليكم …

بنات والله قلبي يعورني على امي حبيبتي اروحلها فدوة انشالله

عندها خشونة بالركبة وديتها حق احسن دكتور بس مافي علاج غير هالمرهم وحبوب بلعتها وماكو فايدة …

ياليت اللي عندها خبرة عن الموضوع تفيدني .. واللي تعرف دكتور علاج طبيعي تقوللي عنه …

وجزاكم الله الف خير

سلامتها وماتشوف شر

بس خليها ماتصعد وتنزل السلم .. وتحاول ماتتربع

ماتشوف شر انشالله وعسي الله يشفيها مشكله الخشونه والله يكون بعونها

عسا الله يشفيها ويخفف عنها ياقلبي
شوفي ياالحبيبه مره رحت الصيدليه عطاني قرشة دوا قال لي هذا دوا الخشونه مومسكن لاء ياخذونه كعلاج يقوي الغضاريف بين المفاصل وينميها يعني الخشونه سببها تكون الغضاريف متواكله تقريبا بس هالدوا يعالجها ولقيته بصيديله بشارع البحرين بالسالميه بس ماعرف اسم الدوا
واذا تبين لها علاج شعبي من الاعشاب في واحد اسمه بوعمر مري عليه وسأليه هذا تبارك الرحمن ايييوله الحريم من آخر الدنيا وانا جربته بكذا شغله والله شغله مظبوط حيل

تلاقينه بمطحنة الكنوز الخضراء مجابل نادي السالميه بالظبط تلقينه موجود عقب صلاة المغرب كل يوم تقريبا

اخذى زيت زيتون اقري عليه ودهني رويلاتها وماعليها الا العافيه يارب

انا امي نفس حالة امج الله يشافيهم وفي المستشفى عطوها مرهم تدهنه وناويه اتصل حق مركز أعشاب اذا عندهم علاج بخبرج عنه

والله يشافيهم جميع

اول شي ماتشوف شر الوالده وصج الخشونه بلا انا حاشتني لمى زاد وزني ومادري اذا صج خشونه ولالا يعني دكتوره المستوصف قالت بس قل وزني بطلت تالمني ركبي

بس اذا في الوالده زياده وزن خل تقلل وزنها
في جهاز قالت لي عنه وحده ينباع حق الي عندهم خشونه يشوي تمارين حق الركبه لان الخشونه اتيي من قله الحركه فيمكن تحصلينه عند الي يبيعون معدات طبيه مثل الغانم

هم عليها بالمشي والله ماطير الخشونه الا لان دوامي مشي وايد الي يقول مراثون خل تمشي وتاخذ العلاج وان شاء الله ماتشوف شر

الشر ماييج ومشكورة عالمرور

حبيبتي ممكن تعطيني رقم مساعد السعيد ؟

وبالنسبة للمستشفى العسكري يبيله واسطة .. وتسلمين عالنصيحة

مشكورة حبيبتي .. قولولي شسوي والله كاسرة قلبي

[QUOTE=الغاليه نونو;1205250][COLOR="Purple"]عسا الله يشفيها ويخفف عنها ياقلبي
شوفي ياالحبيبه مره رحت الصيدليه عطاني قرشة دوا قال لي هذا دوا الخشونه مومسكن لاء ياخذونه كعلاج يقوي الغضاريف بين المفاصل وينميها يعني الخشونه سببها تكون الغضاريف متواكله تقريبا بس هالدوا يعالجها ولقيته بصيديله بشارع البحرين بالسالميه بس ماعرف اسم الدوا
واذا تبين لها علاج شعبي من الاعشاب في واحد اسمه بوعمر مري عليه وسأليه هذا تبارك الرحمن ايييوله الحريم من آخر الدنيا وانا جربته بكذا شغله والله شغله مظبوط حيل

تلاقينه بمطحنة الكنوز الخضراء مجابل نادي السالميه بالظبط تلقينه موجود عقب صلاة المغرب كل يوم تقريبا

هلا حبيبتي نونو ..

تدرين شالمشكلة .. ماتقدر تاخذ اي دوا لأن اسم الله عليج عندها ضغط وسكر .. ساعلت شغلات ترفع ضغطها وشغلات تخفض السكر عندها .. فما أقدر اجازف اعطيها شي

هلا حبيبية ..

والله نفس الحالة وديتها حق احسن دكتور .. عطوني مرهم بس ما يفيد..

واذا حصلتي علاج لا تنسيني

مشكورة ماقصرتي…

بالنسبة حق المشي .. بالعكس الدكتور قال كلش مو زين تمشي وايد لان المادة اللي بين عظام الركبة اصلا ناشفة فكل ما تمشي اكثر تنحك الركب اكثر

وبحاول اسأل عن الجهاز

قوه ام حيدر الله يشافي امهاتنا يارب
انا امي عندها نفس المشكله وكل شي جربته من ادويه من بره الكويت من زيوت هذا نعام وهذا حيه وهذا ثور كل شي بطري عليج جربته وللاسف ماترتاح الا علي المسكنات وهالمسكنات طبعا تعور بالمعده والحين مسوين لها علاج طبيعي عند شركه العيسي اهي ان شاء الله احسن بس للحين الالم والالم متفاوت مرات يكون قوي ومرات زين بس حركتها قلت والدكاتره كلهم قررو لها عمليه وتبي تسويها ان شاء الله بس بنحاول بره الكويت مرت عمي سوتها بالمانيا والحمدالله زينه تقول كافي الالم راح مع انه تقول مع البروده تحس فيها بس تقول احسن من اول بس مشكله العمليه ان ماتقدر تثنيها واجد او تربع
بس الله المستعان بس في ابر تنطق بالمستوصف اعتقد مثل الفيتامين كل يوم وترك جربوها امي تقول زينه وربي يشافي كل مريض
تدرين ساعات ام حيدر اقول ليش مايخذون هالماده منا ويحطونها بامهاتنا مثل سالفه الزراعه يعني معقوله مافي ان الواحد يعطي الثاني ؟؟؟