عظمـــــي ضعيــــــف 000 شنو الحل؟

السلام عليكم

بنات انا انكسرت ايدي وسويت اشعه وشافها الدكتور وقال كسر روحي للستر تجبصها والحمدلله الحين زينه وانجبرت ايدي مافيني الا العافيه

بس يوم شاف الاشعه قال عظمج ضعييييييييييف حيل

وخفت بصراحه

بنات انا دايما احس اني جسمي رخووو وجلدي خفيف حيل

يعني اي قرصه وطقه تبين أثرها بسرعه

واذا مسكتي زنودي تحسين ماي داخل ومافي عظم صلب

انا اذا مسكت رفيجاتي احس باجسامهم صلااابه والجسم مشدود ماشاءالله

مادري بنات ساعدوني شنو الحل

ماتشوفين شر انشاءالله والحمدلله على السلامه – ديري بالك على نفسك وسوي تمارين باستمرار لان الرياضه معروف تقوي العظم واخذي حبه كالسيوم يوميا والالبان ومنتاجات الالبان اكثري منها ارجو اني افدتك بمعلوماتي البسيطه وسلامتك انشاءالله

الغاليه لاتخافين بس اطلعي على الشمس لمده 10_15 دقيقه ولبسي ملابس خفيفه

ركزي على الكالسيوم وفيتامين دي وفيتامين سي

والفيتامين تاخذيه من الشمس أو على هيئه اقراص

ومنتجات الحليب تحتوى على الكالسيوم- السمسم – البيض -البروكلي

وفيتامين سي يساعد على امتصاص الكالسيوم بالجسم موجود بالبرتقال- الكيوي- الخضار

وسلامتج وما تشوفين شر

كثري من االمواد الغذائيه الي تحتوي الكالسيوم

منتجات الألبان

وسلامات حبوبه ما تشوفين شر

انا كان فيني هشاشه بالعظام

اخذي فيتاميتان وكالسيوم
وشربي حليب وايد

وطلعي بالشمس حاولي تقعدين شويه تحتها

سلامات يالغالية ما تشوفين شر

طيب الطبيب اللى جبس ايدج ليش ما كتبلج ادوية وفيتامينات

لازم تراجعينه انا مرة كليت كالسيوم وانتفخ وجهى وايدى

لما رحت الطبيب قال انت فيج حساسية عن المغنيسيوم وهذا الدوا فيه

فراجعى الدكتور وهو يكتبلج مقويات

وعلى فكرة قال احسن وقت تاخذين فايدة الشمس اهو عند الغروب

اجر وعافيه وسوي مثل ماقالولج البنات

الف لاباس عليج عيوني وماتشوفين شر ماقصروا البنات الله يعطيهم العافيه بس انا نصيحتي قبل اي شي تروحين للدكتور وتطلبين اشعه هشاشه اسمها جذيه عشان تشوفين اذا كان عندج هشاشه بالعظام او لاء لانو هذي علاجاتها غير وحساسه شوي واذا طلعت النتيجه انج سليمه اطلبي منه يكتبلج على الفيتامينات المناسبه وبالنسبه لكلام الاخوات التعرض للشمس مش كل الحالات ينصح فيها التعرض للشمس ويختلف كل شخص عن الثاني من ناحيه درجه تحسسه للشمس وبعد العمر والووزن والطول ونسبه الدم له دور في تحديد نوعالفيتامينات والمعادن اتمنى انو اكون افدتج وتمنياتي لج وللجميع بدوام الصحه والعافيه تحياتي

ركزي على حبوب الكالسيوم

وكثري من الحلبة معروفة تقوي العظم بس مادري يمكن تسمن الجسم

ما تشوفين شر حبيبتي و الحمدالله على سلامتج ..

اهم شي اخذي مقويات لجسمج و فيتامينات ترى حيل زينه وتفيد الجسم و اذا على الرخووو العبي رياضه ترى حيل زينه وتشد الجسم

مشكورين خواتي

الله يعافيكم ويسلمكم

جزاكم الله خير على الردود اللي تبيض الوجه

ماقصرتووووووا والله

ما تشوفين شر ,,, بس لا تاخذين شي بدون استشارة الطبيب ,, يحدد لج الكمية اللي جسمج يحتاجها و يسوي لج تحاليل سبحان الله يمكن الحبوب تأثر على شي ثاني ,, و ما عليج شر يالغالية ,,
و هالله هالله بالرياضة

سلامتج.. انا نفس الحاله

وحاليا اخذ فيتامين D وكالسيوم