|
|
السلام عليكم بنات انا بقولكم سالفتي بس تكفون ردوا علي وشاركوني … انا الحين بنتي بدخلها مدرسه خاصه طبعا من شهر فبراير وانا ادور على المدارس الخاصه اثري التسجيل مسكر .. توهقت رحت كامبردج وحاولت فيهم وسوولها اختبار وفشلت فيه مع انها ذكيه احس انه مافهمولها بس البنت مخها نظيف والمدرسه ماصبرت عليها ولا لها خلق تمتحنها حرام مسكينه بنتي .. المهم لقيت مدرسه بالمهبوله ورا الرساله شفتها بالصدفه والله ووديت بنتي وقبلوها وامتحان القدرات ب 25و
المدرسه نااااااااار اولى ابتدائي 3300 هذا غير المواصلات وايد علي ماقدر ادفع .. انزين شسوي قولولي وشوروا علي شسوي .. لا وابوها موراضي صج متحسفه على بنتي اهي شاطره واختها بالحكومه .. طبعا للاسف الحكومه فاشله وواجبات لي الراس وهم بنتي الكبيره موفاهمه شي بالحكومه فقلت ادخل الثانيه واتلاحق عليها .. والمشكله المدرسه اول مره يعني بنتي اول دفعه فيها اولى ابتدائي .. ماعرف عن المدرسه شي
والله اذا ابوها مو متحمل خليها حكومي مع اختها وسجليها العصر تقويه واذا شاطره ومخها نظيف ماراح اتعبج
و مدرسه اكسفورد بسلوى 1650
والمدرسه البريطانيه 2800 و الدفع على قسطين بس
والاكادميه الانجليزيه ب 1600
دي اسعار اولى ابتدائي 2024/2015
الله يوفق عيالنا كلهم ويحفظهم و يبارك لنا فيهم
اذا تعلمت بالروضه ما راح اتعبج بالتاسيس بالحكومه كلش لانها بتكون سابقتهم انا بنتي اولى روضه تكتب اسم الله عليها حالها حاله اولى ابتدائي حكومه
انا عيالي بالباكستانيه صراحه صعبه حيل ومو قادراعليها وقاعد افكر اطلعهم بس حلو ادخلينها روضه بس وتالي حكومه ورسومهم رخيصه 370 بالسنه
بس المدرسه لج عليها شوى من ناحيه النظافه مو مثل مدارس الكشخه طبعا بس للامانه تدريسهم حق روضه وايد حلو
اهم شي الحضانة وتكون قويه تساعد إلياهل وتقويه يجتاز المقابلة بالروضه
الروضة الخاصه تأسس إلياهل عدل والابتدائية حكومه جذي ترتاحين من التأسيس
جربينها وراح تستنانسين على شرحها