|
|
السلام عليكم ..
شلونكم امهات .. وشلون عياالكم .. 
عندي استفسار وياليت الاقي عندكم الجواب .. انا ولدي درس الروضه حكومه .. وقررت ادخله ابتدائي خاص لان اللغه العربيه عنده شوي ضعيفه وبالانجليزي احسن .. وهم بعد مدارس الحكومه احس انهم يرزون الشاطر والي مو شاطر الله يعينه ويعين اهله 
فقررت ادخل ولدي ان شاء الله مدرسه المستقبل ثنائيه اللغه الي بالفحيحل .. طبعا لان الرؤيه والتكامل ماتوقع راح يقبلونه لانه مو من البدايه خاص وثاني شئ طافنا التسجيل.. وهذيلا للاسف في منطقتنا
المهم عطوني موعد اختبار قبول الولد .. فحابه اسالكم شنو يعطونهم بهالاختبار ؟ ويصير ادش معاه ؟
وهل ممكن يراعونه لانه مو داخل خاص من قبل .. ثاني شغله دوامهم الظهر متى ينتهي ؟ لان الحكومه جنه 1 ونص او 2 الاربع
ثالثا: لو حبيت بعدين انقله من المستقبل للرؤيه او التكامل بعد سنه او سنتين ان شاء الله يقبلونه ؟
ورابعا : لو حولته بعد سنه او سنتين من خاص لحكومه هل راح يضيع بالمنهج ولاعادي ؟
تحملوني خواتي وعفيه ساعدوا اختكم .. هذا ولدي الوحيد واول فرحه بعمري ,, ابيله شئ يستاهل 
والله يوفق كل من ردت علي وساعدتني وحتى الي ماترد ترفع الموضوع الله يعافيكم حبايبي
اختي أظنها حولوها مدرسه للبنات بس مو متأكده ,, وعالعموم يبقى قبول ولدج من عدم قبوله أمر يرجع لإدارة وسياسة المدرسة نفسها ,, هل اتصلتي عليهم ؟؟
إذا ماعندهم مانع فالحمدلله وبالتوفيق ان شالله ,, وبالنسبه لقبوله في الرؤيا والتكامل أكيد يقبلونه إذا مستواه زين وغذا كان في أماكن للقبول ,,
وبالنسبه لإعادته حكومه بعد سنتين فيالغاليه إذا انتي ناويه فعلا تسونيها فأتمنى ماتخربطين الولد من مكان لمكان ومن نظام لثاني ,, حرام ,
إذا لج نيه تدخلبنه خاص سنه سنتين وتردينه حكومه فآنا أقترح ان تخلينه بالحكومه ولا تنقلين فيه حرام,,
أما إذا ناويه تكملين له بالخاص وماكو أي شي يردج ان تكملين له فاستمري أحسن ,, والله يوفقكم.
انا ولدي بروضه المستقبل والسنه الجاية الابتدائية حكومي
اولا مااشوف ولدي استفاد
ثانيا خلاص ما اقدر على المصاريف
رابعا ماابي اخليه بالمستقبل سنتين بعديه انقله حكومي راح ياثر على نفسيته حرام
بالنسبه لولدج اعتقد يقبلونه بس ينزلون منه سنه يني ثانية روضة دقي عليهم وتاكدي 23924243
حلم الطفوله ,, اي فيها اولاد .. ومبناهم منفصل عن البنات .. انا مشكلتي ابيه يتأسس صح من البدايه .. لان مدرسه الحكومه الي راح يدرس فيها كلش مو شئ مافيه تدريس ولاشئ بما ان الحين صار تقويم والطفل ناجح ناجح .. فا الي ماعنده ضمير ماقام يهتم
كويتيه مول .. حبيبتي انا رفيجااتي وااايد مدحووها لي وعيالهم فيها وسياستهم تعلم ولعب .. وبعدين سمعت انه مستويات يعني ولدي الحين اذا شافوه ضعيف عندهم صفوف للي شطار والي نص ونص والي ضعاف ,, جذي قال واحد يشتغل هناك حق رفيجتي
اما اذا بيرجعونه ثاني روضه لاوالله بلاها هالخاص مانبيه .. بدال مانطلع جدام نرد لي ورا
ومشكوورين حبيباتي انطر بااقي مشاركات البنات
اسمحيلي عالتاخير بس والله انا ما دخلت ولدي المستقبل الا من المدح اللي سمعته وتوقعت ولدي بيطلع توب
بس اللي صار ولدي يكتب اي كلمة تبينها بس شنو يكتب ما يدري شنو الاحرف مايدري انتي فاهمة يعني ماسوينا شئ وسعرها
مو رخيص 1250 بالنسبة لمستواها والله حراااااااااااااااااام وتدرين جم اعداد الطلاب بالصف من عشرين وصاعد قبل كان مستواها زين لان ماكان في كثافه طلابيه وتدرين ولدي متى سجلته شهر9 بدايه الدوامات وقبلوه عااااااااادي اهم شئ الماده عموما روحي زوريهم على يوم للحين
مداومين وشوفي اولياء الامور وساليهم ووقت انصراف الابتدائي 2 وربع