|
|
بنات
انا عندي طفلة وابي اعودها على ترك الحفاضة
وبحثت بالنت
ولقيت معلومات تفيد شكثر ..وحبيت اجمع لكم .اللي لقيته بنقاط مفصلة
ان شاء الله….افيد كل ام تمر في هالمرحلة مع طفلها
للعلم الموضوع كله من اسلوبي وتجميعي
اولا …العمر المناسب
عمر سنتين مناااااااسب جدا
ممكن قبله بشوي او بعده بشوي >>> حسب طبيعة الطفل واستعداده وقدراته
فيه اطفال يتعلمون في عمر سنة او سنة ونص
وفيه اطفال يتعلمون بسنتين ونص او اكثر
لكن تحديد السنتين بالذات لانه الطفل في هالوقت يفهم كلامج وممكن نعلمه التحكم الارادي بمثانته
امور مهمة يجب ان تنتبه لها كل ام
7
7
1- ممنوع الطق نهائيا …حتى لو اخطأ الطفل وبلل نفسه
لان الطق يعطي نتايج عكسية…ويخاف منج..
نتبع اسلوب التشجيع والمكافأة
انا لما تسويها بالحمام احضنها وابوسها …واقولها حلووووة …واعطيها بيضة كندر >>>اهي تحبها
2- تجهيز صراويل مبطنة بالقطن او اللي صايره نايلون من برا …وفوطه من داخل
طوول اليوم يكون لابسهم الطفل…بس بالليل (حزة النوم)تلبسينه بامبرز
اذا نويتي تقطينها بالليل بعد
لااااازم تكونين فطمتيه عن الرضاع…يعني ما يشرب حليب اثناء النوم..ولا قبل النوم
وتحطين مشمع تحت فراشه..عشان اذا احتجتي تغسلين الشراشف في حالة البلل
وتشيكين عليه واهو نايم عشان لايحوشه برد اذا تبلل…ويمرض
3-توقعي انه الطفل ما يتعلم بسرعه…ويمكن مرات تطلعينه من الحمام بدوون مايسوي شي
كلنا مرينا بهالشي…وتوقعي انه عقب ماتطلعين من الحمام يسويها على هدومه
طولي باااالج…
وتكلمي معاه…قوليله ليييش حبيبي..؟؟ واشريله له على مكان البلل وقوليله هذ وع
هذا حمام…اربطيها بمخه انه البلل وع…وانه اذا راح الحمام بتعطينه هديه
4-اذا بديتي تعلمين الطفل على دخول الحمام…..لا ترجعين تلبسينه بامبرز مرة ثانية…
الطفل يبدا يتعلم معاج يتحكم بنفسه حتى لو بشيء بسيط…واذا رجعتي للحفاضة يرجع يريح نفسه..ويبلل نفسه بالحفاظ
فينسى اللي علمتيه اول..وتبدين من اول وجديد…وكانك يابو زيد ماغزيت
بديتي المشوار لااازم تكملينه
5-يفضل انج تختارين وقت مناسب للبدء بالمهمة
مثلا ….فصل الصيف افضل …ويكون عندج اجازة عشان تجابلينه عدل…يكون الطفل مستعد نفسيا وجسديا…مايكون مريض او تعبان…ويفضل انج تقللين من طلعاتج عالاقل اسبوع واحد
وانتي تكونين مستعدة لهالمجهود ماتكونين مشغولة وعندج مشكلة مثلا بالدوام وتطلعين الحرة بالياهل…او على وشك ولادة…او فيه حدث معين
يعني اختاري وقت مناسب لج وللطفل
6- لازم تودينه الحمام بفترات محددة
كل ربع الى نص ساعه
وانتي تطولين بالج وتقعدين معاه. بالحمام..وتسولفين وياه…واذا سواها تعطينه هوز الماي (الشطاف) وتقولين له يغسل…طبعا تحت اشرافج >>>ترا الياهل يحب هالشغلة..وممكن تعتبرينها مكافاة له
واذا ما سواها لا تعصبين عليه…عشان مايكره روحة الحمام
7-انه الطفل بهالفترة يكون تحت المراقبة الجبرية
مايغيب عن نظرج
وانتي ممكن تلاحظين الطفل لو بغى يسويها
لانه الطفل بهالمرحلة ياخذله زاوية او ركن. بعيد عن الاعين..ووياخذ وضعية الجلوس..ووجه يحمر ويقعد يركز …وبين لج بوضوووح انه يسوي شي …اكيد كل ام شافت هالمنظر
على طوول قوليله يله نرووح الحمااام…اعطيك حلاااوه…
8-من خلال تجربه
بديت مع الطفل بالتعليم…بس بالنهار
اذا نام االبسه حفاضة
و حتى لو اضطريت اطلع وهو معاي البسه الحفاضة…اخاف انحرج برا
بس مجرد ما ادش البيت على اطول اقطها وادخله الحمام
صج تتخربط الامور بس احاول اسيطر مرة ثانية
9- اول مايقوم من النووم على طووول تودينه الحمام…وبعد كل وجبة…وقبل النوم…وقبل الطلعة
وعشان تجذبينه
علمينه يسحب السيفون ويغسل ايدينه…ويغسل ويهه..وممكن تعطينه فرشه اسنان يفرش
ترا راح يحب دخلة الحمام عشان هالشي…انا عندي كرسي صغير تصعد عليه
وتصير تطول المغسلة وتشوف نفسها بالمنظرة..واهي تغسل وتفرش
10-اذا علمتيه يقعد على الافرنجي لااازم تحطين كرسي صغير تحت ريوله..لانه وضعية الريل واهي على الارض تساعده اكثر ياخذ الوضعية المناسبة والضغط للتبرز والتبول
11- ممكن تعلمينه على القيصرية المخصصة للاطفال..فيه انواع معاها موسيقى
انا شخصيا اشتريتها بنتي ماترضى تقعد عليها…وللعلم اذا بديتي تعلمينه على قيصرية الاطفال لازم بعدين تمرحلة ثانية علمينه على الحمام العادي
12- اذا الطفل عنده اخوان صغار بيتعلم اسرع لانه يحاول يقلدهم
13-اذا الطفل تضايق ويبي يطلع من الحمام لا تضغطين عليه وتجبرينه غصب يقعد
جذي بيكره الحمام وبيرفض يدشه مره ثانية..ويقعد يبجي ويعاند…فانتي رغبيه بالمساحل…والهدية والبوووسة…وحبيبي …انت شاااطر وحلووو تروح الحمام مثل بابا …وماما …وفلان وفلانه
>>>اسامي يعرفهم الطفل
14- لاتقارنين الطفل بطفل ثاني من العايلة
تعلم بشكل اسرع منه…وبعمر اصغر
ترى المسألة تخضع للفروق الفردية…قدرات مختلفة…لكن هذا لايعني انه الطفل اللي تعلم متاخر انه غبي…
وحتى عملية التعود تختلف من طفل لطفل اخر
فيه طفل يتعلم بيومين..وفيه طفل يحتاج اسبوع ..وفيه شهر
عشان يقدر يتحكم بنفسه
15-تحملي هالمرحلة
ممكن اذا غفلتي يتوصخ البيت شوي…الله يعينج على التنظيف
بروش وشامبو سجاد…ومعطر…ويمكن يبيلج تغسلين الزولية
مرحلة وتعدي
الاهم انج تعودين طفلج على الحمام
16- اذا وصل الطفل لعمر كبير وما تعلم
اتوقع انه يحتاج تعرضينه للطبيب…
17-ثقي وتاكدي انه عملية تعويد الطفل على الحمام شي صعب عليج وعلى الطفل
وتحتاج الصبر منج …و….مو بس انتي اللي تتعبين
كل ام حريصة تمر بهالمرحلة مع طفلها..
18-روحة الحمام تفرررق عن اللعب
فانتي حاولي تربطين الحمام باللعب عشان يقبل عليه
مثلا انا بنتي تحب توم وجيري…فتاخذ معاها اي بود وتقعد تطالع واهي قاعدة بالحمام
عشان ماتمل…
وهذي عاد اصععب مرحلة في التربية والحمدلله افتكيت منها
بسلام 
انا حاسة باهمية الموضوع لاني عايشته حاليا
فيه وايد امهات مخلين عيالهم ومالهم خلق يعملونهم
وفيه اللي تقط هالمهمة على الخدامة
لكن
لازم يكون للام دور بحياة طفلها…
انا شخصيا…قاعدة اعلم بنتي وشادة حيلي عشان السفر بالصيف
ابي اكون خالصة من هالموضوع بالصيف
.gif "Eh S(8)")
ولدي عمره سنتين ونص وللحين ماعلمته .. عالحمام 
استفدت من هالموضوع وراح اطبقه على ولدي ان شاء الله ..
مشكوره يا الغلا
ولدي عمره سنتين
بس احسه مااابيي
اصلا لما اقوله يعصب يقول لا لا لا
الله يعين اخته قبله جننتني 6 شهور يالله تعلمت
الحين ناديته وشاف الصور بموضوعج ويقول حمام حمام
وقلت يالله نروح الحمام يقول لا لا لا
الله يعين بس وراه وراه
نشوف من يسبق ولدي ولا بنتج هههه
ياليت كل وحده تقول تجاربها انا بنتي للحين تشرب حليب قبل النوم وتقوم بليل هم تشرب يعني بتكمل سنتين وتشرب مارتان بدون حليب الا بحاله وحده اذا كنا طالعين ونأمتت بالسيارا ه.
الحين شلون ابدي ولازم إحد يجادلها شلون اذا انا دوام ما اقدر أخذ اجازه و شكثر المده اللي يبذلها عشان تعود وشلون ابدي بس الصبح وبلبل أبيها بامبرز احس هالطريقه بتعب يا اقط البامبرز مره وحده يا لا ولا شرايكم
شلون احاول اول شي أقطعها من الحليب احسن وبعدين بامبرز ولا ماله علاقه شلون ألطريقه هم عشان أقطعها لانها بالبيت تحن لو واصل حدها احاول تلعبها أقولك قصه نامي عندي ماكو فايده ابي. حليب وتبي نا نا شالحل ؟؟
ارميني تفيدوني عالموضوع لاني احس بنتي متقلبه اعلمها والحمدلله فاحسنلي واحسنلها ولا شرايكم
عسى الله يعطيج العافيـــــة
يعطيج الله العافيه ومااقصرتي
انا صاري لي يومين تقريبا قاعده اعلم ولدي
عمره سنتين ونص بس صج دوخه يسويها علي نفسه
بس يالله نصبر شنسوي بعد للحين موقادر يسيطر علي نفسه
مشكووووووووووووووووورة والموضوع يه من الله تسلميين
وتسلم الانامل الماسيه
ومجهود اكثر من رائع ..
يبتيها عالجرح .. ما شاء الله اكثر العضوات يقولون نفس الحجي يعني نفس الأزمة ^_^
الله يعينا كلنا وانعدي المرحله الصعبه
مهودي اسم الله عليه الشهر الياي بكمل سنتين بس احسها صعبه على البيبي لانه ولدي ما يتكلم بس احسه يفهم علي
لمن اسبحه من افصخه ملابسه على طول تكرمين على الحمام و يشيل اكوا باد و يقول اد ادداداداداد عارف مكانه
تتوقعين انه بعرف انه بيتعلم علي الحمام
حتى ساعات لمن يوضخ افصخه وعلى باله بسبحه
انا شريت من سنتربويت قيصريه تطلع موسيقى .. بس حاطها مع العابه يبعب فبها يحسبها قاري يمكن
قلت ابي اعوده يقعد عليها بعدين ادخلها الحمام بس شكلي من الحين بدخلها الحمام …
و شنو احسن القيصريه ولا كرسي تصغير فتحه الافرنجي
ولدي انشالله الشهر الياي يكمل سنتين اسم الله عليه
وقاعده افكر بموضوع الحمام مره حاولت اوديه يصيييح ويصرخ
واذا قلت له يلا تروح حمام يقولي مااااابي
الله يعني لانه شوي عنوودي