|
|
بسم الله الرحمن الرحيم
السلام عليكم ورحمة الله وبركاته …
بغيت اعرف تجاربكم مع الدكتوة نجمه بأسرع وقت لانه ولادتي قربت وانا اخر اربع مواعيد راجعت عندها وارتحت لها بس حابه اعرف عن ولاداتها اكثر…
ساااااااعدوني لاني مالقيت بالمنتدى تجارب عنها .. وانا اول ولاده لي وخاااااايفه اجازف ..
اتمنى الكل يساعدني ويشارك .. بكل أمانه
وشكرااا
سببت خلع في ايد ولدها
والبنات ان شاء الله يفيدونج اللي جربووها شخصيااا
والله يهون عليج ويقومج بالسلامه
الله يهون عليج ان شاءالله
انا ولدت عنها فبنتي سنة 2024.. تخيلي كنت اراجع عند دكتورة ثانيه بس سبحان الله اخر موعد رحت لها و ولدت عقبها ب 5 ايام..
ولادتها زينه اخذت كمام و ابر تخدير بس .. ولادتي الحمدالله ماتعسرت
بس واايد شقتني لاني ما كنت اساعد بالدفع و العيب كان من ابر التخدير اللي كانت تخليني انام وما اقدر اسوي Push
المهم اهيه زينه و خياطها زين و الخياط بروحه طاح و جيكت علي عقبها قالت كل شي زين الحمدالله
واهيه عموما حبوبه و حنونه و احسها خبره
الحين قاعده اراجع عندها بحمالي هذا بس توني بالبدايه
الله يسهل عليج و اكلي تمر وايد و امشي وايد و الجماع مفيد وايد هالفتره
و اقري سورة الزلزله وسورة مريم وقت الطلق
الله يهون علينا كلنا يارب
واذا في وحده اشطر منها بالسلام ..؟؟
والله يسهل علينا ان شاءالله …
عن نفسي ما جربت بس خواتي مراجعاتهم عند السلام يمدحون نجمــــة حيل حيل بس لا تسوين نفس اختي راحت الفجر ماكانت حزة دوامها تاخرت عليها وتعبت شوي يعني اقصد تاكدي من وجودها قبل تروحين حزة الولادة…. في وحدة اسمها نزهت بعد يمدحونها !
واعرف بنات وايد ولدوا عندها يمدحونها والله
انا بولادتي الاولي كنت بالصباح عند الدكتور اشرف يهبل يهبل
بسسس ابي غرفه عشان جذي هالمره انشاءالله بخاص
بس والله متحسفه عليه لوو يطلع يولد برىى اقوله يولدني بس مشكله مو راضي
وخياطها كبس تجميلي وايد حلو ومرتب ومو مبين نهائيا
بس سمعت انه اكثر شي تولد قيصري
والله اعلم
يمدحون نزهت
ومتردده اختي تمدح دكتور قطب …محتاره
وعقبها رحت عند غيرها ووهبت وحده من اهلنها تخيلي خلتها بعرفه العمليات
وفاتحه بطنها ولما ارتفع ضغط الوالدة وانفجرت المشيمه جان تطلع من غرفه الولاده
وتليها مثل ماهي والله الله يعافي السسترات الي انقذو الموقف ونادو دكتور علشان يولد
نصيحه روحي عند نزهت وايد أحسن منها وحتي كنفسيه احسن
والله يقومج بالسلامه