تاخرت دورتي ومافي حمل وبطانة الرحم

مرحبا ..
اليوم راجعت عند دكتورتي لان دورتي متأخرة على المفروض تجيني 22/10
يعني من اخر دورة 7 اسابيع

سوت لي سونار وقالت لي بطانة الرحم 12 يعني مافي حمل
وكتبت لي دفستون

اذكر ببنتي لمن كنت حامل فيها ونزل علي دم كتبت لي الدكتورة دفستون للتثبيت

الحين هل الدفستون ينزل الدورة ؟
وكم المفروض يكون سمك بطانة الرحم ؟

انا جذي تاخرت علي الدوره الى عشر ايام وسويت سونار يقولي مافي حمل

احسن حل لج .. التحليل الهرموني للدم والله يوفقج ..

مشكورة فديتج .. الله يهون عليج
ان شاء الله بروح اسوي التحليل الهرموني شورج وهداية الله

انا كان ينزل علي دم بس خفيف ودكتورتي كتبت لي حبوب دفستوون
للتثبيت .. بس حق شنو كتبت لج هالحبوب تثبيت سوي تحليل هرموني
الله يرزقج ياارب

هلا والله كتبت لي دفستون عشان تنزل الدورة لانها متاخرة وايد

ان شاء الله بسوي تحليل هرموني

اتمنى اللي عندها اجابة على سؤالي تفيدني
لا اله الا الله محمد رسول الله

حبيبتي اذا سوت لج الدكتورة السونار من فوق (على البطن) ترى ما يبين الحمل اذا كان في حمل لانه توه الحمل ببدايته
وحبوب الدوفستون اذا في حمل تثبته باذن الله واذا ما في حمل راح تنزل عليج الدورة بعد 3أو 5 أيام والله يكتب لج اللي فيه الخير

مشكرة حبيبتي بنت الدوحة
لا سوت لي سونار داخلي ..
الله يطمن قلبج مثل ما طمنتيني

نفس حالة عمتي ومو حمل الدوره متخربطه عندج . انتي قاطعه حبوب المانع متى؟