السونار كثرته اتضر؟

بنات السوناار كثرته اتضر؟
انا وريلي احس وناستنا زيادة عن اللزوم

تقريبا كل 3 اسابيع انروح انسوي سونار وساعات كل اسبووعين

ابي اعرف له آثار سلبيه ؟

والنوم عالبطن ياثر عاليااهل؟ انا لي 13 اسبوع الحين

وبساكم في كتاب بالعربي عن خطوات الحمل بدقه ؟ وين احصله .. ابي فيه كل شي

وشكراااااااااااا

بصراحه كان ودي افيدج بس مادري انشالله مايضر سإلي دكتورج احسن

سالتها بس تقول عادي .. ما اثق ابكلامها لانها عياده خاصه واكيد تبي مصلحتهااااااا

لا عادي انا مره بمستشفى صباح سوه لي مرتين
وبالفروانيه دخلت الطواري سويت 4 مرات كل فتره بينهم ساعه عشان كنت طايحه من السلم وحامل بالثامن

الدكتور قال مايأثر

حبيبتي ما يضر
اصلا هذه الأشعة غير عن أشعة إكس (لا ادري ان كنت تعرفينها هذه اللي تصور العظام)
اشعة اكس هذه مضرة
الاشعة التلفزيونية عبارة عن موجات فوق صوتية و هي غير مضرة و آمنة ان شاءالله

بس لا ادري ليش كل اسبوعين ثلاثة
كفاية مرة كل شهرين حتى الشهر السابع كذا
بعدين مرة كل شهر بعدين مرة كل اسبوع في التاسع (هذا بفرض الحمل مستقر و كل شئ تمام)
وربي يعافي الصغير و يعافيك

لا السونار عادي انا كنت كل ثلاث اسابيع اسوي مره والحمدالله

بالنسبه للنوم على البطن لا تنامين على بطنج لان الحين البطن كبر بهالطريقة راح تأذين البيبي

السونار ما يأثر
بس النومه حرام تأذين البيبي
بالنسبه للكتب روحي مكتبه
جرير أطقين علي راسج

السونار ان شاءالله مافيه مضرة

بس النومة على البطن ديري بالج مو زين

وعسى الوناسه دوم

مااااااااااااااظن انه يضر

امي وخالتي دايما يقولولي لاتسوين سونار وايد يضر
وانا كل شهر تقريبا اسوي سونار وفي اشهر سويت اكثر من مره
وان شاء الله مامنه مضره

انا كل موعد اسوي سونار وماقد فكرت انه مضر ؟؟؟؟
ان شاء الله ما منه مضره

انا كل عياده او مستشفى كنت اسأل السونار مضر يقولون مو مضر
ان شاء الله ماكو الا الخير

على الاقل انتي كل 3 اسابيع احنا يوم سمعنا النبض ههههههه كل اربع ايام تقريبا نروح
بس تأدبت الحين يوم سار السونار يشوق وبينت الملامح

السونار مافيه اشعه يعني عادي ما منه مضرة
النوم عالبطن يضايق البيبي
الكتب: موسوعة الفراشة و كتاب ماذا تتوقعين و انتي حامل

أنا بعد كنت أبي أأل مثل سؤالج
وعلى الكتاب أنا عندي كتاب أسمه ( ماذا تتوقعين عندما تكونين حاملا) من جرير بس ينباع بالمكتبات أنا اشتريته من مكتبه الروضه
صراحه عجيب وفيه كل شي الحمل الولاده الاكل البيبي وحتى الرضاعه وبعد الولاده الكتاب شامل

مشكورين على الاجااابه كفيتوا و وفيتوا يا حلوين
تسلموون