ابرة الظهر

السلام عليكم
حبايبي منو فيكم جربت ابره الظهر سواء كان بالطبيعي او بالقيصريه
وصج البنج العام اوو الكمام افضل منها
تجاربكم حبايبي

انا جربتها عجيييييييييبه بصراحه الي اخترعهااا تسلم ايده :>

و عليكم السلام و الرحمة

حبوبه انا ولدت ولادتين قيصرية ..

الاولى كانت بنج عام طبعاً كنت نايمة و ما حسيت بشي .. لكن ظليت يومين عقبها كله دايخه و جني بعالم ثاني.. و ما رضعت ولدي أبداً و هالشي خلاه يرفض صدري لأن الممية تصب عليه صب غير عن الطبيعي..

الثانية خذيت ابرة ظهر فيها لان فيني ربو و الينج العام يسبب كحه و بلغم تكرمين و هالشي مو زين للجرح .. ما اقولج ما تعور .. تعورت و الدكتور يغزني لكن ما حسيت بشي وقت العملية الا لما ضغطوا على معدتي حسيت بمغص بالمعدة بس .. لكن طوول العملية و الجزء العلوي من جسمي يرجف رجفة مو طبيعية و هذا من آثارها الجانبية .. و يوم كامل ريل وحدة مخدرة ما قدرت امشي الا ثاني يوم .. و الحمدلله لحد الحين زينة مافي الم بالظهر ولا بالريل و قدرت ارضع بنتي من اول يوم بالمستشفى ..

مشكورين حبايبي على التفاعل بس انا سمعت ان طريقة الغزة تذبح

انا خرعوني منها…. عشان جذي رفضتها

لا تسمعين كلام احد انتي جربي ترا تفرق من وحده لوحده
انا اقولج تجربتي بالاول بالحكومه جربت ابره الظهر ممتااااااااااااااااااااااااااااااااااااااااااااااا ااااااااازه اعيز اقول ممتازه لان بالبدايه كانت ولادتي طبيعيه بس بعدين ما تحملت قلت لا طبيعي ولا بطيخ استغفر الله كنت ابي الاجر عشتوا ويابولي ابره الظهر
بالثاني طلبت ابره الظهر من البدايه بس بخاص ما حسيت الا بتنميل بريولي والولاده طبيعيه يعني كل شي بس الكمام ساعد
وسويت عمليه وانصحتني وحده ان ما اكل قبلها بيوم مو 12 ساعه وصج ما حسيت بلوعه ولا ترجيع ولا شي عاديالبنج العام
عشان جذي اقولج توكلي وسوي اللي تبين
والله يوفقج

اختي انا جربتها لاني كنتخايفه حيييييييييل من الولاده وبجريه حسيت بالطلق شوي والباجي قمت اسولف مع امي وريلي والطلق يحمي ويزيد وانا موحاسه بس غزتها مثل الابره العاديه عوار خفيف انا من عوار الطلق كنت ابي اي شي يهدي علي وبعدين اقولج شي من وجهت نظري والي سار معاي اني ماتعبت بالطلق وايد الابره ريحتني عشان جذي ساعدت نفسي بطلعت الياهل كان فيني حيل وانصح كل وحده تاخذها احبها هالابره

مشكورين حبايبى على النصايح الله لايحرمنا من نصايحكم

اب اب

بالبدايه كنت رافضتها نهاااااااااااااااائي والدكتور قعد ينصح فيني ويحن الا اخذها وصج عقب ماخذيتها قعدت ادعيله وقلت يزاه الله الف خير على اللي سوالي اياه بصراحه صج عجيبه والحمدالله لاعوار مكانها ولا شي

الحمدللة على سلامتج ومشكورة ياقلبي على النصيحه

جربت الولادة القيصرية مرتين .. الاولى بنج عام لأني طلقت وما فتح الرحم وولدت قيصرية طوارئ لأن بنتي تعبت … التخدير العام متعب .. ومع ان عمليتي الساعة 3 الفجر ما صحصحت الا العصر ودايخة والكحة اتعور وضاق خلقي اني ما شفت طلعة بنتي … الثانية اخترت ابرة الظهر عطتني اياها د. هدى في السلام … ما شاء الله ايدها خفيفة ما حسيت بشي … وطول العملية احساس حلو … وحسيت بطلعة البيبي لان بطني كان مسموت وارتخى فجأة … فيعوضني عن الولادة الطبيعية .. وسمعت ولدي حبيبي يصرخ … وشفته وصخ يابولي اياه وحبيته … وطلعت على طول رضعته … وكنت مبتسمة هههههه اضحك …. مطلعيني من العمليات ابتسم هههههههه

بعدين المفروض يخلونها 24 ساعة بس انا قلت لهم شيلوها ابي ابرة مسكن عادية … وقمت امشي بس فج البنج من ريلي … وتجربة ولا اروع ههههههههه … بس اهيا خرعتها اكبر منها

الحمدلله على سلامتج حبيبتى والله يخلي لج وليدج

انا بصراحه ماجربتها
بس قريت موضوع بالمنتدى ان بنات جربوها وبعدها بفتره صارو يشكون من عوار الظهر
وانا بنت عمي دكتوره وجربته وطول فتره النفاس حاطه الربطه اللي على الرقبه تقول ما اقدر ارفع راسي وكانت تمشي محندبه
انتي شلج بعوار الراس والمحاتات استخيري وصلي صلاه استخاره والله بيسخرلج الزين ان شاء الله
بس اذا انتي ولادتج طبيعيه ترى اساسا يعطونج ابره بالورك عن العوار وقت الطلق بس تحسين بشي خفيف مثل المغص والكمام انا جربته بالهادي وكنت ربو وحاطينه خفيف كنت واعيه واتجاوب معاهم وشفت البيبي وحطيته على صدري بس عقبها شفطته عدل عشان ارتاح والدكتوره تاخذ راحتها بالخياط هههههههههههههه

انا جربتها وتوني والده صارلي تقريبا 28 يوم
عجييبه واخذيها وانتي مغمضه اول شي كنت اكابر لا ما ابيها وبس عالكمام بس ماقدرت اتحمل وصج شعور عجييب لمن تاخذينها تسولفين ويا اهلج وعادي جنج مو قبل شوي طلق وحالتج حاله واترييح وايد وولادتي كانت طبيعي الحمدلله
اخذييها نصيحه من اول شي عشان ترتاحين انا ماخذيتها الا اخر شي لانه ولادتي طوللت تقريبا 12 ساعه صارت ولا ماكنت ناويه اخذها بس بعد ماجربتها قلت انشالله كل واده باخذها