كويتيات ساعدوووني بهالاسئله ما عليكم امر

قوه بنوتات وحوامل وامهات وكويتيات…

اشلونكم عساكم ابخير

انا بدش بالموضوع دوووغري … انا الحين بالسادس وحامل بالبجر وبغيت اصحاب الخبره يساعدوني بجم سوال علشان يسهلووون عليي التجهيز لاني للحين ماجهزت ولا شي واحس اني مدودها وابي اسوي استقبالي بالمستشفى يعني وراي الف شغله وشغله فبغيت حبايبي اللي منكم تقدر تساعدني ترد عليي والله يسهل عليكم الحمل ويخليلكم عيالكم ويرزق المحرومين بالذريه الصالحه…

الأسئــــــــــــــــــــــــــــــــــــــله..
1- جم يكلف التجهيز من جميع اغراض البيبي + اغراضي .. مو شرط تكتبون بالضبط بس كل وحده تقول المبلغ التقريبي علشان احط في بالي مبلغ معين.
2-افضل الاماكن اللي اجهز منها .. ابي اسامي المحلات ما عليكم امر لاني بجر مثل مانتوا عارفين وماعندي احد يساعدني غير ربي.

3- ابي مكان حلو اشتري منه كفر النفاس + لبس لي وانا بالنفاس.

4-اذا تعرفون افكار ححلوه حق تجهيز استاند الكاكاو وحركات يديده اسويها بالاستقبال.. اللي عندها فكره تقولها ماعليها امر.

5- اللي منكم امجربه دوا زين حق السيلولايت تقول اسمه .

ويابنات ان شالله ردكم مو بس يفيدنيانا بروحي لا يفيد بنات وااايد يمكن محتاجين يعرفون معلومات عن هالاشياء اللي ذكرتها .. وان شالله يارب اللي ترد عليي الله يهون عليها ويسر حملها ويحفظ عيالها وبيتها وزوجها من كل شر… اللهم آميــــــــــــــــــــــن

يلا عاد ناطرتكــــــــــــــــــــــم

اشدعووه بنات 15 وحده ولا وحده ردت عليي

الله يسامحكم ..

انا ماسالت الا انا محتاجه الاجابه ولو اعرف جان ماسألتكم

بالنسبة للتكلفة مو اقل من 300 دينار كحد أدنى لو بتقتصدين
أما بالتسبة للكاكاو عندج كل محلات الحلو تسوي وفي شغل بيوت تقدرين تفترين وتنقين اللي يعجبج
وباقي الاشياء كفر ولبس كشخة وهالخرابيط انا ماسويت شي لاني نمت بالمستشفى فترة طويلة
وسلامتج

ماتقصرين حياتي q8lady عالرد

وان شالله يردون علينا باقي البنات

شوفي حبيبتي انا ما اقدر اعطيج ملبغ تقريبي لان كل ما اطلع اشتري نتاتيف وخالتي الله يخليها اهيه اللي شاريه اغلب الاغراض ,, بس خشيلج فلسين لي التاسع احتياط ,, وكل شهر اشتري شي مثلا هالشهر اذا ماخلص المعاش للحين اشتري السرير الصغير والسرير الكبير حق بيتج نشالله ,, والشهر الياي ملابس البيبي واغراضه واللي وراه ككاو والتوزيعات (( هالطريقه واااااايد زينه لانج ماراح تنضغطين ))

بالنسبه للكـــــــــفر لااااااااا تشترين من المشاغل والله حرام على 200 وطالع روحي تروفاليو ناعمين ويهبلون ماتتعدى اسعارهم ال80
والتوزيعات والككاو روحي باتشي ولاكادو ككاواتهم لذيذه اشتريلج بالكيلوات وركبي عليهم من بياع الورد ماراح يكلفج كلش
وقميص الاستقبال عندج محل العندليب نااااعم ويهبل وارخص من انور بواااااااايد والمشكله انه احلى من انور
ملابس البيبي عاااااااااااااااااد هني الوناسه فديته (( مذركير -سنتر بوينت- ماماز اند باباز- زارا ) وهم سوق النصار وااايد عنده سوالف تونس بس حسافه يوم خلصت تجهيزي رحلته

والنونو روحي اخذيله جيس حق الاستقبال من كل لحظه ماركه ماراح تتحسفين

ودام بتسوين استقبالج نشالله بالمستشفى لاتشترين لا استكانات ولا صحون ولا شي ,, طلبي خدمه العصاير والتقديم اعتقد وحده من خواتي بالمنتدى حطت صوره استقبالها برويال حياه وطالبه الخدمه انظف واريح لج

ماقصرتي حياتي krkosha والله ردج يبرد القلب ياعمري عسى الله يعطيج اللي تتمنين

وهم بانتظار البنات يقولون تجاربهم