لذوي الخبره عن الاجهاض بليييز عندي استفسار ؟؟؟؟؟

السلام عليكم اشلونكم بنات شخباركم بليز عندي استفسار انا كنت حامل وعقب 8 اسابيع اجهضت وما يتني الدوره عقب الاجهاض ولا مره واحتمال اكون حامل شلون عادي والا مو زين اللي صار فيها جذي ترد علي وتقولي شنو صارلها بلييز ابي اعرف لان سمعت انه مو زين ويمكن اصير اجهاض مره ثانيه وكل شي على الله سبحانه ……

حبيبتي اهو عقب الاجهاض لازم ترتاحيين من الى 6 اشهر عشان ظهرج انا عني اجهضت بعد 8 اسابيع نفسج والحمدالله احين حامل بس فيه فترة 3 اشهر بينهم ويوم حملت هم ظهري ع اقل شي يعورني واللي فيه الخير يكتبلج ربي

مشكوره حبيبتى على الرد والله يسهل

انا يتني الدوره عقب الاجهاض بعد 50 يوم اهي تتاخر عادي انتي سوي تحليل واتاكدي احسن

سويتي تنظيفات ؟

المفروض اتريحين اقل شي 3 شهور وعموما حللي واسا اهي طبيعي تتأخر لانج توج مجهضة واحتمال بعد 40يوم تنزل او اكثر او اقل والله اسهل عليج وعوضج وعوضني معاج يارب

الله يعوضج ويرزقج

الله يعوضك يارب ويعوض كل اللي اجهضوا

مشكورين بنات على ردودكم . انا طيحت تاريخ 10-4 اللي طاف وسويت تنظيفات 11-4 والحين كنت بروح العمره فبقيت اكل حبوب اللي ترفع الدوره حلو فخفت اكون حامل واثر علي. فسويت تحليل وطلعلي مو واضح في شك 50% اني اكون حامل .انا خفت لان يقولون مو زين حمل ورى حمل فانا ابي اعرف اذا الحمل يتم اوما يتم واطيح مره ثانيه انا خايفه وايد من هالنقطه. في وحده منكم او تعرفونها احملت على طول عقب ما طيحت وتم حملها؟؟؟ هذا اللي ودي اعرفه؟؟؟؟ وكل شي بيد الله والحمد لله على كل حال

اختي اجهضت وعقب ما انظفت احملت على طول عادي
كل شي بيد ب العالمين

انا يتنى عقب التنظيفات ب شهر بس

الله يعوضج ان شالله … ويرزقج …

حبيبتي انا نفسج اجهضت بشهر واحد اللي فات وحملت بعد شهرواللحين انا بالثالث حطي املج بالله انا تعذبت اول شهرين عوار بالظهر يذبحني مانام منه وينزل معاي كل اسبوعن دم وكنت خايفه نفسج وازود بعد لدرجة اوسوس اخاف اسقط مره ثانيه بس الحمدلله من التزمت بالقرايه عند الشيخ الرقيه الشرعيه الحمدلله ارتحت بحمالي لازم ضروري القرايه للمجهضه واخذ حبوب مثبته وابر بعد وكل شي باذن ربج وانصحج بسورة البقره والاستغفار دايما والراحه

الله يعوضج ان شاءالله
انا صديقتي اجهضت وحملت على طول قبل الدوره تقول في عوار بطن وظهر يمكن لأنها ما ارتاحت بس الحمدالله الله تمم عليها وولدها ماشالله الحين عمره سنه
والله يرزقج الحمل السليم يارب

الله يعوضج إن شاء الله
ولا تحاتين كل شي بيد رب العالمين