تأخر حساب السونار عن حساب الدورة طبيعي؟؟ تعبت من التفكير

السلام عليكم

خواتي انا لله الحمد حامل اخر دورة 19-11

لما كملت 8اسابيع رحت للدكتورة قالت مو باين جنين بس كيس تعالي بعد اسبوعين رحت بعد 3اسابيع وماشاءالله الجنين واضح ولله الحمد لكن صغير حيل والكيس كبر عن اول

لكن باين بالسونار اني بالاسبوع الثامن وانا المفروض بالاسبوع 11

تعبت من التفكير على فكرة انا متاخره بالحمل علشان جذي متاكده ان ماصار حمل الا ايام التبويض
يعني مو حمل متاخر واساسا لاني اول ماتاخرت الدورة سويت تحليل وطلع ايجابي..

اسمه تأخر تبويض
السونار هو المحدد الصحيح لانه يحسب كيس الجنين من مقاسات
انا تختلف الدوره عن السونار وصح السونار دايم بعيالي
انا دايم سوناري متاخر اسبوعين عن الدوره
هالشي طبيعي لانه على حسب التلقيح

طبيعي

ام عفاف
جزاج الله خير والله يحفظ عيالج يارب

طير الحب
مشكورة وان شاءالله طبيعي

انا اللي يخليني احاتي ان متاكده من التبويض وان الدورة من تاخرت طلعت حامل
يعني تبويضي مو متاخر..وجنني صغر حجم البيبي حيل صغير يالله وضح مع الدكتورة

يمكن البطن اللى عندج مايربي يعني عيالج صغار
انا جذي بنتي اقل من 3 كيلو وولدي بعد وصح بالسونار متاخرين اسبوعين وانا متاكده حامل قبل الاسبوعين من التحليل

يمكن سبحان الله اذا جذي عادي كثير عيالهم صغار بس انا خايفه ان حملي موطبيعي بس الله كريم

مشكورة ام عفاف

لا طبيعي ان شاء الله
لاتحاتين والله انا نفسج بالضبط
وكله السونار يتاخر اسبوعين عن الموعد اللى تحطه الطبيبه لي
والحمدلله كاهم صج صغار اقل من الوزن الطبيعي بس الحمدلله على كل حال
حملج مافيه الا العافيه لاتحاتين ترى مو زين لج

حبيبتي هذا عادي طبيعي

ام عفاف ياحياتي ماتقصرين
احس انج حاسه فيني
الله يجزاج خير ويحفظ عيالج يارب

مشكورة يويو
الله يجزاج خير

اللي مرت بنفس حالتي تفيدني
الله يجزاكم خير

بنات اللي ماتعرف على الاقل ترفع الموضوع

انا نفس الشي
المفروض اكون بالاسبوع التاسع
بس انا بالاسبوع السابع
ودام انج تسمعين نبض البيبي لا تخافين
ان شاء الله مافيج الا العافية

حبيبتي عادي لا تفكرين وايد الله يثبته لج ويتمم عليج وهالله هالله بسورة البقره …

الله يثبته يارب
مشكورين وتسلمون