|
|
السلام عليكم ورحمة الله وبركاته
بغيت استفسر منو احسن دكتوره برويال حياه والمواساه؟؟
وجم اسعارهم بليز انا بجر ولا ادري شطبخه 
الاستفسار الثاني انا بالسابع الحين وودي اساااااااااااااااافر 
مشتهيه ارووح الخبر اغير جوو على المعاشات يعني بكوون بنص الساابع اذا الله
ارااد هل في خطر لاسمح الله على حالتي لاني بجر وحملت بسرعه الحمد الله رب العالمين
والواحد مايدري شنو الخيره بس ودي اسافر لان بعد الاربعين ماتوقع اقدر لان ان شااء الله انا ناويه
ارضع وكااسره خااطري بنتي وبنفس الوقت ماقدر اخذها ادري كتبت قصه حياتي بس بلييز تحملووني قلتلكم بجر
وخبرتي قليله وجزاكم الله خير مقدماً
بالنسبه للسفر عادي دام ثبت الحمل مايضر
وانتي تبين الخبر روحي سياره اريح لج وماكو ضغط جوي
بس بالاول والاخير ارجعي لدكتورتج لازم علشان تسون لج تجيكات على الياهل وعليج…
بس استشيري الدكتوور..
انا اروح من الشرقيه للكويت باشهري الاووولى كم مره سياره والحمدلله..
……………………………………..
……………………………………….
انا عندي رويال حياه احسن … بس ماجربتهم ترى لاني مو متزوجه
بس تعجبني خداماتهم
اما بالنسبه للسفر صلي صلاة استخاره احسن لج
وعادي ترى بالسياره ماكو خطر عليج ان شاء الله والخبر قريبه
روحي شارع السويكت كل الملافع فيه
وترى بنت خالي بالشهر 8 رادت من فرنسا بالطياره وماصار فيها شي
اهيا خايفه انهم مايرضون تطلع بس ماشافو بطنها وعدت على خير
بالنسبة للسفر …والله اشوف الروحة الحين زينة شينة 
زينة انه ماوراج واق ويق : ياهل صغير و خاصة انج بجر يعنى يتحتاسين معاه .
و شينة انج راح تتعبين بالطريج ..ظهرج بيتعب من القعدة بالسيارة ..
و السفرة عقب الاربعين هم زينة شينة طالعة منالنفاس تبين تغيرين جو ..خفيفة ..الوقت روعة حزتها هناك
ولا تحاتين الياهل و الرضاعة ..بالعكس سهالة ..و هناك تقدرين ترضعينها بالمصلى اوحتى بالسيارة ..و تسوين لها ماى تمر و ينسون حق الطوارىء ..و هناك المطاعم كله كباين يعنى تاخذين راحتج ..
بس تكون ليلحين نومتها مو منتظمة ..يعنى ممكن تاذيكم بالليل ….
استخيرى و شوفى
اما عن السفر عادي انا سافرت بسياره للدمام والخبر وانا حامل بالخامس والحين انا بالتاسع قريب اولد ادعولي روحي سافري واستانسي
بس ترى راح تتعبين من المشي والقززز لانج بالسابع فبديتي تثقلين شوي بالوزن وبس
اللهم يسر امري وسهل ولادتي ورزقني الجنين السليم المعافى واجعله من عبادك الصالحين ااااااااامين
احلى الجياكر انا اراجع عند العرف بس مافكر اولد عندهم لاني مره تنومت عندهم
السسترات غشيمات حيل و ان شاء الله المراجعه الجايه بفتح ملف يااعند رويال حياه او المواساه
بس انتوا نوورووني منو الاحسن ؟؟؟!! لاني بولد ان شااء الله عند واحد فيهم على قولتكم بستخير والله يكتب الي
فيه الخير مرسي خوااتي
الله يسهل عليج