شنو خطر الانيميا وقت الولادة

السلام عليكم
شلونكم كويتيات …..

حبايبي الموضوع واضح من عنوانه انا بالشهر التاسع الحين وحللت تحليل دم وطلع فيني انيميا نسبة الدم 7 شنو اسوي علشان تزيد نسبة الدم ؟؟؟ وشنو مخاطر الانيميا حزة الولادة؟؟؟

اول مره اسمع فيه ان شالله البنات يفيدونج

والله يسهل عليج ويهون عليج الطلق يااارب

والله للاسف ماعندي فكره ماتشوفيييييييين شر حبيبتي

عشان اتزيدين الدم اكلي بقدووونس و جبدت خروف نص شوااا والله احسن شي للدم
الجبده سويها مشويه على الفحم او سويها اسرع على الصاجة على الجوله ماتشوفين شر انشالله
وشنو علاقته بالولاده مادري والله

تسلمون حبايبي ما قصرتوا نورتوا الموضوع بردودكم
واللي ابي اعرفه اذا وقت الولادة شافوا نسبة الدم نازلة حييل بيحطون دم لي والا لا؟ لاني احاتي هالشغلة ممكن ان المستشفى اللي بولد فيني ما يكون فيه نفس نوع الفصيلةويتوهقون …فهمتوا علي ابي اي وحدة صار معاها انيميا بالحمل وخصوصا بالشهر الاخير شسوت؟؟؟؟؟

اذا 7 لازم يحطون لج دم لانهم يخافون وقت الولادة تنزفين انا كنت 7وحطولى 6 اكياس رغم انى عملية

ما تشوفين شر

بس اللي اعرفه انه يمكن لا قدر الله يصير لج نزيف وقت الولاده

بس شو اللي يزيد نسبة الدم ماعندي فكره

تقومين بالسلامه يا رب

يعطونج دربات حديد انا نسبة الدم عندي 8 وقالولي لازم 3 دربات بالاسبوع لمدة شهر يعني التوتل 12 درب بالشهر اتمنى اني افدتج

حبيبتي ليش ما انتبهتي لنفسج من اول شهر
انا كل شهرين اسوي تحليل دم اول شهر كانت نسبة الدم 5 بعدين عطتني الدكتوره
حبوب فروز لفقر الدم وصرت اهتم بالاكل زين والحمدالله عديت علي خير بس الحين انا ولدت
وقاعده انزل الكيلو غرامات الزايده عندي وشكلي رديت الفقر الدم من جديد

شربي عمري عصير رمان وايد زين
واكلي كبدة مرة بالاسبوع
اكلي سلطة الفلفل الاخضر والملون وايد زينه وترفع الدم بسرعة
امتنعي عن الشاي والقهوة
كثري الخضر والفواكهة وشربي عصير برتقال
وبعدما تولدين انشالله بالسلامة خلي اكلج صحي وديري بالج على نفسج وصحتج
سلامات

لانج عمري بالولادة تفقدين كمية من الدم فلازم تعوضين وتقوين جسمج من الحين
ولاتنسين تداومين على حبوب الفيتامينات والحديد اللي توصفه لج دكتورتج
وانشالله نسمع عنج اخبار خير يارب

حبيبتي اكلي جبد خروف ثلاث مرات بالاسبوع لمده شهر ,,,,,,وشوفي النتيجه
وما تشوفين شر