المجلس الطبي

السلام عليكم
حبيباتي ممكن تعلموني اشلون اخذ اجازات طويلة من المجلس الطبي لاني تعبانة
يعني شنو الخطوات ومن عنده أقدم حق المجلس الطبي ومشكورين حبيباتي

اول شي لازم من دوامج تكتبين كتاب للمجلس الطبي وتاخذينه لهم واهناك في اجراءات لازم اتسوينها بس اقولج من الحين الله يعينج لأنه وايد يطولونها يعني انا مثلا من الشهر الخامس طالبه مجلس طبي وباخر الشهر السابع الي خذيت التخفيف

اي والله يارييت تفيدونا انا بعد ابي اسوي توني ماخذه التقرير من الدكتوره مالتي و كتاب من الدوام الحين بروح الجلس الطبي اقدم الله يعييني ما ادري شلون انا مثلج متوهقه

ويييييه انه سويتها بالسابع الكتاب
واخر اسبوع عالتاسع نادوني على عالطواله واني بالشهر التاسع ماعطوني ولايوم
مع ان دكتورتي كتبتلي ان المشيمه نازله وان ينزل علي دم وسوالف وايد
بس الدكاتره حشاكم وحشى السامع اجلاب
جنه الاجازات والتخفيف من جيب ابوهم
بس اذا تبين حاولي يمكن اله ايسهلها عليج

انا اللي سويته غير عنكم
بما اني مدرسة وساكنه تبع منطقة الفروانيه ومدرستي تبع منطقة حولي التعليميه
اول شي اخذت تقرير من دكتورتي وبنفس اليوم رحت قسم الاجازات بمنطقة حولي التعليميه واخذت طلب دراسة حاله نموذج 1 وبنفس اليوم وقعته من ناظرة مدرستي ورجعته للمنطقه التعليميه علشان اتوقعه عليه رئيسة الاجازات وثاني يوم اخذت الورقة ورحت المجلس الطبي العام بمستشفى الصباح واطبعولي ورقه اخذتها ورحت مستشفى الفروانيه لمدير المستشفى اخذت طلب لجنه طبيه واخر شي اخذت طابع بدينارين و ورقة طلب لجنه طبيه و ورقة المجلس الطبي و ورقة تقريري من دكتورتي وعطيتهم حق سكرتيره امراض نساء و ولاده حطولي موعد يوم الاثنين لان اللجان الطبيه كل اثنين بس
وبس هذا كل اللي صار بيومين بس والحمدلله سهالات

الله يعطيكم الف عافية بس تهقون الدوام مايرفضون يعطوني كتاب حق المجلس الطبي؟؟

معشوقة حبيبتي وبجذي على طول عطوج اجازة والا ناطرة اللجنة الطبية؟

انابعد اليوم وديت التقرير الدوام و قعها المدير و عقب ودييتها المجلس الطبي و عطوني موعد 19/5 تخيلو واااااااااااايد