|
|
السلام عليكم
اسمحوا لي افضفض لكم واتمنى القى حل .. عندي 3 ثنتين بنات وولد وحامل .. يومياتي تعععب بشكل ماتتتصورون ودايم اتسائل كل الا عندهم اولاد كذا مو عايشين حياتهم ويومهم كله نكد وقهر ورفع ضغط. ؟ بنتي الكبيره عنرها 12 سنه دااايم هواش مع بنتي. 8سنوات وكل وحده فيها سلبيات مو عارفه كيف اعدل سلبياتهم حاولت اقربهم من بعض ماافيه كل وحه ولها اسلوب يقههر ويومي اغلبه في هواش معاهم كل شوي ويتهاوشون ويطاقققون وبس يجون لي يتشكون بنتي الا عمرها. 8 سنوات متعبتني هذي سبحان الله من صغرها متعبببه جدا حركيه ومشاااغبه ومتهوووره وتعاند والا براسها يمشي ابوها دلعها كثييروكان مايرضى عليها الحين طفففش خلاص صار حتى هو يعصب طبعا هي تطق وترفع صوتها علينا وتتلفظ الفاظ مو زينه ،،ولدي الصغير سنتين ونص صار ياخذ تصرفات اخته يعني انا وش اصلح اصلا وكل واحد ياخذ من الثاني. ؟ولدي يطق وحتى انا يطقني ويعفس شعري يعني جالسه ماشوفه فجأه الا طقني ويعفس شعري ويشيل الشباصه وتصرفات كثيييره ترفع الضغط اعصب عليه مايفيد كلام الطيب مايفيد اضطر اطقه يضحك ..�� تعبببت والا صار اعظم من كذا مابيكيفي اكتب تفاصيل اسلوبي ماطق اصلا احاول اتكلم اتناقش افهم ..اخاف ان اسلوبي يعقدهم او يسبب مشاكل في نفسياتهم نادرا ما اطق ..اكثر شي متعبني بنتي. 8 سنوات كلما تكبر مخها يصغر والله مو طبيعيه اذا طلعت تفشلني من حوستها وكل شي تبيه اي شي تشوفه تصيح وتصر الا تبيه ودايم تكشر وتعصب وتصارخ وتاكل طووول يومها كل شوي تبي اسوي لها اكل وارفض طبعا تروح تدور والحين وزنها زاااايد .. يومي متعب جدددا معاهم والله مااارتاح يومي كله معصبه وانا حامل بعد معقول كل العالم الا عندهم اولاد كذا ؟؟!! نفسيتي تعباااانه ولا عندي متنفس يعني اذا بطلع اغير جو اضطر اخذهم ويجننووووني في السياره هواش وصريخ والا لعب بصوت عاالي وبدفاااشه حتى لعبهم فيه طق وصوت عالي وينتهي بزعل .. واذا بتسوق ماعرف منهم ولدي بعد صار يهذر بكثثثره مايسكت ويصر الا يبي لعبه مثلا او اي شي ..ولا يرضى يجلس بالعربيه ..والله اطلع اتسوق لاني استمتع سابقا بالتسوق الا اشوف نفسي الحين مرتفع ضغطي اطلع واتعذب معاهم .. وانا عندي شغاله لكن ماعطيها مسؤولية اولادي ابدا ولا انا من النوع الا اعتمد على شغاله ابدا .. بناتي حتى وقت نومنا تخيلوا كل شوي ويطقون الباب علينا عشان نحل مشاكلهم كل شوي يتهاوشون ويجون يطقون الباب حتى النوم مانام الا بقهر .. اما زوجي فهو طففش منهم وهو اغلب يومهم بره مشغوول ولما يجي يعصب من الوضع الا شايفنه علاقتي معاه للاسوء والسبب اولادي ..صار يتضايق ويتضجر لما يجلس ويشوف مشاكلهم ولا دقيقه فيه رااحه ..والا هدوء.. لما يطلع معانا يعصب مررره ويصارخ ويهدد ان ماعاد يطلع وان حياه تقصر العمر وبالفعل اغلب طلعاتي من دونه صرت افتقد وجوده ويزيدني ضغط ويحملني اكثر مسؤليات ������ انا بكبري يكفي الا فيني محتاجه وجوده ويسمعني ويساعدني الا بالعكس صار لما يجي البيت يعصب ويعفس وجهه ويظل يصارخ ويجمعني معاهم انه زهقااان ومضغوط من العمل ويجي ويشوفهم كذا ؟ انا اتضايق مره من ردة فعله محتاجه يحس فيني وهو يبي احس فيه ولا عارفه شنو اسوي .. صرت احس لحالي بمسؤلياتهم وانا رومانسيه واحب اعيش العاطفه والهدوء والا صاير غيييير .. اولادي كيف اسيطر عليهم مو عاارفه لاسيما بنتي الا عمرها 8 متعبتني بتصرفاتها ماينفع معاها طيب ولا عصبيه اصلا هي مشااغبه جددا ماتقدر ماتحن والا تطلب والا تعاند .. بنتي الكبيره كان ينفع شوي معاها الكلام تحس شوي انا الثانيه مستحيييل حتى لما اروح بيت اهلي او اهل زوجي تجنني كل شوي تبي تطلع الشارع حتى هم يزهقوون وهم يشوفونها كيف هي الوحيده من بين الاطفال كذا ماااتقعد كل شوي تبي تطلع ومل شوي تبي تاكل ماااتوقف لا عن اكل ولا عن حوستها. .. انا في معانااااه من اولادي وزوجي الا صرنا بعاد عن بعض .. ����
طولي بالج ولاتهملين نفسج واخذي الامور بالهداوه
وخلي ابوهم. يتعامل معاهم الاب تبقى له هيبه
وهي طبيعي جداً تغار من اختها ام ٨ لان اتوقع تحس انكم تسمعون لها وطلباتها مُجابه
عززي شخصية ام ١٢ ولا تخلينها شكايه ، حاولي فيها ان هي الكبيره و مو كل شوي تتضارب مع اختها وان اختها جاهل وهي فاهمه وعاقله
ام ٨ سنوات ماراح ينفع معاها ضرب ولا صراخ
الحل الوحيد هو انج تعاقبينها بـ حرمان من شي تحبه راح تبكي مره ومرتين وتسبب ازعاج بس انتي طنشي لا ترضخين لها ونفذي العقاب
وبالسوق او بالجمعيه اذا اصرت ع شي وقامت تصارخ وتبكي وتسحب الاغراض مثلاً طنشي اعتبريها مو معاج ، هذي كلها اساليب منها عشان تلبين رغباتها انتي كملي تسوّق وخلي عينج عليها من بعيد وهي راح تخاف وتجي لعندج و بالبيت عاقبيها
بعدين حاولي ما يقعدون مع بعض اغلب الوقت افصلي بينهم ، اشغلي الكبيره بشي والصغيره خليها تلهى بشي ثاني
وشغله ثانيه خلي الخدامه تساعدج في الولد الصغير والبنت ام ٨ ترى عادي !
انا ما قلت تربيهم بس ع الاقل تصد فيهم و ما يسببون قلق ، بعدين انتي وراج ولاده وبيبي جديد لازم تتداركين الامر وتمشينهم ع نظام معيّن ولا ترى راح تسوء الحاله وتبدا الغيره
وابوهم لازم تكون له كلمه عليهم ع الاقل يخافون منه ويحترمون وجوده ، مو بس يدخل يعفس وجهه ويطلع :@
وبعدين كلها كم اسبوع ويداومون الكبار وان شاءالله يخف الضغط عليج وتعيشين هدوءج ورومانسيتج 
كثرت الضغط من مشاكل العيال
تسبب فجوه بينج وبين الزوج
لانج طول اليوم منزعجه وتعبانه
وماعندج حل او متنفس
بالضبط نفس حالتي
لكن مع فرق الاعمار
عندي بنتي عمرها سبع سنوات عنيده وجريئه وماتخاف ووووو
وانا مااحب الطق
وطول اليوم تتسبب بمشاكل مع خواتها
وباب غرفتي طول الليل يطقونه لعرض الشكاوي
لدرجه اقعد ابجي من الضيقه منهم
واقول هل انا حساسه والا باقي الحريم قاسيات
الله يعين
وبعدين ماشالله في فرق بينهم !!! يعني كان يمديج تربينهم عندج فرصه اربع سنين بين الأولي والثانيه !يعني مانقول يايبتهم ورأ بعض وتعبانه مافي وقت للتربيه
والأخير لاعب بحسبتج بعد يااااهل بو سنتين !
يا حبيبتي آنتي شكلج بارده كوني ام حازمه وصارمه معاهم العيال يبيلهم جهد وتعب للتربيه ولا مابتاخذين خيرهم وبرهم لما يكبرون
اللي عليج انج تعدلين من نظامهم بالبيت وقت أكلهم ونومهم ودراستهم بالأول تخلين للبيت نظام معين يعتادون عليه ! خصوصا عندج شغاله تساعدج
عشان انتي ترتاحين وريلج يرتاح
وبنتج الكبيرة عطيها مسؤليه خوانها خليها تحس بالمسؤليه اشويه موعيب
والله يعينج
اللي اقدر اساعدج فيه واللي خلاني انا بعد اقدر اسيطر على الوضع مع عيالي اهو الدكتور ابراهيم الخليفي حاولي تتواصلين معاه
انا متاكده راح يساعدج وترتاحيم واهو دايما يعطي محاضرات ممكن تحضرين وحده منهم وتشوفين الوضع وجيكي بعد اليوتيوب
شوفي مقابلاته بس ضروووووري حلي الموضوع قبل الولاده بعد الولاده بيصير الوضع اصعب وانا حاسه فيج مريت بهشغله مع
ولدي والحين اهو الحمدلله عمره 12 سنه ومن احسن اولادي الحمدلله رب العالمين
حبيبتي
الزواج مو احمل واولد فقط
العيال = تربيه
التربيه تنكتب قبل التعليم
لانهم يتغذون التربيه من البيت ٥ سنوات اولا
وتالي التعليم
نرجع لمشكلتج
اولادك عارفين نقطه ضعفك
فالواجب يعرفون ان البيت في نظام وقوانين ومواعيد نوم للراحه
بالاضافه الى قانون مهم عندي وهو اذا الاب موجود ينجعمون بالكويتي اي يخرسون بالمصري
ام ٨ سنوات غصبن عليها تحترم اختها الكبيره حتى لو الكبيره غلطانه
الصغير يوم يمد يده على امه اضربه عشان يعرف انه هالسلوك خاطيء وعيب
المشكله مش بالعيال يا ماما المشكله بامهم ما تعرف تربي
راجعي اسلوبك وحاولي تغيرين نظامك
فوفو
ما أبي أقسى عليج ، بس أنا هم عيالي مزعجين بس مو لهدرجة ، بعدين أنا نفس شادن شايفة أنه في فرق بين عيالج يعني الكبيرة والوسط بينهم ٤ سنوات والوسطى والصغير تقريبا ٦ سنين يعني تقريبا دخلت المدرسة ، أتوقع أن شخصيتج ضعيفة شوي معاهم ، عيالنا الفرق بينهم ما يتعدى السنتين ولا يصير كل هذا ، فعلا لازم يصير في نظام نوم بوقت وقومة بوقت على الأقل ترتاحين شوي وبعدين الكبيرة فعلا لازم تصادقينها وتحملينها مسؤولية أخوها الصغير وخلي الخدامة تساعدج عادي لو بأشياء بسيطة ، وبعدين الأب لازم يكون له هيبة ويكون له دور ولما يجي حاولي يكون لج وقت معاه مو من كثر عيالج الكبيرة بدارها والوسطية تقعد تلعب والصغير يا نايم أو مع الخدامة لو وقت بسيط ، اذا الرجال ما لقى راحته في بيته وين يلقاها ، نظمي أمورك وقسي قلبج شوي مع الوسطي ما أقصد ضرب أقصد عقاب وراح تمشي أمورج ، والله يهون عليج ويصلح حالج.
بالنسبه اني اكون حازمه فانا اعلمهم واتكلم معاهم لكن مو اسلوبي الطق ولا احسه بيجيب نتيجه ،،زوجي اوقات يطق لاسيما الكبيره واحسها كثيير تأثرت من هالشي ..شنو الحزم الا تقصدونه ؟ اذا انا أأمر عليهم واتكلم لهم ولا يسمعوون لاسيما بنتي ٨ سنوات جدا متعبه ولا تسمع وابوها مدلعها مرره ولا يرضى عليها وهو اغلب وقته بره يعني مو متأذي كثري ولما بس يسمع منها اني في يوم طيقتها يعصصصصب .. الكبيره مثل ماقلت لكم مقدور عليها لكن اختها صعبببببه جدا والا مصعب زياده اسلوب ابوها .. بنتي هذي حتى بالطيب مااتجي ولا يأثر فيها واذا عصبت تصيح وتهدد بابوها وتروح فعلا تتتصل كل شوي وهو في شغله ويجي ويعصب علي .. ولدي دااايم يزعل يعني يطق واذا طقيته يضحك وكلما اطقه يضحك بالله اذبحه يعني ؟ شنو تقصدون اكون حااازمه ؟ انا حتى الحزم والشده مو نافع .. وش معنى الكبيره ممكن يفيد لكن بسبب اختها يتهاوشون يعني بنتي الكبيره من صغرها كانت هينه حتى قبل لا اجيب عليها كان كل شي تمام حتى اطلع معاها ومع زوجي من غير مشاكل كوفيهات مطاعم اسواق كانت تسمعني صارت مشاكل منها من جبت بنتي الثانيه وسبحان الله هي بكبرها مو راااكده والله من صغرها كانت مشاغبه بدايه كنت مانام منها كله تصيييح الى ان كبرت صارت تراكض في اي مكان تهرب ولو تشوف بحر عادي بترمي نفسها ودايم تهرب ولا تخاف ..الى الان كبرت ومتعبتني حتى في دراستها مو شاطره ومدرساتها يتشكون دايم تحووس وتبي تاكل حتى اثناء الدرس ولا تركز تفكيرها كله لعب وحووسه ..شنو اسوي يعني ؟ انا اتخذت كل الاسالب الا اقدر عليها والا قريت عنها في كتب عندي .. مافاد معها شي لا طيب ولا حزم ..
ذكرتني بخالتي اعيالها واحد يتهاوش واحد يحن واحد يا طالع
يا داخل من بيت اهله لبيت أهلها وصغار ورا بعض جابتهم يبيلهم
مقابل واهتمام ومذاكرة الله يعينكم يالمتزوجات
والبنت لازم تادبينها اذا ماقدرتي عليها من الحين متى بتقدرين عليها !!!!