زوجي مايسولف مثل باقي الرجال. استفسار بليزز

مساكم حب من الله يجمعنا ع الخير

وش اخباركم خواتي

بدخل بالموضوع

انا لما اطلع مع زوجي مطعم او بر او بحر او حتى فراره بالسياره زوجي مايسولف مثل بعض الرجال

كله ساكت بس يطالع يتامل. كانه اول مره يطلع ههههههههه

احيانا اتضايق من سكوته ابيه يسولف معي يضحك لازم انا اسولف وهو يرد علي وبس

مره طلعت انا وزوجي وزوج اخته واخته معنا والله العظيم ان زوج اخته واخته ماغير ضحك ووساعة صدر وغشمره وتسيسر وحركات ويدها مايفك منها. زوجي عكسه تمام. حسيت بضيقه وجلست اصيح حسيت بقهر ليش هو مو حركي

وقبل يومين رحنا البحر وكانوا جنبنا رجال وزوجته ماشاء الله عليهم الضحك والتلملم. ولا كان احنا موجودين حتى التبوس ويصورون وضحك وجلسها على رجوله عادي عندهم الوضع كانهم في البيت

حسيت بقهر ابي ؤزوجي يسوي لي مثلهم بس مو جنب الناس لا ابي احس انه يحبني ابي احساس بس والله تعبت ماصار لنا متزوجين سنتين بس

حتى ماعمره اهداني هديه او ورده مل الناس ولا مره بحياته عطاني شي

انا اهديه وهو ميت مايحس

مادري بخيل مادري مايعرف يهدي مادري عنه بس هالشي مضايقني

قولول لي وشلون اتعامل معاه

اي شي يطلب مني اسويه ومو مقصره معاه البس واكشخ واطبخ وشقتي نظيفه عكس اخته ماتلبس ولا شي ماغير جالسه بقميصها بس مادري ليش زوجها غير عن زوجي شايلها شيل سفر وحركات وكل شي يشتري لها

احس بقهرر والله

مجرد فضفضه واذا عندكم حل عطوني

عندي وعندج خيرر
نفس حالتج مايسولف ولا شيء. بس انــٌٌـا اللي أقرق. وإذا سولفت معه يقول كلمه كلمتين وسكت
بس مع الريائيل يسولف عادي و البي بي أربع وعشرين ساعه عليه.
وإذا قتله سولف معي قال ماعندي سؤالف أصلا هو كلش كلش كلامه قليل. لاكلاك حلو ولاشوالف ولأهم يحزنووون آلـْلہْ يصبرني عليه.
ويصبرك ‏?بـ?ـد

اللي عندها حل تعطينا. ولاتقولون سولفي بالاشياء إلي أهو يحبها. ‏??لَاٍْ ني ماخليت سي إلا وقلته. بس علئ فكره مو لاازم نسؤوؤولف ذااائم يعني. بس حلو الواحد يسولف مع زوجته. مو إذا جاء عندها انطرم

هههههه شكلج قاريه موضوعي عن ابو الهووول

بس انتي اذا دورتي نوعيه المواضيع اللي يحبها ريلج من صج بيسولف وعاد انتي دخلي السالفه اللي تبينها في
وسط السوااالف مجربه

احمدو ربكم على النعمه
انا يسولف معاي سب وكلام موحلو

آلله يعينج

هو اللي مايسولف عندج وعند غيرج عادي بس القهر لما تشوفينه مع الناس يهذر چنه بالع راديووو والذرابه بس لما يشوف وجهج ينطرم چنة مكتوب علي جبهتج ممنوع الكلام 

المسألة مو مسألة جمال ولا ان اخت زوجج مهملة ومو مهتمة بنفسها ..
كل هذا يعتمد على شخصيتج انتي ..

ما بتفلسف عليج اني آنا اللي سعيدة بحياتي وريلي يسولف بدون ما يمل
اقولج اياها بصراحة آنا عانيت وايد ..
واحيانا بمزاجيتي هم أعاني ..

نصيحة خلج ذكية واستغلي شنو اهتمامات زوجج ..
شنو يحب وكلميه عن هالشي ..

مثال انا زوجي من اهتماماته السيايير وتزويدها وهالسوالف
وانا كلش مالي بالسيايير ..
واحيانا ما تعجبني هالسوالف كلش ..
بس اجبر نفسي احب اشياء اهو يحبها ..
اقعد اسأله عنها واقول وريني هالشي وشنو هالشي واهو يتحمس وبيقعد يهذر على راسي لين باجر لو بغيت ..

اما من ناحية الرومانسية ..
انتي بادري .. قولي له كلمة حلوة امسكي ايده زوجج هذا حلالج ..
وبما ان لكم سنتين يعني قاطين الميانة
يمكن يستنكر قولي زوجي وحلالي
يمكن يتحلطم ..
بس اذا شفتيه ما بوز معناته عاجبه بس يكابر

ماقدر احكم على شخصية زوجج بس يمكن اهو ينطر منج مبادرة عشان يبادر ويكون رومانسي

وبعدين شي ثاني يمكن اهو طبيعته جي وهالشي معناته اهو راضي بحياته جذي اذا مو مقصر بالطلعات والوناسة

حاولي تسولفين باشياء يحبها

طنشيه وراح تلقينه يمشي وراج

ابحثي في قوقل عن مقاطع فديو لطارق الحبيب وبتجدين الحل وتضحكين على نفسك

اغلب الرياجيل جذي ..!

مو شرط يسولف انتي اسحبي منه السوالف سولفي اضحكي .. امسكي ايده .. الرجال طبعه ثقيل
وما يحب كثرة السوالف . ولا قلتي سالفه خليها تكون مفيده وحلوه .

مو لازم تسولفين عن فلانه وفلان سولفي عن نفسج عن اي سالفه تضحك وتونسه ..

بجذي راح يحب السوالف .. على شوي شوي

رفع

حبيبتي. هو. بس. ساكت. معاج. يعني. يسولف. مع. ربعه. وأهله. ولا. يسكت. مع. الكل

انا عرسي بعد شهر وافكر شلون بعيش معاه
ماوراه الا انا الذرب وانا الكشخه واهلي جذي وجذاك واهو واهله يمشون جنب الذرابه ولا يعرفونها
احمدي ربج عندج واحد هادي موو غثيث مرات اتهاوش معاه من ولا شي بس بفتك من قرقته كم يوم

وانا مع البنات بادري بالسوالف وبالحركات ترا مو عيب ولاحرام اذا تميتي ساكته يمكن تنفجرين من ولا شي اوو بتصير حياتكم ممله من دوون اكشن
طرشيله مسجات سولفي معاه بالوات لوو اهوو جنبج قولي بقعد بالغرفه وانت بالصاله وخ نسولف بالوات ووعد ماازعل من مصارحتك وانت اوعدني ماتزعل
اخذت مره بنصيحة فوزيه الدريع لما قالت اكتبي مميزاته وعيوبه وخليه يكتب مميزاتج وعيوبج وتناقشوا سويها يمكن تكون حل

بالتوفيييق حياتي