هدية العيد لخالتج ؟؟؟

شلونكم حبايبي؟؟

انا متزوجه صار لي 10 شهور !!

انا مره قرريت بالمنتدي ان في جناين يهدون خالاتهم بالعيد وبرمضان ودي بصراحه اجيب لها هديه اهي وعمي بس بعرف هالشي الكل يسويه يعني معروفه !!

اخاف اعطيها اتفشل واتحسف بعدها او اسمع كلام مايعجبني ..
شرايكم

وشنو تجيبون لخالاتكم ولعمكم انتو ؟؟؟

انا عن نفسي ما اهدي خالتي شي لانه خالتي ما يعجبها العجب ولا صيام برجب فخليني بعييد مو زين اطيح بلسانها للحين وانا بعيد ما سلمت منها
بس اذا حابه تهدينهم كيفج

مادري بس انا هديتها بالقرقيعان, مو كل مناسبه بنقعد نهدي …بعدين حتى لو ماهديتيها اكيد بتعذرج عساس انتي توج عروس ويديده عليهم فماتعرفين نضامهم, و اخذي رااي زوجج يمكن يقولج اي لازم او يمكن يقولج لا شكو ماله داعي

لا انا ما اعطيها كافي المناسبات كل شهر اشكثرها تخلص معاشاتنه اول باول

امحق .. قال الرسول عليه الصلاة والسلام (( تهادو تحابو)) الهديه رمز محبه والا ماهي ميته على هدايانا لكن كتقدير وعشان نبين اننا ما نسيناها لازم نذكرها بأي هديه حلوه تفرحها .. وبعض البنات اللي تقول خاف اطيح بلسانها… ماعليج منها اذا هي من النوع العصبي كافي انج ذكرتيها ممكن هالهديه تمتص العصبيه وتطيح زعل او شي..

والله ما كثر الهدايا ,..بس الافضل تمسكين ظرف تحطين لها عيديه وتعطنيها ..

اب اب ،،،

امممممم

الصراحة ما أعطيها مو لانها مو زينه لاوالله حشا خوش مره الله يحفظها

بس بنظري كافي لمن أسافر ايب لها صوغه ولمن تعينت شريت طقم استكانات هديه لها عطيتنا اول رمضان

ما احس مهم بكل مناسبه اوزع الواحد عنده التزامات بي فترة وفترة ميخالف بس مو دائماً و بشكل دوري صعبه الصراحه

هذا راي وشكرا لحسن متابعتكم لوول قرقرت

السلام

ما فيها شيء تقدمي لها هدية بالعكس شيء طيب
إذا حابة تهديها هدية خذي لها ساعة فخمة خليها تكشخ فيها ههههـ
انا ناوية اخذ إلى أمي و أم زوجي ساعات

انا بالعادة اييب لها اول رمضان

بالعيد ما اعطيها لان زوجي يعايدها فأحس كافي

لكن هالسنة ما عطيتها شي اول رمضان ، علشان جذي نوويت اعطيها بالعيد ان شالله

طقم ثوب صلاة مع معطر ملابس ،

واهديها هذا دليل كرمج وطيبتج

والله أنا اشوف مرت اخوي

كل مرة تجيب لأمي شئ

في رمضان جابت لها سجادة صلاة ودراعة

وللعيد سوت لها مضاعد فضه مع خاتمهم وركبت لونهم على دراعة العيد

شغلات بسيطة بس تفرح الخالات عاد سبحان الله من بد حريم خواني هذي غير

وأنا للأسف ماعندي خالة الله يرحمها
فجبت الهدية لأمي خام وقلت خيطيه على مزاجج

أنت جيبي لها شئ تعيد فيه قولي هدية العيد أما خام أو عطر وعمج جيبي له عود

وترى عادي راح يفرحون بها حتى لو بسيطة يمكن ماذكركهم إلا أنتي

انا براي الهديه تسوي اشيااااء وايد والواحد مايعلم شنو بالانفس يعني يمكن خالتج حبوبه وخوش مره بس هم ماتدرين يمكن في نفسها شي… وساكته ..
لاتنسين قول الرسول عليه الصلاة والسلام تهادوا تحابوا
ولو كنت بمكانج راح اسوييه وانا مغمضه… اممم اخذيلها بخور منها شي حلو ولا تخبين نفسج…اغلب العرايس جذي بدايتها ببخور ..
او اخذي من محلات البخور صندوق بخور وعود بما انا مقبلين عالشتا…
واسمحيلي طولت ادري قرقت وايد

انا بصرااحه للعيد ايب حلو غااالي للبيت اسلمه بليله العيد> والعيديه من ريلي>> بس انااا اهديهاا بكل مناااسبه واحبهااا وااايد >>بس امي احب اعطيهاا فلوس بلعيد مع الحلو>>

انا اهدي خالتي بمناسبه او بدون لانها بحسبه امي

و بالعيد طبعا احسب احسابها بالعيدية

و هي تاج على راسي الله يخليها لي و لعيالها

تهادوا تحابوا

ليش لأ

بس ترى هالشي مو متعارف عليه يعني اذا ماجبتيلها هديه ماراح تنقد عليج

الا اذا عاداتهم وتقاليدهم جذي والله مادري

بالنسبه لنا ماعندنا هالسوالف والهديه ممكن تكون بأي وقت مو شرط برمضان او العيد

انا اعطيها بعيدميلادها و عيد الام و صوغه لما اسافر بس