حبيبي تغير بعد الزواج شنو الحل؟؟

السلام عليكم ورحمة الله وبركااته

شلوونكم كويتياات يا عسل

الموضووع ومافيه بحااول اكتبه كثر ما اقدر على لسان صااحبته وادري انه الموضووع وااايد يعاانون منه خصووصا البنات الي متزوجين بعد قصة حب او حتى الي انصدمو من ريااييلهم بعد .. بالملجة غيير وبعد الزوااج غير ..

تقول :

انا تزوجت حبيبتي بعد قصة حب استمرت سنين كنا فيها نعيش احلى قصة حب اخااف اتكلم عن تفااصيلها حتى لاقرب صدييقاتي تصيبني العين وكان حبيبي معاي ارق من الرقه وكلاامه لي مثل العسل كله يبي يكون معاي وكله يحب يسمع سوالفي ويوعدني بان حياتي معااه راح تكون احلى من الشهد راح خليني اسعد انساانه بالكون
كان لما يطلع معاي يلبس احلى لبس ويتعطر باحلى العطور وانفااسه ريحتها احلى من البخور وكان وكان وكان و و و …

بعد ما تزوجنا وحملت بفترة قصيرة وتعمقنا بالحياة الزوجية والمسؤولياات وخصوصا مع الطفل الثاني صارت الخصوصية بينا صعبه … والحوارااات كلها عن البيت والعياال والخدم .. مافي رومانسية ولا في حمييميه … خذيته وانا يااهل وبعد 5 سنين اكتشفت اني لي الحين يااهل ماشفت شي من الدنيا غير المسؤولياات الي فوق طاقتي وابي اعيش حيااتي واستمتع بكل مافيها

فاقدة الشعوور باني حبيبه واني احب … ابي اعيد هالمشاااعر بيني وبين زوجي

مابي افكر ان الشي الي فااقدته مع زووجي ادور عليه مع شخص ثااني

مابي تصر حياتي الزوجية روتينيه وعااطفتنا جافة موتتها الاياام والعشرة

ابي انعش عااطفته ناحيتي .. ابي يحبني نفس قبل الزوااج

مع ان يقولي انا احبج الحين اكثر من قبل … بس الحين مافي كلاام حلو ولا افعاال تدل على الحب الا ناادر

انا اجتهد واايد اني اغير من نفسي واكسر روتين حيااتنا واجدد في شكلي وحتى في حيااتنا الجنسية

واهو لا حياة لمن تنادي مع العلم ان في فرق بالسن 15 سنه بينا وانا في عز شبابي واهو شبع من حياة الشباب والغزل وتجارب جديده في الدنيا ..

في حل ؟؟؟

بنات الموضووع مو منقوول اجتهااد شخصي كتبته وحاولت كثر ما اقدر اعبرعن مشكلة وحدة سمعتها منها وياريت القى حل لها عندكم من خلال تجااركم وافكااركم النيره ….

والله اذا اهيا جربت كل شي و حاولت تغير و تجدد وماكو فايده شنو ممكن نقول لها بعد؟؟
وبعدين اهيا ليش متوتره و حاسه بقلق
مدام على قولتها زوجها يحبها وهي تحبه وين المشكله
اهيا الحين مسئوله عن بيت وعيال و زوج
وماعادت ذيك المراهقه الي اكبر مسئولياتها تلفونها الي معلق باذنها 24 ساعه
انا اشوف انها محتاجه تنضج شوي وتترك عنها سوالف المراهقه اللي مالها معنى
ومدام زوجها يحبها خل تحمد ربها على النعمه
خل اتفانى في خدمته و اسعاده و خدمة بيتها و عيالها
وعسى الله يوفقها ويوفقنا جميعا

اتا مع كلام المهره ومشكوره

اولا شكله اهو خلاص مو هامه التجديد ولا التغير اذا اهي قاعده تسوي كل هذا وعادي عنده وفي شغله يمكن اهي خلت نفسها فتره كبيره قبل لا تستوعب انه لازم تعطيه من وقتها اكثر عشان جذي تعود
هذا رايي
والحل انه لازم تكسر الروتين بشغله اهي معاه بس اتسويه يعني مثلا سفره لو اسبوع اهي معاه بس من غير البيبي واتشوف اشلون راح يتغير لانه الريال لو شنو كان يبي فتره راحه

تسلمين سيده برتقاله

كفيتي ووفيتي بالضبط كلامج نفس الي بقوله

الي عليها الحين انها تخلي اولويات ريلها قبل عيالهاا ,,
يعني كلنا عندنا عيال وبيت ومسؤوليه بس هم ما يمنع انه نركز بالزوج اكثر شي ,
ختحاول كثر ما تقدر توفر وقت لزوجها وتقعد معاه وتنسى المسؤوليات ,

انا اقول لو تخليه يشتاقلها وايد احسن ،،

خل تحاول تلهى عنه شوي مو وايد دبنيتها الثانيه و تطلع مع رفيجتها و تغير من مواضيعها ،، شنو ماكو سالفه غير البيت و العيال ،،

خل تكون مفرفشه اكثر و تغير من اسلوبها من من شكلها ،،

تسولف بالاشياء اللي يحبها الريال مو بسوالف الحريم مع ريلها ،،

تغيير الشكل مو بالضروره يخلي الريال يركض وراها و يعيد ايام الحب نفس اول ،،

خل تغير حتى اسلوبها معاه ،، و الله يوفقها

هذي الحياة سواء معاه او مع غيره
كلها تعب وشقا

شوفي حبيبتي قبل الزواج الحب دايم كلام ورومانسيه لان بس هذا اللي يقدر يسويه
لكن بعد الزواج اتشوفين حبج بقلبه فعل اتحسين افعاله اتبين انه يحبج الرجال جذي دايم حبه فعل بس احنا نبي الكلام الحلو والرومنسيات
لكن الرياجيل الكلام الحلو يقدرون يقولونه لاي وحده لكن الفعل بالحب لحبيبته وبس
بنات افهمو الحب مو احبج واموت افيج
الحب لما تشوفينه يربي عيالج يحبهم يهتم فيج يوديج يجيبج يصرف عليج يطلعكم يونسكم انتي وعياله تشوفين حياته كلها انتي وعياله هذا هو الحب كافي بس لما تشوفين الانسان اللي كان حبيبج يشيل بنتج او ولدج ويبوسهم ومتشفق عليهم ويخاف عليهم اكثر من نفسه وصدقيني هي مبالغه في الموضووووع حيييييييل واحنا يالبنات نوعيتنا حيل نبالغ في هالامور لو نخلي الحياة تمشي وسهالات جان ارتحنا

عدل كلام معرره وياها

حبيبتي كلهم جذي هم انا تزوجت عن حب وهيام وعشق وجنون
والحين خلاص في مسؤوليات اهم من هذا كله طبعاا في رومانسيه بس اخف وايد من قبل الزواج خوو الزواج مو كل يوم فيه حلو وعسل في ايام حلوه وايام مره والواحد ينشغل والريال مسكين يفكر شلون يأمن مستقبل عياله والمرا نفس الشي بس هذا ما يمنع انه الحب ما زال موجود

مشكورين بناات كلكم كلاامكم على رااسي

انا مقتنعه 100% ان مافي شي مستحيل

والانساان ممكن يتغير سوااء للافضل او للاسوأ

والدليل قـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

والبنت اكتشفت ان الحياة الي عاايشتها مو عااجبتها وقاعدة تحاول انها تعدلها وتحسنها للافضل علشاان تكون مرتاحه نفسيا

القبول بالوااقع من وجهة نظري مو اهو الحل حتى لو كان جيد ليش ما تجتهد علشان يكون ممتاز والله يقدرها يارب

فانا ابي منكم بلييز اشيااء فعلية ممكن تسويها اي تجربة مريتو فيها حسيتو انها بينت حب الطرف الثااني او تغير وقاام يعبر ..

انا قلتلها كل الكلام الي قلتووه حتى من قبل لا انزل الموضوع بس المطلووب اكثر من الكلاام ..مواقف او حركاات

شراايكم .. كلاامي في شي غلط ؟؟

[IMG][/IMG]

امبييي والله عوووووورت قلبي

ترا البنت ما تنلام تحبه فشي طبيعي اذا قل اهتمامه فيها تتأزم

وااي انا انصحها تقراا مواضيع ناعمه الهااشمي خل تكتب بقوووقل اسمها

و بتطلع لعا مقالاات و سايت ناعمه ترا واااااااااااايد بفيدها ان شااءالله

لأنها متخصصه بالرجال و الزوااج و اعرف واايد بنات شخصيا استفاادو بفضل الله

من اراائها و ترا اهياا متخصصه يعني مو وحده قاعده تفتي على كيفهاا..

انصحج تقوليلها عنها انا رفيجتي اللي حييل معااي جذي صااار

في فتووور قوووي بينها وبين زووجها و لما التزمت بكلام نااعمه

حدهاااااااااااا سعيده و مرتاااحه و مضبطه اموورها

الله يووووووووووفقها و خل تكثر استغفااار و دعاااء ان الله يصلح احوالها و زوااجها

ياارب