|
|
انا مضايقه حيل حيل حيل
انا عاشه بضياع نفسي وحاسه بحزن دايم
انا بنت ملجه ولليوم ماتحدد عرسي بس شكله قريب
وانا صارلي فتره أكلم واحد بس قبل لا املج ومازلت اكلمه وانا احبه ما احب الشخص اللي انا برقيته ما ابيه
وبنفس الوقت حاسه باني انسانه مو زينه لاني اكلم واحد متزوج وما خذته عن زوجته وبيته ساعات احط نفس مكانها اموت من القهر مع العلم انها تدري ان زوجها يكلم بنت بس عادي عايشه معاه بصمت
وانا حاااسه بذنب ماني مرتاحه وطلبت منه كذا مره يتركني يقولي انا ما ابيها ابيج انتي مع العلم مستحيل ارتبط فيه لاننا من عوائل ماتاخذ من غيرها ومع هذا متمسك فيني ومحسسني باني كل شي بحياته
بنات شنو اسوي شلون انهي الموضوع وكل طرف يترك الثاني بدون زعل ورضا تكفووون بنات انتو اكبر من واكيد بتفيدوني لاني تعبانه نفسيا وما ابي العلاقه هذي تاثر على نفسيتي اكثر
تعبت ارجوووكم بنات ساعدوني
بس لا تفكرين فيه اهو فكري بربج باجر اشلون ربي يووفقج
ماادري هديية احسن لج
وترى يعني ماراح ينفعج انتي ورااج زواج انشالله
هدية احسن
وانشالله البنات يفيدونج
وبعدين شلون تكلمين واحد حتى لو ماكنتى متزوجة
الوحدة لازم يكون عندها احترام لنفسها وسمعتها ماتدرين شنو يسوي فيج بعدين
وانتى لو كنتى مكاتها راح تقومين الدنيا وتقعدينها صح والا لا
يبة غيري رقمج وانسي هالرجال وخلية مع مرتة وعيالة شنو لج بدوخة الراس وعذاب الضمير
وترا الدنيا دوارة
بس ماراح اقول غير
حسبي الله ونعم الوكيــــل على كل بنت تكلم متزوج ((سواء من ورا زوجته او جدامها))
الله يعينج
ومراح ينفعج الا زوجج ولا تعيشين عالم الاحلام
الي اتسوينه غلط واكبر غلط
لا تظلمين زوجج وتظلمين نفسج
كثري من الاستغفار وصلي ومع الايام صدقيني راح تكرهين هذاك
وصدقيني لو فيه ذرة مروءة ورجوله ما يكلم وحده واهو متزوج (والي مافيه خير لاهله مافي خير لناس وبناتهم)
والله يوووفقك
تتركينه اللي تكلمينه وخافي ربج ,, ولاتكونين طماعه وانانيه بس تحبين نفسج دام املجه خافي ربج باللي ماخذته ماترضين علي نفسج لاترضين علي غير ج.. كما تدين تدان نفس ماكلمتي واحد مزوج باجر بيجي من يسوي معاج هالحركه لما تزوجين
ماراح ترضين اللى يصير وربج ماراح يووووفقج بحياتج استغفري وتوبي اللحين المره اكيد تدعي عليج كل يووووم
وتحسب الله عليج ماتسوي عليج الدعاوي على علاقه نهايتها تعرفينها ماراح يتزووجج ولاراح يبقي وياج على طول اتركي الرجال بحاله وفكري بعمرج ومستقبلج لا الله يجيبلج واحد كل يوم يحرق قلبج مع وحده وانتى مابيدج شي
وكما تدين تدااان !! بتحبين ريلج و يحبج بس بتيي وحده تسوي نفس اللي سويتيه ببنت الناس و اذا مو اكثر !! انا اقول خافي الله واحساس الذنب موو كافي لازم يكون لج قرار علشان ربج اولا ونفسج ثانيا وريلج ثالثا
وزوجته المسكينه شدراج انها ساكته ؟ خو الريال المتزوج دايم يسوي افلام ويقنع حبيبته ان زوجته فيها وفيها وفيها !!
بس لا صارت الصجيه والله ماراح يلتفت لج ابدنصيحتي خافي الله وانتي على ذمة ريال
الله يهديج و يستر عليج
بنات انا ابيكم تنصحوني مو تدعون علي وتزفوني انا ماحسبت حساب اشياء واجد وهذا انا ندمانه والله العظيم ندمانه وابي حل يريحني
انتي !!! فكري بالذنب اللي قاعده اتسوينه وحطي الله بين اعيونج
الله يهديييج
بنات انا ابيكم تنصحوني مو تدعون علي وتزفوني انا ماحسبت حساب اشياء واجد وهذا انا ندمانه والله العظيم ندمانه وابي حل يريحني
انا محترمه نفسي عمري ما عطيته الضوء الاخضر وقلت له تعال نطلع ولا نروح لا علاقتنا محصوره بالتلفون بس