الزواج الثاني وزواج طليقج!!

السلام عليكم حبايبي

بنات بسالكم اللي تطلقت وتزوجت مرة ثانية تضلين تفكرين بالاولاني وخاصة اذا كنتي تحبينه؟؟؟؟

وشنو شعورج اذا طليقج تزوج وانتي دريتي؟؟؟؟

انا لما قالولي ان بتزوج من كثر الصدمة رحت طريج الشاليهات مو داله دربي

بس طلعت حركة بيستفزني فيها

مو مطلقه
بس راح اجاوب
آذآ كنت احب ريلي الاولاني أكيد بفكر فيه دايماا الا اذا هوو مايبيني فهذا شي ثاني
ببجي واااايد وبنقهر !! وبنصدم بنفس الوقت

دامه طلقني ليش اصلا افكر فيه او احترق عشانه قلعته تزوج او عساه ماتزوج بجهنم الحمرا مالي شغل فيه ولا اشغل تفكيري فيه اذا فعلا يحبني ليش يطلقنياو حتى يفكر يردني
هذي وجهة نظري

عدل كلامج

اذا كان يستاهل اكيد بموت من الحرررررررررره تاخذه وحده غيري
بس والله اذاكان اي شي عليها بالف عاااااافيه كافي اني عفته

مااااااااااااادري

ما ادري بس عساني ما اجرب يارب

الله لا ييب هاليوم والله يحفضلنا ريايلنا ويتمم علينا ويزيد محبتنا ويسخرلنا ياهم قولوا آمين
بالنسبه لسؤالج اكيد راح ابجي وراح انهار اذا كنت احبه بس بيني وبينج هم ما يسوى اسوي جذي دامه باعني بس الحب واويلاه منه
والله يعوضج حبيبتي

شكو افكر فيه
مالت عليه

اايدج والله بس جان زين اطبق

اي والله – مالت عليه

يمّاااااااي !!
الله لا يقوله عسى ربي ما يفرق بيني وبينه
واذا أحبّه بطب ساااااكتة وأموت !!

الي ايده بالنار مو مثل الي ايده بالماي

اكيد حبيبتي راح احتر حتى لو كنت متزوجه

هالانسان كان بيوم من الايام حلالي وانكشفت عليه وانكشف علي

وكانت بينا ايام حلوه وايام مره

انا للحين ماتزوجت ولاهو تزوج بس تقريبا كل شهرغاثيني بيخطب وبيخطب وخطب من البيت الفلاني

لدرجه مره بغيت ادعم وانا اسوق
تدرين شنو الي يحرني اكثر ان من بعدي اكيد بيتعدل حق غيري يعني كل شي كنت اتمناه واقوله سولي ياه راح يكون لغيري
موحسد لأ لكن صعبه تعيشين بعذاب مع هالانسان وبعدين
لغيرج يتسنع الي يذوق المر غير الي يسمع عنه

احنا بشر وفينا طبع الانانيه وماكو مره ماتغار جربي زوجج يربي قطوه ويهتم فيها والله راح تحترين منها

هذي طبيعه بالحريم

على طول ادعي ان ربي يمسح على قلبي ويبرد حرتي اذا تزوج

والله يوفقني ويوفقه ويوفقكم يااااااااااااااارب

88صاجه الحب اقشر الله يفك عوقج

الله يعيينا ويصبرنا والا اهم رياييل ياخذ بدال الوحدة 4 و لا هم ام عياله والا هاليهال المساكين