خايفه على ابوي شالحل؟

بناااااااااات .. أول شي شلونكم شخباركم .. بدش بالموضوع على طول .. احنا عندنا خدامه صغيره بالعشرينات هندية .. المهم انه هالخدامه ماشالله عليها مو مقصره بشي وتسوي كل شي بالبيت .. بس في مشكلة وحده محد حاس فيها الا آنا واختي الصغيره اللي بالابتدائي لوول .. انه لما امي تكون موجوده الخدامه تقعد بغرفتها أو المطبخ .. بس لما امي برا البيت وأبوي قاعد بالصالة أتيي الآنسه تفرش نفسها وتقعد عالأرض جدامه .. ياربي ماتسوي حركات ولا شي المشكلة بس تقعد .. وكل شوي تقول ه بابا يبي جاي يبي عشا ومادري شنو .. بس خل تشوف انه باب البيت تبطل وامي يت عى طول تنحااااش تروح المطبخ .. وكذا مره قلت حق امي ماما شوفي ترا الخدامه جذي جذي وأمي تقول لي لااا حراام مسكينه فقيره ويايه تشتغل وعلى نياتها .. وآنا ابوي مو من النوع اللي يطالع بنات وجذي مستحيل لانه بيصير عمره 50 الله يطول لنا بعمره انشالله .. بــس كل خوفي من هالخداامه آخ خ مادري شوراها !!!

يا معوده حطي السالفه براس امج لا تبلشكم بسحر الله يبعد عنكم الشر انا اخاف من الخدم

بالنسبة للخدامة قولولها انها تقعد بغرفتها أو المطبخ وما تيي إلا لما تنادونها, ما حب الحركات النص كم هذي ومالومج إذا شكيتي بالموضوع, انزين مافي مجال ان أحد ثاني عندكم يشوف هالخدامة شتسوي وأمكم مو موجودة؟ يا ربي ما حب سوالف الخدم صج شر لا بد منه

الله يكشف لكم نيتها ان شاء الله وان كانت شينة ما تطول منها شي

أول شي الله يجعل اللي ببالك من نصيبك

ثاني شي كلمي أمك مرة ثانية .. ولاشفتي الخدامة تسوي كذا هاااوشيهااا

أقسسم بالله أني أكره الخدااامة وعسساهاا ماتدش بيتي ماوراها الا النكد والمصايب

دعواااتي لك

قلت حق اخوي الخدامه احسها تتلزق بأبوي .. قال لي وانتي شكو فيها خو شايب عادي ويشوفها مثل بنته .. وي والله تخسي مثل بنته قطيعه .. المشكله انها بكل شي زينه الا هالشي ومحد شاك فيها الا آنا واختي .. الله يستر منها وثاانكس للي ردو علي

وي انتي قولي لها خليج بدارج ولا بالمطبخ اذا بغيناج راح اناديج و خلي ماماتج بعد تفهمها جذي

اذا شفتيها قاعده قوميها جدامه قوليلها عيب انتي تقعدين هني شنو هذا

انتي كلمي الشغاله وقولي لها اذا بتجلسين يالمطبخ يا غرفه

انتي كلميها اذا شفتيها قاعده عند ابوج

آنا ما ازف الخدم ولا اقول لهم شي بس شجعتوني شكلي بزفها زفة محترمه عشان تستحي علا ويها شوي خخخخخخخخخخ

معــااها

كان المفروض اول ما شفتيهآ سوت هالحركة تقولين لهآ قومي فزي روحي دآرج عيب
بس مستغربة شلون ابوج ما قالهآ قومي ..
ما عندنا خدم يقعدون جذي جبآل الريايييل !!

واااااي على هالخدم مشاكلهم اكثر من فايدتهم

حبيبتي كلميها بطريقه خليها تستحي على دمها ولو ان بعضهم مايستحون والي تسوي سواااتها ابد ما تستحي بس انتي وقفيها عند حدها لاتسكتون عشان لا تتمادى

زين سويتى علمتى امج بس لاتخلينهم بروووووح

شفي حبيبتي انتي اول ما تشوفين الخدامه قعدت بالصاله قولي لها روحي نظفي غرتي والا روحي نظفي المكان الفلاني والا ليش قاعده هني ؟ روحي شوفي لج شغل تسوينه

المهم خلي الخدامه تحس انك كاشفتها وتعرفين حركاتها علشان تخاف دام ان الوالده الله يحفظها ما تدري عن نواياها
لأن هذولي فيهم خباثه مهما كانوا زينين والله لو شيسوون تبقى فيهم نسبه خباثه

الله يستر علينا منهم