منو تعرف بالعطورات الفريش؟؟؟

السلام شلونكم بنات..انا بصراحه وحده كلش ما اعرف حق العطور لي رحت اشتري اتنح..ريلي يحب علي العطورات الفريش اللي تعطيج ايحاء انج توج متسبحه..وانا ما اعرف

منو تساعدني

حلو اسكادا يجنن هادي حيل
سان لوران حييل راقي
هذولا الهاديين حييل

حبيتي انا ارشحلج عطر قوتشي الجديد القزاز وغطاته سوده و فيه سبيكه سوده ملزقه فيه ومكتوب قوتشي بالذهبي
شوي عليه يجنن وفرش وريحته جنان
وانا زوجي يحب العطور مثل جذي بارده وهاديه
ولج مني بيقول لج شحلو هالعطر صج هادي ومايخنق

وخليهم يرشونه لج بتستر وبعدين طقي فره وعقب ربع ساعه شميه واذا توكلتي وعجبتي اشتريه

دمتي سالمه

اسكادا الي لونه ازرق لون البحر
حده يعطي ايحاء انج فرش p:

سكادا مثل ما قالت الاخت

انا مع الاخت ريم البوادي قوتشي عجيب لا يطوفج وبعد عندج عطر كارولينا هريرا الاحمر

أسكادا ألي على شكل فراوله والله هذا الفرش بس أنقطع للأسف بس الجديد هم حلو

جربي أيجنت الذهبي حده هادي وحلو يخرب بيت ريحته شي مو طبيعي والله بس شوي غالي بل40 جذي

اذا تبين تحسين ان توج متسبحه و فريش
احلى شي عطورات بودي شوب
باردين و بنفس الوقت ما يروحون

بودي شوب

و عطر ماريا كاروس

السلام

عفواً بس إسكادا ريحته ورود و بساتين مو فريش

و فيه ثقل يعني مو حيييل هادي !

شوفي حبيبتي عندي عطرين وايد حلوين بس مونوعية الفرش :
عندج لاليك البنفسجيه اسمها (اميثيست) عجيبة _ وغس البنيه وايد احبهم
وفي بعد ريحة الحلاو اسكادا الملونة ورالف لورين الزرقا

chloe & tonight

مثل ماقالو وهمن عطر باريس هلتووووون حده فرش وحلوو

حبيباتي مشكووررين وما قصرتوا

العطر اللي تطلبينه اهوا ( ميريكل من لانكوم ) معروف ان ريحته شامبو و نظافه و تنعش بشكل مو طبيعي
روحي جربيه و شوفي

و هم توه شريتلي عطر من كاشاريل اسمه ( سكارليت ) هذا يديد توه نازل فريش

انا اموت على هالنوعية من العطور بس للأسف ريلي يحب العطور الثقيله