شسوي بنات اللى عندها الحكمه والحل تشور علي في هالموضوع .محتاره

قوه ينات
حبيباتي انا محتاره انشاء الله يكون بيدينكم حل

مشكلتي ابوي وخايفه من عقوق الوالدين وشوفو هل انا على حق والا لأ
ابوي يحب الناس وايد ويعزمهم في بيته وقام يعزم الناس على بيتي
وقامو الناس وأهلي يدخلون على في أي وقت يشتهون وقمت ما أحس بالخصوصيه ومرات يجي عمي مع مرته واعياله وينقلب بيتي سيرك والاهل كلهم عندي
تحملت مده وقمت أخدم الناس

عشان خاطر أبوي ما يزعل وخايفه من العقوق
مع المده مليت وزوجي مل مصاريف على الناس وقله راحه وماعندي خصوصيه وناس انانيين بيتي ملعب وبيوتهم مسكره
وقت الاختبارات اعيالي طابين الناس والاهل بيتنا ما أعرف أدرس أعيالي
اعترضت على ابوي فهمته اني منزعجه كلمته ابهدوء اني ما أحب هالشي قام زعل مني وبغي يقاطعني وما يحب يكلمني
سنين وانا متحمله خلاص كبرت شسوي خايفه يوم اتخانق مع ابوي لانه يكلفني فوق طاقتي
هل حرام اني اعصي والدي في شيء ما أقدر عليه؟؟؟؟؟؟
الله يخليكم اللي تدخل موضوعي تطلب من الله يهدي ابوي لاني تعبت ومليت
انتظركم حبيباتي

الله يعينج

عاد الناس ما يفكرون فشله و اذيناهم ..

وابوج تلقينه مستانس و يحب اليمعه ..

اشرايج شوري عليه انكم تحددون يوم او يومين بالاسبوع حق اليمعه .. بينيله انج اهم ما عليج اهو و اللي يبيه

وهم ياربي المصاريف جايده وانتو مو ملزومين !!

قولي حق احد من اخوانج او خواتج او الوالدة يكلمونه .. من نفسهم ما جنج مطرشتهم يمكن يسمع لهم

كلمي امج خليها تفهمه

او واحد كبير من أهلج

الله يعينج ويصبرج

حياتي انتي
ذكرتيني بعمي بيته مفتوح 24 ساعه للناس
قوليله حبيبتي حدد يوم بالاسبوع بسايون الناس عندي مو كل يوم انا اتعب وريلي بعدين يمل مني وكلميه بكل هدوء وانشالله يقتنع

قنعي ابوج بنظام الدورية بين البيوت يعني يوم عندج ويوم عنده ويوم عند عمامج وجذي على ما ايي دورج الا طاف اسبوع او عشر ايام

حبيبتي مناير أمي علمها أبوي على اليمعه وهي صارت مثله
تبغيني افتح بيتي للناس وتزعل اذا ما فتحت
واخواني بعد مستانسين مع اعيالهم وزوجاتهم على اليمعه في بيتنا واذا نطقت بحرف ازعلوا وقاطعوني
يارب ما أدري هذا اختبار من الله يارب ساعدني وفرج عني
الله يصبرني خصوصا اني ما أشتغل ومصروفي من زوجي عسى يكفي اعيالي وطلباتهم
حبيباتي الله يبرد اقلوبكم لانكم حاسيين فيني اكثر من أهلي

حبيبتي هذي من وجهة نظري مو معصية لابوج

هذا طلب خصوصيه وانتي لج الحق بخصوصية بيتج

وبعدين ابوج ليش يعزم الناس على بيتج ؟؟؟؟؟؟؟؟ ماعنده بيت

وصراحة الله يعينج لو انا ما اتحمل انا مااحب احد يجي بيتي الا بموعد

وانتي اكثر شي يهمج راحت زوجج وتقولين انه مو راضي عن هالوضع

حاولي تفهمين ابوج بالكلام الطيب ان زوجج متضايق من كثرة الناس اللي تجيكم

وانه من حقه انه يرتاح في بيته مع زوجته وعياله بروحهم وحبيبتي انا ولدي بسم الله عليه ثانية ابتدائي

اذا كان عليه واجبات او املاء او حفظ ايات اعتذر من اي احد يدق علي ويقولي ابسير عليج

مو لاني ما احب الناس تجيني بالعكس بس لاني عارفة نفسي انا ماراح اكون مرتاحة بالقعدة وولدي عليه واجبات

شلون انتي اختبارات والناس طالعة ورادة الله يعيييييييييييينج

بس يبيلج تتصرفين

الله يعينج و يصبرج

شوري على ابوج كل مرة الزوارة او اليمعة عند شخص

احسن حل للكل

ما عندي شي اقوله بس يبقى ابوج والله يعينج

البنات ما قصروا عطوج كذا حل

وانا اقول ربي يعينج ان شاء الله

أشكر كل وحده منكم ردت علي وحست فيني
حبيباتي انا في دوله غير اللي ساكن فيها ابوي ويقعد يعزم الناس عندي
ويجون اخواني بالخمس ايام والسته يقعدون عندي باعيالهم

وحتى اذا سافرت مع ابوي وهلى يعزم الناس في الغرفه عندي
يعني يمون علي ويحبني ما يدري اني متأذيه
يحبني وايد ومن حبه لي يبغي بيتي كأنه بيته مفتوح على طول
والله قمت ابتعد عن اهلي والسبب ابوي كأني اقاطعم من كثر ما يمونون على
شسوي ابغي استقر وابوي مو راضي يفهمني واهلي
الله يوفقكم خواتي ادعولي

انا لو بهالحاله اكمل ابوي وافهمه انه ابي خصوصيه وعيالي بيدرسون وابي ارتاح شوي

وحتى لو زعل مافيها شي ترا راح يحس بعدين واكلم اخواني بنفس السالفه وانه كل مره ببيت احد .. واذا زعلو خل يزعلون بس مو جذي كل شي عليج

صراحه

مادري شقولج بس قلت ماني طالعه الا وانا داعيتلج

الله يفتحها بويهج يا رب من حيث لا تحتسبين

و الله يهدي ابوج و يسخره

بالعكس امي رايها مثل راي ابوي
انا مستغربه من اهلي كل واحد يخاف على بيته والقعده عندي والزعل يقوم لو اتكلم
انا قمت اطنشهم وابين لهم اني موراضيه لكنهم زعلانين على وقاموا يقاطعوني

وانا خايفه من قطع الرحم واثامه
فطومي يجزاك كل خير دعواتج لى