|
|
بصراحة كتبت الموضوع من باب الناس المحيطة حواليني
المتزوجين اللي كل صيف يسافرون ويكون التذاكر والسكن والمصروف من فلوس زوجته ؟
او يتقاسمون الزوج عليه التذاكر والزوجه المصروف؟
ولما تسألين المرأه ليش انتي دافعه فلوس؟ زوجج مايشتغل تقولج امبلا بس مو ميمع فلوس ولا عنده قسط وو ..إلخ
من الاعذار الوهميه اللي الزوجه تقنع فيها نفسها " الريال لو يبي شي يقدر يدبر حق نفسه ويعرف شلون ايمع الفلوس."
هل انتوا أتأيدون ان تكاليف السفر تكون النص بالنص بين المرأ والريال؟ او حتى تكون على المرأ كلها بحجة ان المرأة تبي السفر والريال ماعنده….
الشي هذا من مسؤوليات الزوج
يا وييييييييييييييلي اصلن اشلون الريال يرضاها على نفسه
نو نو نو نو
ارفض عسانا ما سافرنا
مو بس ناخذ من الزوج 
مره كنت توني طالعه من سالفه عوده وكنت بسافر نقاهه عشتو ههههههه المهم حدي بسافر وكنا مفلسين يعني يالله يكفي مصروفنا اهوه دفع التذاكر والسكن والمصروف (( من اكل وشرب وسياحه ونروح اماكن وجذي )) وانا دفعت مصروفي من المشترى الملابس فقط لا غير ههههههههه
وبس ما اشوف انها عيب ولا جريمه ^.^
عيل اشفايدته ريال
اهو ريلها وعياله عيالها
بس إذا كان الريال معاشه قوي بس خااااش فلوسه ومخلي المرة تتكفل بكل شي فاهني الغلط
اهني المفروض المرة اتجمع فلوس وتخشهم حق اليوم الاسود
بس حرام فى حريم مبتلين بازواج بخليين
بس اذا اهو عنده وبخلان علينا ويبي كله علي انا
لا مو حلوه
لانه قبل ايام العز ما سفرني
والحين يوم صار عنده قرض ومسؤليات يقولي اذا بتسافرين دشي جمعيه ونسافر
صج والله عباله غبيه
بس عني ما سافرت وربي بيعوضني انشالله
يبا الزواج مشاركه حب و مسؤوليه مشتركه
اذا زوجي شايف مصاريف البيت وعياله ومصروفي بعد مافيها شي لو السفره كلها علي انا لاني اعرف زوجي لما يكون عنده شنو يسويلي
اما اذا زوجي مضيع فلوسه على سفراته مع ربعه وطلعاته وربعه وايي اسفره على حسابي اهني لا والف لا بعد
حبيباتي الي زوجها مو مقصر معاها لا تقصر معاه على اساس انه المصروف مسؤوليه الزوج
بس انا أساهم بمصاريف السوق والهدايا اذا سافرنا والبااااااااااااقي عليه هههههه
دام مو حرام ولاعيب
والحياه مشاركه بالذات انه مايقصر معي
بس اذا الريال مو قادر والحرمه تحن علي خل تسفره
او النص بالنص عادى فلوسهم واحد
او علي الاقل تحملتي مصاريفج بسفر
لو المره تدفع كل تكاليف السفره اذا ريلها مو مقصر معاها عادي