ابي شي ينظف الرحم حق الانفاس

بنات انا انفاس ولي اللحين 22 يوم بس تكرمون الدم ماينزل علي واجد
ينزل بس خفيف اول الايام واللحين انقطع من اسبوع تقريبا
تكفون ابي شي ينزل الدم وينظف الرحم اخاف زوجي يكرهني بعد الاربعين اذا ماكنت نظيفه عدل
ابي شي ينظف الرحم ويضيق الرحم
وسامحوني على الاطاله

الحمد لله على سلامتج ومبروك عليكم المولود الجديد ويتربى بعزكم ان شاء الله

عليج بالحسو وقولي للحواي ابي ادوية خاصه للنفاس واهو يعرف شغله

بس نصيحه مني حبيبتي لا تعبثين وتلعبين بعمرج بالنسبه للمنطقه الحساسه تراها بسررررعه تلتهب

انا نفس حالتج ينزل على دم خفيف واليوم صارلي 19 يوم … واليوم كان عندي موعد مع الدكتوره وقالتلي عادي راح نتظفين بروحج من غير ما تاخذين شي للعلم اني خذين الحسو واللهوم والحين مستمره على شاي الاعشاب مره او مرتين باليوم .

انا اعرف وحده كل مااولد اتنفس من عندها اذا بغيتي ادزلج رقمها على الخاص .

طبيعي بعد ال 20 يوم يبدأأ يخف الدم شدعوه ل30 يوم دم هذا يكون نزيف الله يكافيكن الشر

عليج بالمردود يكون من حرمه ثقه اخذي منها وسعوط القهوه والطبيخه تهبل طبخة الغوري مثل الاعشاب تنظف

الله يسهل عليكن وتتطلعن من الشر

واحفظي نفسجمن البرد والهوا

والاوولوز تظلين لابسته ل 41 قطيها حتى لو مافيج دم

وان شاء الله افدتج واي شئ انا حاضره على الخاص

يسلمووووووووووووووووو على ردودكم الحلوه

عادي موضروري ينزل عليج دم اهم شي انج تحرصين ع نفسج وتدفين وتاكل عدل لاتحرمين نفسج ولا تجوعين

وغسلي بالمره كل يوم

واكلي ادوية النفاس تكون عنده مره ثقه مثل المردود وسعوط القهوه والطبيخه ولهوم

اذا متعوده عليهم

ينضفونج ويردونج بنت والحلو في النفاس التمره اللي معجونه برشاد وحبه سوده وسمن ياسلااااااااام

كل ماجعتي اكلي منها تنضف الرحم لان فيها رشاد

بسالكم صج التبخر بقشر البصل يطلع الهوا احس هالمرة جنه فيني هوا

طبعا بعد مايبيله سؤال حبيبتي

مشكورة عالرد عيل بسويها ويجزاج خير

ماعندي معلومات

بس حبيت امر

الله يوفقكم ويسهل عليكم

احلا شي لتنظيف الرحم الحسو…..@@

السلام عليكم .. أنا والده من فتره بس حاسه ان في هوا بالرحم قلت اتبخر بقشرالبصل لمن اتيلي الدوره بس موعارفه بأي يوم اتبخر أول يوم الدوره ؟؟ و لمدة جم يوم ؟؟ و سؤال يفشل قشر البصل المقصد منه القشر البني ولا أول طبقة من البصله ؟؟ وشكراا

حبوبة اللي اعرفه ينضف الحرمة مضبوط هو قشر القهوة

وعن تجربة اقولها لكي

وعادي تطبخيها زي القهوة العادية وطعمها مستساغ حتى مرة كويسه للبنات والحريم وقت الدورة

قوة حبي انصحج ييبيلج بطل ماي وحطي في كسرات مرة ولما ينقعون عدل شربي على الريج وقبل لا تنامين فنجان منه وكثري البابونج والاعشاب كلها زينه الكمون والمرامية وتضعف بعد وحبه الحلوة واليانسون الزنجبيل ممتاز وزعتر بعد عجيب الاعشاب شوبي باليوم منهم كوبين او واحد على راحج بس عجيبين والله ينظفون حتى وقت الدورة وتنقعي بالمرة ومسحي فيها بعد كل حمام عزج الله وايد ممتازة وانا سمعت ان قشر الرمان يضيج واهتمي بأكل الخضرة والسمج واللحم والدجاج كل هذيل مفيدين لرحم ولا تنسين انج اتدفين عدددددددددددددل لا يدشج هوا وان شاء الله اني اكون فدتج