|
|
.gif "Eh S(8)")
بصراحه هالقسم وايد وايد استفدت منه باستثناء باجي الاقسام بالمنتدى مشاءالله معنى اني مو متزوج والله يرزقني بولد الحلال ان شاءالله بس قاعده استفيد من الحين وانتبهت على وايد اشياء كنت موحاطه لها اهميه كلش ومعنها اساس الحياه الزوجيه .. وغيرها واااايد ويعطيكم العافيه عالنصايح والمواضيع المفيده 
المهم اندش بموضوعنا 
كل وحده متزوجه تكتب بهالموضوع شنو احلى موقف مر بحياتها من تزوجت لي هاليوم وماتنساه كلش ولايمكن تنساه ::: وشنو اسوأ موقف مر عليها من تزوجت لي هاليوم وماتنساه ولا راح تنساه واثر فيها 
يالله حبايبي كل وحده اتقول (احلى موقف بزواجها ) و ( اصعب موقف بزواجها )
أصعب موقف لما كنت اطيح على خرابيطه وتحملت وصبرت ودعيت ربي ليل ونهار إن يبعده عن المغازل وربي ماخيب ظني ردلي واهوا ندمان وعلاقتنا صارت أقوى أقرب من أول وكبرت بعينه لما شافني صابره وماقلت حق أهلي
وانا اتفق معاج بعد ان القسم وااايد يعود بالفايده علينا بحياتنا الزوجية واليومية
ومن مواقفي الصعبة
شلون اوفق بين اهلي وبينه , لان اهلي وايد معتمدين علي تقيربا بكل شي وما اقدر ارفض لهم طلب , وتعبت واايد بأول زواجي , وصارت نجره وخناق بيني وبينه ليش الاعتماد الكلي عليج من اهلي فكان هالشي حيل محيرني اراضي منو والا اختار منوو
وعرفت بالاخير ان بيتي وريلي بالدرجة الاولى بعدين اهلي , وان لازم ابعد ريلي عن مشاكل اهلي , ولا انقل له عن اخبارهم خاصة اذا كانت سلبية , لان بعدها هالشي ينعكس علي انا
واحلى موقف
يوم اتصل علي بعد 4 سنوات من استقالتي من الشركة وطلب رقم امي عشان يطلبني منها
لان كنت اشتغل معاه في نفس الشركة وكان يلمح للزواج وكنت ارده , فيوم اتصل علي بعد هالمدة الطويلة كان احلى موقف واحلى شعور انحطيت في 
:
|
المشاركة الأصلية كتبت بواسطة بنت جنيف
 أحلى موقف اني تزوجت زوجي وشفت عيالي
أصعب موقف لما كنت اطيح على خرابيطه وتحملت وصبرت ودعيت ربي ليل ونهار إن يبعده عن المغازل وربي ماخيب ظني ردلي واهوا ندمان وعلاقتنا صارت أقوى أقرب من أول وكبرت بعينه لما شافني صابره وماقلت حق أهلي |
الله يوفقكم حبوبه ويخليكم لبعض يارب
وموقفج الثاني عين العقل
|
المشاركة الأصلية كتبت بواسطة blueberry
:
وانا اتفق معاج بعد ان القسم وااايد يعود بالفايده علينا بحياتنا الزوجية واليومية ومن مواقفي الصعبة شلون اوفق بين اهلي وبينه , لان اهلي وايد معتمدين علي تقيربا بكل شي وما اقدر ارفض لهم طلب , وتعبت واايد بأول زواجي , وصارت نجره وخناق بيني وبينه ليش الاعتماد الكلي عليج من اهلي فكان هالشي حيل محيرني اراضي منو والا اختار منوو وعرفت بالاخير ان بيتي وريلي بالدرجة الاولى بعدين اهلي , وان لازم ابعد ريلي عن مشاكل اهلي , ولا انقل له عن اخبارهم خاصة اذا كانت سلبية , لان بعدها هالشي ينعكس علي انا واحلى موقف يوم اتصل علي بعد 4 سنوات من استقالتي من الشركة وطلب رقم امي عشان يطلبني منها لان كنت اشتغل معاه في نفس الشركة وكان يلمح للزواج وكنت ارده , فيوم اتصل علي بعد هالمدة الطويلة كان احلى موقف واحلى شعور انحطيت في : |
تدرين عاد انا قبل عبالي اذا صار موقف يعني مثل اول موقف لج اني اكون ويا اهلي بس الحين عرفت ان بيتي وبيت ريلي اهم
وموقفج الثاني صج شعوووور حلوووووو حدا ، الله يوفقكم ياااارب ويسهل عليكم بكل خطوه بحياتكم
اسوأ شي يوم انفصنا بس الحمدلله رجعنا لبعض
واسوء موقف .. لما انظلمت واتهمت بشى مو فينى .. الله يسامحهم
|
المشاركة الأصلية كتبت بواسطة brettey
احلى شي العيال
اسوأ شي يوم انفصنا بس الحمدلله رجعنا لبعض |
الله يخليكم لعيالكم يارب و يوفقكم ويبعد عينكم الحسود
|
المشاركة الأصلية كتبت بواسطة بطة رشيقة
احلى موقف .. يوم ملجتى وعرسى ..
واسوء موقف .. لما انظلمت واتهمت بشى مو فينى .. الله يسامحهم |
شعور صعب صج لما اتحسين بالظلم بس يقولج نام مظلوم ولاتنام ظالم والله يهنيج يارب
و اسوا موقف لما تحلم اني اخونه صارت سوالف :<
بمااا اني توني متزوجه
فاا احلى موقف يمر علي انه حبيبي يدافع عني ومايرضى علي جدام اهله يعني ساعات يقولون لي ملاحظات واهو عاد يرد علييهم
والحمدالله للحين ما مر علي اسوأ موقف وان شاءالله مايمر
تصدقين فكرت وااجد بس مافي شي محدد اكيد العيال ولما اجيب شي ابيه حتى لو غالي
واسوا موقف لما طحت عليه بخرابيط وسوالف<<<<<
اسوأ موقف لما طاح علي وانا طالعه واهو ما يدري ويسالني وينج اقول له بالبيت وصادني طالعه مع اختي ههه فشلة
واسوء لحظه لما دقت علي زوجة رفيج ريلي بالدوام وقالتلي ان ريلي طالع مهمه في دوامه وصارله حادث وتعور و الموقف الثاني لما دش يسوي عمليه حق ريله