طلبتكم يالنشميات من بين كل المنتديات ، شيروا علي ارجوكم ،

انا باختصار ، مطلقة ، وافكر في عمل عملية {الترقيع} ، البكاره ، لكني متردده ، لأن فيها قص لزائد اللحم واعادة خياطته من جديد ، يعني عملية ، وسمعت كثير سووها وتمت امورهم بخير ، وهذا لازم يتم قبل شهرين اقل شي ،
انا لسه ما ارتبطت لكن اخاف باي لحظة يتم الارتباط فلازم اتخذ قراري فورا ،
لا تقولون عادي اللي بياخذك يدري انك مطلقة . اي اكيد بيكون داري ، لكن انتم تعرفون الرجال ، يحبون هالسوالف ، انا مو وسيعة لأني ما انجبت ، لكن تعرفون اول ليلة ، الوحدة تحب تكون واثقة من نفسها بانها تصير كامله مكمله في امورها الجمالية ، سواء من برا او جوا ،
شوروا علي الله يجزاكم الجنه ، ياليت اذا في تجارب شخصية من قريباتكم ،
لو تكرمتوا ، انا والله تركت كل المنتديات وجيت هنا اطلب نصيحتكم ، ياليت كل من تدخل ، تكتب رأيها لو بكلمه وحده ، لأني يهمني رأي الجميع ،

حبيبتي مال داعي والله شسالفة شلج بدوخة الراس والالم براي موزينة

همن انا من رائ جذي بس جنه فى حبوب تضيق او جذي
بالتوفيق يارب

طيب الي بيتزوجك وشاف انك لسى بنت شنو بيقول…وش متوقعه يكون تفكيره لو عرف انك مسويه عمليت الرقع..

هو عارف انك مطلقه اتوقع مالها داعي تسوينه لانك راح تثيرين الشك داخله

اتوقع لو تهتمين بنفسج وقت الدوره
وتستخدمين تحاميل تضيق احسن
بدل لا ياخذ عنج فكره
او اذا ودج تسوين شي براحتج
سمعت صحيح قص لحم وخياط برا وداخلي

لا اعلم

اختي انا اعرف وحدة مطلقه وسوتها وتزوجت بواحد شابومرتاحه معاه

يعني عادي لو سويتها بس اهم شي لاتشيلين شي ثقيل وتهتمين بصحتك وقتها

وانا احس انك لازم تسوينها بالذات اذا هو شاب او مطلق

وانتي عارفه الرجال

والله يوفقك

كربون امها

كلي هداوة

معاكم حق حبايبي ، بس عاد حنا الحريم شغلنا الشاغل نرضي رجالنا ،
والا هي بجد مثل ما قلتوا فيها تعب ،
جربت الحبوب ، مفعولها مؤقت ،
جزاكم الله خير الجزاء عالرد ، شاكرة تفاعلكم ، ونصايحكم ، ما قصرتوا ،

آخر العنقود

اكيد انا بقوله بالسالفة كلها من ايام الخطبة وبفهمه ان هالشي عشان اسعده،
الحين كثير اسمعهم اللي ياخذوا مطلقة يطلبون منها هذه العملية ،
خاصة اذا كان شاب غير متزوج ، جزاك الله خيرا عالرد والمرور ، والنصيحة ، شاكره تفاعلك ، ماقصرتي ،

للزين هيبه

معك حق ، و انا اهتم بنفسي زيادة وقت الدوره ، ولله الحمد
ولا عندي توسع ابدا ، لأني ما سبق انجبت ، ولا اهملت نفسي . لكني ابي شي دايم ،
جزاك الله خيرا عالرد والمرور ، والنصيحة ، شاكره تفاعلك ، ما قصرتي

ام الاسير الشهيد

جزاك الله خير عالرد ، والمرور ، نورتي

فدوووو

اختي بعد سوتها ،
لكن وضعها مختلف شوي عندها اربع عيال ،
وماشاء الله امورها تمام ،
اكيد عارفه الرجال ، وهذا اللي خلاني افكر بالامر ،
جزاك الله خيرا عالرد والمرور ، والنصيحة ، شاكره تفاعلك ، ما قصرتي ،

‏ شكوووو،،،‏
داامج مطلقه شنو بغير بالموضوع‏<‏‏< وبعدين تقولين جربت الحبوب بس مفعولها مؤقت‏<‏‏< شدرااج أن مفعولها مؤقت؟؟؟؟؟؟؟ ‏

سؤال ؟؟؟

ليش التحقيق ؟؟

هي سألت المسكينه ماسوت جريمه بعدين هي مطلقه احسني الظن لاترتكبين اثم عالفاضي

أنا من رايي ماتسوينها

ما عندي خبررررررررررررة

والله حبيبتي بنت خالتي سوتها بنفاسه وكانت تبي اتموت من الحراره شهرين ماتقدر تقوم من الفراش

والله ياقلبي العمليه هذي لازم موافقة الزوج

موووووفقه فديتج

حرم الغلا

داخله الموضوع تكسبين دعوة مظلوم !!!!!!

اوك ولا يهمك حبيبتي ..

ابشري بها بآخر هالليل وانا ربي يشهد علي اني راعية قيام ،،

{{{ اذكرك ان دعوة المظلوم حت لو كافر فهي مستجابة هذا وعد من الله عزوجل}}}

في آخر هالليل أسأل الله العظيم رب العرش العظيم ، ان ينتقم منك
ولا يعطيك شي من اللي ببالك ، ويحرمك من سعادة الدنيا والآخرة ،،
وما اقول الا حسبي الله ونعم الوكيل عليك ، الله لا يوفقك ، ولا يسامحك ، ولا يبيحك ،
لأن ربي يشهد علي اني عرفت انها ما جابت نتيجة من خلال زيارتي للطبيبة مره اخرى بعد استخدامها ،،
لكنها اكدت لي ان فائدتها مؤقته . لافائدة دائمة الا بالعملية ، وانا خفت انها تبي تكسب فلوس ، عشان كذا قلت استشيركم ،
لكن اقول لك >> أعاهدك عهد الله اني ما انساك بالدعاء عليك بكل قيام ، اقسم بالله على ذلك ،، وابشري بدعوة المظلوم
ولنا لقاء يوم الدين بإذن الله ،، فاحضري الحجة وانت تظلميني على الملأ ، والله يشهد اني مظلومة

شكرا للباقين جزاكم الله خير الجزاء ، شكرا لك حبيبتي ساره ما قصرتي ، الله يوفقك ويعطيك اللي ببالك يارب

وما عاد لي نفس بهالمنتدى ، وداعا .