|
|
السلام عليكم
شلونكم ياحلوين عساكم بخير
بنات عرسي بعد اسبوع بالتمام وابي صالون للحف والشيرة رهيب
قبل كنت اسوي عند وحده بس للاسف غيرت مكانها وماعرف وين راحت
فياليت تساعدوني ابي وحده تضبط الحواجب ماتهبب فينا وشسمها.
وشي ثاني ابي صالون راقي للمكياج وايد انصحوني بانوار النصار بس اخاف اجازف فياليت تعلموني وين احط مكياجي لعرسي وعند منو
اتمنى تساعدوني لاني جد محتارة بهالشغلتين والله يوفق الجميع
بالتوفيييييييييييييج وعقبالي 
لازم الواحد يشوف على الطبيعه المكياج
شوفي هذا نكي وبعطيج رقم بيتنا وعنوانا
اذا ما اعجبج تعالي سوي فيني الي تبيين لوووووووووووووووووووووووووووووووووووول
بس قولي انتي شنو تبين ثقيل خفيف وسط انتي وطلبج
واااااااااااااايد حلووووو مكياجهم وكريمهم بعد لاني بعرسي سويت عندهم
والشيره والحف عند صالون اسمه شاينا كوين بالجابريه الحف وحده اسمها كلياني والشيره اهي بعد مع الثانيه صافينا
والله يوفقج ويتمم عليييج
حف قولي ابي جولي تهبل
والحمام المغربي فاطمه
وانوار النصار حلو وايد مكياجهم انا مجربته وكريمهم على طلبج انا قلت لها ابي طبيعي
موفقه قلبي
شوفي بنسبة للحف ..
قبل خمس سنين كنت أحف عند وحدة بصالون يورز وكانت وايد وايد زينة لدرجة اذا سافرت ما احف عند احد غيرها وانطرها ترد من اجارتها وعقب طلعت من الصالون وللاسف ماقدرت احصلها ..
والله بدون مبالغة عقبها لمدة توصل لأكثر من سنتين قمت أحوس بالصالونات عشان حواجبي وولا وحدة قدرت تظبطلي اياهم .. ماخليت صالون رخيص وغالي الا ورحلته
الي تسويلي واحد ثمانية وواحد مدور .. لدرجة ريلي الي مايعرف شي بالحواجب قام يضحك علي يقولي شفيهم حواجبج صاروا جذي
المهم قبل شهرين سألت رفيجتي "ماشاء الله عليها حواجبها وايد حلوين" وقتلها تعرفين وحدة تعدل حواجب خربانة فقالتلي اييي انا صايرلي سبع سنين أحف عند سوجا بصالون مس هوليوود بالبلاجات عقب محطة البانزين..
وصج رحتلها ومن اول مرة قدرت تعدلهم وسوتلي رسمة ثانية حلوة وغيرت شكل حواجبي بالكامل ..
صاروا حلوين 
وعقبها قلت ماني رايحة عند أحد غيرها ..
وترى شغل الصالون وايد ايد حلو وقمت اسوي كل شي عندهم …
وعندهم عروض حلوة سإلي عنها ..
مثلاً الحمام المغربي بروحه فوق الــ 10 على ما أظن .. بس اذا خذيتي العرض 7 أعمال بــ 18 دينار وتقدرين تحطين الحمام المغربي من ضمنهم ..
صج حجزي موعد قبل لا تروحين عشان لا تكون مشغولة
واذا تبين صالون شاطرين بحمام المغربي
روحي صالون لازوردي بسالمية وسوي حمام ملكي سعره 25 بس صج تطلعين عروسة والريحة الحلوة تفوح منج
هالحمام سويته بشهر 5 كنت رادة من السفر ومسمرة حدي والله لا يوريج ايدي صايرة لونين ومن اول مرة بين الفرق .. طبعاً كل شوي تفركج بشغلة وآخر شي تدهن جسمج كله بورد مع دهن عود "واوووو ريحته عجيب" وتظل بالجسم .. انا ناسية اسم الي تفرك بس هي فلبينية متينة 
وبعد عندج لافندر الي بالمهلب فوق حلو حمامهم بعد
ومس هوليوود حلو
بس طبعاً مو نفس لازوردي
ومكياج حلووو عند مس روما بالبلاجات عند صاحبة الصالون الايرانية "موذاكرة اسمها"
وموفقه يالغلا ….