|
|
ونبي أكثر الدكاترة اللي مايحضرون ويبلغون قبلها طبعا مؤ نتفاجأ
بعييييييييييد الرد عششااانج بس حبيبتي 3>
1) فريآل الصبآح : تدرس أصول إداره ,, خوش دكتوره و تزيد دجات و تساعد الطالبااات وااايد ,,
2) نهاد داوود : تدرس العمل المكتبي وتقنيه المعلومات خوش دكتوره بس تعطي البنت حقها ما تعطيها زود
3) سهام : تدرس آله كتابه عربي خوش دكتوره و تدرس وتفهم عدل .. وتعذر البنات و تعطي بونس
4) في دكتور عايلته الخواري : يدرس مقدمه في الحاسب الآلي .. خوش دكتور بس إمتحاناته صعبه .. ويساعد قد ما يقدر .. و يقول لكم إن إمتحاناته أصعب الإمتحانات ..
5) نوره الإبراهيم : تدرس مبادئ تآمين الماده سسسهله والدكتوره تلخص تلخيص بكلمه ,, و الماده ما يبي لها دراسه ,, و الدكتوره تساعد و تزيد وتعطي بونس .. و اخذتها بالصيفي
6) أبرار العزاز : تدرس معالجه نصوص متقدم .. تهبببببببببل و تدريسها عجيييب ,, بس وااايد ملتزومه بكل شي .. يعني ما تحب أحد يدخل بعدها و ما تحب أحد يتأخر بالتطبيقات .. وفي حالات تعذر البنت ..
7) لميا عبدالكريم : تدرس مبادئ الإقتصاد ,, احبببببببب هالماااده عجييبه ,, الكتااب ماله يهبببل ,, بس الدكتوره أول إسبوعْ ما تفهم بس بعدها شوي شوي قمت أفهم منها … بالإمتحان البنات غش ,, و ناحيه إنها ملتزمه .. إهيا ملتزمه .. و ما تحب أحد يدخل بعدها و ما تحب الغياااب وااااااايد ,
وفي دكاتره زينيين بس يعني مو ذآآك الزود بصراحه ,,,
ثقافة اسلامية : اخذت عند دكتور عبدالله يحااسب ع الكلمه بالامتحان مو ذاك الزو ع الغياب يعني يعذر
مقدمة حاسب الي : منى الرحماني عجيييييييبه هالدكتوره تفهم وتعذرج اذا عندج عذرر ونظامية حبتين
وبالتووفيق …
الدكاتره الزينين
د.عدنان العلي
خذيت عنده السلوك التنظيمي وشرحه شامل وملخص ومايحتاج تبطلين الكتاب وامتحاناته اختياري وصح وخطا وعنده امتحانين ومقالي فيه سؤالين تقريبا بالكثير 3 اسئله مايزيد اكثر
د.أحمد العوضي
خذيت عنده مادتين ( أصول التسويق , نظم معلومات وطرق الحفظ )
شرحه ممتاز ويبسط المادة ومايعقدها والملخص اللي يقوله بالمحاضرة تاخذين منه اسئلة الامتحان ومحد يسقط عنده وامتحاناته تعتمد على الفهم والحفظ وتقريبا الامتحان حال نفسه لان السؤال اللي تلقينه بالمقالي تلقين جوابه بالاختياري وتعاريف ممكن تلقينها بالصح وخطأ
د.نادر الجيران
محاسبة 1 شرحه وافي ويعطي واجبات عشان تحلين لان المحاسبه يعتمد على الحل والممارسه اول باول يعني ما تهملينه نفس بعض المواد
هدى علي
( مقدمة حاسب ألي , أستخدامات حاسب )
اهي بالمقدمة كان شرحها شوي ممل بس المادة تقريبا نفس الحاسوب بالمدرسة وامتحاناتها صح وخطا واختياري ماكو مقالي وبمادة استخدامات تقريبا نفس طباعة وسهلة حيل
محاسن الفضالة
( طباعة نصوص متقدم عربي )
حيييل حبوبة وطيوبة وتضحك مع البنات وتدخخل القلب من اول يوم عسل عسل وودي اخذ عندها بعد طباعة نصوص انجليزي
فريال الصباح
( أتصالات اداريه )
وااااايد حبوبة وشرحه حييل رائع وامتحاناتها سهله وتساعد البنات
تقريبا هذولي التوب بالنسبة لي والباجي همن زينين بس موحيل وفي منهم مابي اظلمهم
يعطيج العافية على الموضوع
اللي اذكره بكتبه :
التخصص بنوك ..
د: حسين المريخي
دكتور حقاني ويحب الالتزام والانضباط
ومايسمح لاي وحده تدخل وراه
امتحاناته مقالي+موضوعي ، ينزل انذارات
عالحضور والغياب لكن مايعطي درجات عليهم،
مايحب احد يسأل واهو يتكلم ولا يحب احد يقاطعه
على قولته عشان مانقطع حبل افكاره ، لانه نوعه
أن وقف بنص الدرس ينسى ههه ، تقسيم الدرجات
٢٥ امتحان اول + ٢٥ امتحان ثاني + ٥٠ فاينل
وان مسك وحده تغش أو تغشش أو تحاول تغش
بدون كلام يسحب الورقه ويطردها ، ويوم الامتحان
كان يقول شيكوا عالكراسي والطوفه إذا فيهم شي
يتعلق بالماده غيري مكانج ، شرحه حلوووووو
وبضمير ويعطي أمثله من واقع الحياة ، وعنده مادة
البنوك الاسلاميه ملخص المنهج بـ ٢٩ صفحه
واغلب الصفحات فيها لي النص وبعضها جداول مقارنه
إذا انتي من النوع اللي تلتزم بالحضور أنصحج تاخذين عنده
::
د: محمد العسكر ( رياضه ماليه )
وايد يغيب + نفس المسائل اللي يكتبها عالسبوره
نفسها يحطها بالامتحان ، متساااااهل وغير حازم
::
أ: طلال السهلي ( محاسبة بنوك )
جداً ملتزم وحازم ، أن قال لاتكلمين احد وتكلمتي
وصادچ ، عادي يوقف المحاضره ويعصب ويصرخ عليج
اذكر مره قلت حق رفيچتي ابي كلنكس ، وشافني امبيه
ما بغيت الانفسي عصب علي واحرجني ،
بكل محاضره يعطي هوم وورك ولازم نطرشه عالايميل
واهو يصلحه لنا ، واللي ماتطرش بالمحاضره الثانيه
يطلع الاسامي ويسأل ليش ماطرشتوا الواجب
ويعطي اختبارات قصيره ، هال أستاذ رغم تشدده
لكن يشرح ويعطي بضمييييييييير ، حتى الواجب
يصلحه لج وإذا في خطأ يدزلج عالايميل انه في خطأ بهالجزئيه
باختصار أستاذ حازم وينفذ اللي يقوله ، لكن يشرح من قلب
::
أ: مي العتيبي ( مراسلات باللغة الانجليزيه )
رهيبة رهيبة رهيبة احبها ، تشرح من قلب
ونظامها تعطي ٣ اختبارات ، وتاخذ أحسن درجتين
تحب المشاركة وتطلب من الطالبات يصورون جدولهم الدراسي
وتأخذ الجدول عندها ، تطلب برزنتيشن ، وتعطي واجبات
هالماده كنت ماخذتها من قبل ورسبة فيها ، ولما خذيتها عند أستاذه مي
طلعة بالماده بـ A … انصح تاخذون الانقلش عندها
::
د: احمد الكندري ( عمليات البنوك باللغة الانجليزيه )
كان محتكر الماده + يطلب بحث عليه ٢٠ درجه
كان بحثه نروح للبنوك ونأخذ ميزانيتهم من ٢٠٠٠ الى ٢٠١٠
ونسوي مقارنه ، فرينا البنوك فر ، محد راضي يعطينا
ولما قلنا للدكتور قال الموظفين مايفتهمون ودبروا نفسكم
طبعاً ماسوينا البحث وقلنا له ، يحط لنا f .. تخيلي خذا اسامينا
وقال أنا بحط لكم f .. لكن أبيكم تداومون لي يوم الفاينل وانتوا
بأنفسكم كتبوا اسمكم وسلموا ورقة الاختبار ،، وقال اللي تغيب
بنزل لها انذارات متنا من القهر ، وشرحه موذاك الزود ، وبس يعلق
ودايم يتكلم عن نفسه انه درس بهالدوله وانه سافر لهالدول ،وانه
ما يفكر لمجرد التفكير انه يروح لدول العربية طبعاًهالكلام بالـ ٢٠١٠
يعني قبل هالاحداث ، من الآخر ما انصح فيه .
وبقيت اسال عن هدكاتره
ثقافه اسلاميه يحيى سالم
مبادئ المحاسبه 1 هيئه
اصول اداره شريفه الحوطي
مبادى الاحصاء وفاء الخريف
الاجهزه المكتبيه هما عبد النبي معرفي
طباعه عربي ندى الزامل
شلون نظامهم زينين ولا لا انا مستجده
وبقيت اسال عن هدكاتره
ثقافه اسلاميه يحيى سالم
مبادئ المحاسبه 1 هيئه
اصول اداره شريفه الحوطي
مبادى الاحصاء وفاء الخريف
الاجهزه المكتبيه هما عبد النبي معرفي
طباعه عربي ندى الزامل
شلون نظامهم زينين ولا لا انا مستجده
شلون نظامها
هما ولا مها والله ما اعرفهااا إن شاء الله البنات يساعدونج
خالد جميل البدر
محمد حسين المري
حسن الكندري
اسماعيل عباس
ولا اخليها هيئه تدريسيه بليييز ردووو بسرعه