|
|
بنات بقولكم كلام محد قاله لي لما كنت مستجدة وللاسف النتيجه الكلام اللي بقوله لكم …
حبيباتي انا متخرجه من سنتين تخصصي علم نفس ومساندي علم اجتماع
تعينت اخصائيه نفسيه بثانويه بعدين نقلت للمتوسطه
وانا تخصصت هالتخصص ابي اشتغل مدرسه علم نفس
بس بعدين اكتشفت ان لازم اكون متخرجه من تخصص علم النفس في كليه التربيه عشان اصير مدرسه
مو كليه علوم اجتماعيه ،، علم نفس علوم اجتماعيه المجاال الوحيد له بعد التخرج
اخصاااائيه بسسسس
حتى القطاع الخاص صعبه يقبلونج
لحد يقص عليكم يقولكم تتعينون اي مكان تبونه
كله جذب
ملخص تجربتي بالنقاط التاليه :
1. طبيعه العمل :
متعبـــة جداااا جسديا ونفسيا ،، راح تتعاملين مع حالات نفسيه صعبه قلق، اكتئاب ، صعوبات تعلم ، صعوبات نطق ، صمت اختياري .. غير انج راح تتدربين في اول سنه على اختبارات ذكاء واطبقينها ، وتطبيقها جداااا متعب مع الحالات الطبيعيه ، فتخيلو تطبيقها على حالات صعوبات التعلم ، غير الانتداب ( اداومين مرة بالاسبوع في اي مدرسه ماعندهم اخصائيه نفسيه وغالبا ماتروحين الروضه وبهاليوم تشوفين كلللللل حالاتهم وتفتحليهم ملفات دراسه حاله )
وااايد متعب جسميا يستهلك كل طاقتج ماتردين البيت الا وانتي ماتشوفين جدامج من التعب ، *لايقصون عليج يقولوج الاخصائيه النفسيه مرتاحه وماتسوي شي كل قاعده بالمكتب وتسولف وتشرب قهوة
لا لا لا والله تعب مابعده تعب ..
ويريته بتقدير .gif "Eh S(16)")
2. تعامل الادارة المدرسيه معاج :
للاسف محد فاهم شغلج الا الموجهه اللي تشرف عليج ، الادارة والمدرسات داااااايما على بالهم انج يالاخصائيه ماعندج شغل ولا لج لزمه ،، وراح يكلفونج باشياء ماااتخصج لا من قريب ولا من بعيد وصعبه ترفضين لان تقديرج بايد الناظرة ،، ممكن تخفس فيج بالارض ، تخيلوا انا كلفتني الناظرة اوزع كتب مع امينه المخزن !!!!
وان حاولتي تفهمينها طبيعه شغلج راح تعطيج كلمتين بالعظم ، انت ماتبين تشتغلين وانت يايه الدوام حق الضحك واللعب ،،
السبب للاسف ان شغلنا كللله سري ، ملفات حالاتج وشغلج مع الحالات ماتشوفه الا الموجهه ، فالادارة دايما على بالهم ان انتي ماتشتغلين ..غير ان المدرسات مايتعاونون معاج بعلاج الحالات ومايخلونج تاخذينهم من الحصه ..
مادري يبونج تروحين للطلبه بيوتهم تعالجينهم 
هذه خلاصه تجربتي مع ادارتين او مدرستين ..
كل هذا يهون اللي ياي اهو الطابوقه اللي قصمت ظهر البعير ..
3.الراااااتب :
701 فقط لا غير
وماكو كادر انسوووووووه من سنييين وبنيين يطالبون فيه وماقدروا اييبونه
ولا احد التفت ولا رد علينا .. السنه اللي طافت قالو بيزيدونا 125 دينار
وزادونا 60 دينار بس !!
وفي علاوه سنويه 10دنانير
يعني كل سنه يزيدونج 10 دنانير بس
ماتكفي ولاا شي خصوصا اذا انتي متزوجه
تخيلو يابنات زوجي خريج دورات راتبه 990 بدون علاوات الزواج وبدل الايجار
ومايداوم
وانا جامعيه واكرررف كرررف
وراتبي اقل منه بوااايد بعد
الخلاصة حبيباتي علم النفس صج دراسته حلوة وممتعه لكن للاسف بعد التخرج راح تندمين لما تشوفين الجامعيات اللي مثلج مرتاحين وراتبهم ماشاءالله اقل شي فوق ال900
وانتي راتبج تستحين تقولينه لاحد ..
والله يوفقكم حبيباتي .gif "Eh S(7)")
ما اقصدة …انج تحبين الشغل من اجل الشغل …واذا ما تحبين العمل بمدرسة عندج عيادات التخصص الاجتماعى للمستشارين النفسين
هناك ممكن تحصلين اللى تحلمين فيه من تقدير …أو تسوين مشروع بروحج …خذى ترخيص وبطلي مكتب واشتغلي واثبتى ذاتج
كل شي وله حل بالدنيا……. انما تؤخذ الدنيا غلااااابا
شنو هالكلام طبعا قياس العمل بالتقدير المادي
واذا قياسه بالتقدير المعنوي مثل ماتقولين
وزعي البحوث والمشاريع اللي بتوقيعج ببلاش واكتفي بالشكر كاجر لها شرايج ؟؟
هذا شي
الشي الثاني مو كلنا عندنا الوقت عشان نفتح مشاريع
احنا البنات غالبيتنا عندنا مسؤوليات
واللي ماعندها مسؤوليه بييها يوم ان شاء الله ويصير عندها مسؤوليات ماتخليها تحك راسها
*
والله يوفقج
اي اهوآ صح علم نفس بالعلوم الإجتمآعيه مايظمنون الا اخصائيه نفسيه
او مايشابه بمعنى تكون اخصائيه للنفس ،
والأوليه لـ المدرسه علم نفس تكون بالتربيه ..
وانا ابي اصير مدرسه علم نفس .. بس همن بحول علوم اجتماعيه
عندي دكاترتهم احسن من دكاتره التربيه
بس بالنهايه ظمان التدريس بالتربيه 
الله يعين صاير كل شي بواسطه
الله يعينج صرااحه ،
صح دايم نشوف الاخصائيه النفسيه ايام الثانويه
مجرد تقعد وتكلم جم بنت ، مادريت يكون كل هالتعب ،
حتى الاخصائيه الاجتماعيه
رغم انه كلهم بالنهايه متخرجين من جامعه
الا ان الاخصائيه ماتعدي الـ 750 وكلش كلش 800 لو زادو ،
عكس المدرسه اللي توصل لـ الألف :/
ياريت كلهم نفس الشي دامهم جامعيين …!
الله يعين
والله كلللش مووو راحه
تعببببب حيييل تعب
وترااا واااايد صعب تصيرين مدرسه
حتى بالواسطه
انا حطيت واسطه عضو
وماصرت مدرسه
وواااايد صعبه
اذا في مجال انصحج تحولين كليه التربيه تخصص علم نفس
لا تستمرين بهالتخصص المحبط
واللي ماتخصصت
تشوفلها اي تخصص غيره
والله ماله مستقبل
حسافه على تعبي ودراستي من الثانويه لي الجامعه
كله رااااح هبااااااء منثووورا
انا وخريجه دورات السكرتاريه راتبنا واحد
اهي اداوم بالمدرسه بالمكتب اللي يمي اللهم تاخذ الغياب الصبح وتقعد طووول اليوم فاااضيه
وانا اكرررف كررف بالمكتب اللي يمها
وراتبها مايفرق عن راتبي الا ٥٠ دينار
و صج ان في اكتفاء !! فيدوني قبل لا اتوهق
|
المشاركة الأصلية كتبت بواسطة بانانا
 الله يعين حبيبتي
والله كلللش مووو راحه تعببببب حيييل تعب وترااا واااايد صعب تصيرين مدرسه وواااايد صعبه واللي ماتخصصت انا وخريجه دورات السكرتاريه راتبنا واحد |
إي
الله يعينج والله قهر ، لكن ماعليه حبيبتي ،
وانا لأني خذيت موآد تحويل الاجتمآعيه وأمشي بشروطهآ ،
فـ لو برد اخذ مواد تحويل لـ التربيه بتأخر أكثر
لأني بحول ع الكورس الياي خلاص ،!
كنت مفكرهـ اصير مدرسه بعدين ارجع اكمل دراستي ،
لكن ان شاءالله اذا ربي كتب لي أكمل الماستر والدكتورآهـْ
أمنيتي اصير دكتورهـْ علم نفس بالجامعه <~ دعوآآآآتكم لي
موفقه غلاتي ،
|
المشاركة الأصلية كتبت بواسطة الهنوف….
زين و بالنسبه لمستقبل علم النفس بالتربيه لاني من كلية التربيه ؟!!
و صج ان في اكتفاء !! فيدوني قبل لا اتوهق |
مستقبل علم نفس بالتربيه هذي تضمنين التدريس عَ طول ،
الأولويه لـ خريجات كليه التربيه ،
اهمآ مكتفين من التدريس لـ خريجات كليه علوم اجتمآعيه مو تربيه !
الله يوفقج حبيبتي ،
|
المشاركة الأصلية كتبت بواسطة الهنوف….
زين و بالنسبه لمستقبل علم النفس بالتربيه لاني من كلية التربيه ؟!!
و صج ان في اكتفاء !! فيدوني قبل لا اتوهق |
اي في اكتفاء من سنين و بنت عمي تخرجت تقول يوم سووا اجتماع قبل التخصص العميد نصحهم يبعدون عنه لانهم مكتفين فيه
الاكتفاء من 2024 بـ كليه علوم اجتمآعيه
بس تربيه لا 
، عَ 2024 كآن مبطل هالتخصص !!
حتى أذكر كنت أسأل عن هالتخصص وكان موجود :/
معقوله اكتفاء !!
شسالفه اجتماعيه وتربيه اكتفاء :/
عاد آنا كنت ناوية اتخصص نفسج
تحبـــــــــــــــــــــطت
انزين حولي روحي وزاره ثانيه يمكن دوامهم اريح يعني مثل الاوقاف كل التخصصات تتوظف مناك معنّى مالهم شغل بالاوقاف بس يوظفونهم :/
انزين انا فهمت منج ان الجامعة والدورات اذا اشتغلوا معاشهم واحد شلوون عيل بس اسم ان هاذي متخرجه من جامعه وهاذي متخرجه من تطبيقي ! :s