&&&&

السلام عليكم ورحمة الله وبركاته

هذا تجمع حق كل وحدة تراجع او كانت تراجع او حابه تراجع عند الدكتورة نداء بوخضور…
ولكل من ولدت او راح تولد عندها…
ومن وين سمعت عن الدكتورة؟
وشنو رأيها عن الدكتورة؟

يالله لا تبخلون علينا بردودكم الفعاله

انا اراجع عندها والله الدكتوره تهبل وعندها ذمه

انا اول مرة ما حبيتها ! بس عقب لا و النعم
شحليلها

بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين

و الشهاده لله وايد محترمه

مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري

وايد حبيتها من هالحركه

و كلامها حلو و تطمن الواحد ما تخبصه

انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !

و جنه المستشفى ما تفرق معاها بس جنها قالت اهي تفضل رويال حياة و دار الشفا

الدكاتره الثانين ياخذون 400 او 450 على القيصريه

كنت اعاني من سكر حمل مرتفع وعالجت في البداية في مستشفى الصباح اللي اقرولي ابر انسولين

وتميت على علاجهم حتى الشهر السابع راجعت عند الدكتورة نداء وهي شاطرة في موضوع السكر

فقللت لي جرعات انسولين وتابعت معاي حجم البيبي بالسونار وكان كل شئ تمام لله الحمد

الولادة حددت لي الدكتورة موعد ( ولادة بالطلق الصناعي بسبب السكر ) في مستشفى السلام وكان يوم طويل عانيت فيه معاناة نفسية بسبب ان الرحم ما قاعد يفتح على الرغم من وجود طلق ..وارتفع عندي اسيتون بس الدكتورة قدرت تخفض مستوى الاسيتون بالعلاج ..وكان بالها طويل.. وتشرح لي كل الخطوات والاحتمالات اللي ممكن اولد فيها …وفي النهاية عقب ما وقف الطلق معاي قررت أطلع من المستشفى وأحدد يوم آخر للولادة ..وهذا اللي صار وولدت يوم ثاني وكانت الدكتورة من اروع ما يكون معاي وسويتلي خياط تجميلي بعد الولادة .. الخياط كان شوي يعور بس وصفت لي حبوب وتحاميل وكريم .. وهذه التحاميل ممتازة توخر الم الخياط بصورة فعالة .. بعد اسبوعين كانت لي مراجعة معاها حول السكر والخياط ولله الحمد كل شئ تمام

هذه تجربتي مع الدكتورة وللعلم هذه ثاني ولادة لي وياها ..

اقتباس:

المشاركة الأصلية كتبت بواسطة غيـ الناس ـر انا اول الموجودين ^_^ انا اراجع عندها والله الدكتوره تهبل وعندها ذمه

إنتي أول الموجودين
فعلاً هالإنسانه تشتغل بذمه وضمير وتحسينها تشتغل على شان تخدم
مو على شان الفلوس مثل بعض الدكاتره

غير الناس وين ناوية تولدين؟

اقتباس:

المشاركة الأصلية كتبت بواسطة مناير خزنة التاير انا معاكم بعد انا اول مرة ما حبيتها ! بس عقب لا و النعم شحليلها بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين

النعم فيها وبأخلاقها والله
ما ادري جم تاخذ بالضبط
بس هي تولد بكل المستشفيات الخاصه

اقتباس:

المشاركة الأصلية كتبت بواسطة رفييف انا راجعت عندها بعد و الشهاده لله وايد محترمه مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري وايد حبيتها من هالحركه و كلامها حلو و تطمن الواحد ما تخبصه انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !

حتى أنا مره كنت عندها بالعايادة ولمن صلر دوري طلعت تتعذر إن عندها ولادة وما راح تتأخر لأن الولاده كانت بمستشفىى رويال حياة
يم عيادتها
ولمن ردت تعذرت إنها طلعت وتاخرت انا وايد احبها

يمكن تاخذ اكثر من غيرها
بس هي شاطره بالتوليد وامراض النسا وتوه اختي والدة عندها فتح بطن خياطها يهبل لا مشبون ولا شي
ولاياتها كحه ما بعد العملية

رفيف وين ناوية تولدين؟

اقتباس:

المشاركة الأصلية كتبت بواسطة غيـ الناس ـر بنات هي بالطبيعيه شوي غاليه اكثر من غيرها ب 30 دينار يعني تاخذ طبيعي 280 متعسره 300 قيصريه 350 .. الدكاتره الثانين ياخذون 400 او 450 على القيصريه

يعني الدكتورة نداء أرخص!

ألف الحمدالله على سلامتج وسلامة البيبي
والدكتورة فعلاً شاطره بجمبع امور الولاده وبالها وايد طويل وتعطيج من وقتها
وتطمنج ما تخرعج وكله تهون على الوحده لمن يكون فيها شي جايد

إنتي معاج السكر من قبل الحمل؟
وشلون السكر الحين؟