يومياتي مع الاستشارات

يومياتي مع الاستشارات ..

غالبا ما تأتيني الاستشارات في حياتي العامة من قبل زميلات في العمل أو قريباتي أو حتى بعد أن يعرف من حولي أني أخصائية علاقات زوجية ، و قد تكون عن طريق الموبايل أو عن طريق الاستشارات أو حتى بصورة شخصية ..

وأحببت أن أستعرض لكن استشارات وأسئلة من مذكراتي وردتني على مدى الأيام وأجاباتي عليها.. لعلك تجدين فيها جواب لسؤال حار في ذهنك مدة طويلة ،أو حل لمشكلة مشابهة ، أو تكون كالإضاءة والتنبية ، فقد قال المولى تعالى : " وذكر فإن الذكرى تنفع المؤمنين " .

كما أن الباب مفتوح للنقاش في المسائل المطروحة لتعم الفائدة ..

ملاحظة : هذه الأستشارات تختلف عن القصص التي أنوي طرحها بالمستقبل القريب إن شاء الله .

أستشارة رقم 1)

سألت بكل بساطة ، والابتسامة تعلو وجهها بكل حياء وسذاجة الزوجات الصغيرات ، فهي لم تجاوز السنة السادسة زواج ..
– كيف أمتلك زوجي ؟

رفعت بصري لأرى تعابير وجهها ، وهل هي جادة في سؤالها ، أم هو اختبار جودة موجه لي كالعادة ، ابتسمت وراعيت في ردي ألا أنفعل أكثر من اللازم لأنه أكثر سؤال يثيرني ..

سألتها : هل عندك أبناء ؟
– نعم
– وكم أعمارهم ؟
– ولد 4 سنوات ، بنت سنتين ،و بنت شهرين ، الله يحفظهم .

حسنا عزيزتي وهل زوجك شنطة أو فستان حتى تمتلكينه ؟! نمتلك عادة الأشياء ، وليس الأشخاص ، ولو افترضنا أننا نستطيع امتلاك الأشخاص ، فهل تملكين ابنك ابن 4سنوات ؟!
أو ابنتك أم السنتين ؟!.. طبعا لا.. فكيف برجل ناضج وفاهم يعيش حياة كاملة .. افترض أنك تسألين :

كيف أكسب قلب زوجي ومشاعره ؟

كيف أنمي حبي في قلب زوجي ؟

وهذا السؤال أتركه مفتوح لعزيزاتنا العضوات للمشاركة فيه وسأجيب عليه بعد المشاركات والردود وذلك لزيادة التفاعل والفائدة .

يسعدني اني اكون اول وحده تشارك بالموضوع
انا اقول فيه اشياء اساسيه تساعد على الالفه والحب والاحترام بين الزوجين اهمها الصراحه والرحمه والاحترام المتبادل وانج تحاولين دايما انج تهيئين له الجو المناسب والراحه في البيت وانج تكونين له مصدر حنان وراحه وتختارين الوقت اذا كان فيه مواضيع تبين تتكلمين فيها بس هذا اللي حاليا طاري على بالي ولي رجعه انشاء الله

هلا استاذه غدير

يسعدني انا اشارك بموضوعج انا بتكلم عن نفسي وشلون قدرت املك قلب زوجي

الرجل يحب المرا القويه واللي تكون مثل الفرس اللي صعب ترويضه يعني انا بالبيت وااايد اسوي لويه ليه صار موجود واستخدم

شطانتي بذكاء وخفه احب اتغشمر معاه اعطيه مجال ان يفتحلي قلبه اعامله كأني عشيقته مو زوجته اعطيه الامان بأي موضوع يبي

يقوله حتى اذا كان الموضوع فيه امرأه اخرى اخليه يتكلم تعلمنا على الصراحه بينا والاحترام خليته يعرف ان ثقتي بنفسي

مالها حدود واني انسانه من الصعب جدا ان اي وحده تثير غيرتي علمته اني احب نفسي واني لازم اسوي الاشياء اللي انا احبها

والاشياء اللي ترضيني انا بالاول , وثاني شي الابتسامه انا دايما مبتسبه بالبيت والكل يقولي ان املك هابي فيس

دلووعه معاه وااايد اسوي كل اللي المفروض تسويه اي مرا متزوجه من ناحيه زوجها الطباخ والاعتناء بالملابس ونظافه البيت

ونيي حق الجمااااع طبعا هالشي اساسي بالعلاقه الزوجيه واحب اقول باختصار اني بالجماع مبدعه واحاول ابين له الاشياء اللي

انا ابيها والاشياء اللي ترضيني انا ميخالف انا بدش بالعميق شوي يعني وقت الجماع ما اخليه اهو يخلص ويرتاح وبس لا مثل ما انت

لك حق حتى انا لي حق بس طبعا هالشي بالنسبه لي فن لانج تبين توصلين له شي بدون ما تتكلمين تبين شي يوصله بالاداء

والحمدلله انا مو ممقصره معاه بشي ولا اهو واذا بخاطري شي اقوله على طوووول واذا زعلني هم اتكلم على طووول ما احب اشيل

بقلبي عشان لا تصير تراكمات وبعدين ليه قعدت وتذكرت الاشياء اللي ضايقني فيها اكره فأول بأول اطلع الل بقلبي واقوله بكل صدق

وبدون خوووووف

شاكرين تواجدج معناا وان شاءالله العضوات يشاركون في ها الموضوع الطيب

ونستفيد كلناا من مواضيعج

يالله عضوات مطروح لكم سؤالين اتمنى المشاركه

لاتخيبون الضن فيكم

حبيت اشكرج استاذه غدير على حضورج وتواجدج بينا

والله يجزاج بالخير على النصح والارشاد

كلنا نعرف ان الحياه زوجيه مسؤوليه اكبر مما نتوقعه فالصغر وكل وحده لها طريقتهاا في التعامل مع زوجهاا وطريقه كسب قلبه بس اللي مايعرفه الاغلبيه ان الازواج اكثر شي يفكرون فيه الجماع والطباخ واللي جيده بهالشغلتين جيده بعيونه لانها اسهل طريقه لدخول قلب الرجل

انا كان لي تجربه ولا توفقت فيها ،،مع ذالك لا احب ان اذكرها لانها ماضي وعدا ،،ونظرتي للامام لا للخلف

ام ضاري،،، شكرا لك اختي على ما تبذليه من مجهود فيه هذا القسم الرائع

احنا وايد محتاجين اشخاص مثلج او سهل الوصول لهم بدون عيادات او طريج او لويه هذا اللي كنت ادوره قبل لا اطلع شخص استشيرة ابامور يكون له خبرة فيها بس الحين كل شي انتهى او هذا اللي ربي كاتبه

انشالله بالزواجه الثانيه استعين باستشارتج اول كنت ادش على موقع د.ناعمة الهاشمي بس مالقى شي افهمه كنت بس اقرا بس ما افهم كانت وايد تتكلم عن الاشخاص وانماطها ان كان جنوبي والا شمالي واالا جنوبي غربي او كل واحد واشلون التعامل معاه او من الصورة كانت اتعرف اهوا اشلون طريقته بالحياة حلو هالعلم بس ما قدرت افهم انا اي نمط او ريلي اي نمط

يمكن انتي عندج خبرة ابهالامور ممكن اتفيدينا فيها بشكل واضح

أنا بسألج دكتوره غدير؟
اذا المره مومقصره ابد بيتها بس ريلها عوي شلون تملكه همه النت والطلعات بروحه سويت المستحيل وماشوف نتيجده ياليت تفيديني؟

مساء الخير عضواتنا العزيزات ..

شاكرة لكن التواصل والتفاعل مع الموضوع .. شكرا أم ضاري عالفزعة

غزالي وبس .. الشرف لي أن تكوني من أول المشاركات .. طبعا الألفة والاحترام من أساسيات الحياة الزوجية وكلام سليم ..

el-3ashqaa استراتيجيات موفقه وجميلة ، وجميل أن نستفيد من الخبرات ..نحو المزيد ..

حور الروقي أحسنت في أن كل واحدة ولها طريقتها في التعامل مع زوجها ، ولها بصمتها الخاصة التي تميزها عن الآخرين .

candeya حياج بينا تفيدين وتستفيدين والإنسان الناجح من ينظر للأمام ويتعلم من الماضي وأسأل الله لك ولحورالتوفيق في المستقبل

انا هنا للجميع وسوف نستفيد بإذن الله تعالى ونتعلم في المستقبل من خلال القصص والدورات التي سوف أطرحها في المنتدى بإذن الله تعالى

ولا أمانع بأن أكون المرجع أو المستشارة الخاصة والسرية للكل والتي تستطعن البوح لها بكل مخاوفكن وتطلعاتكن واهتماماتكن في الحياة الزوجية ، فأنا أشاركك هذا الاهتمام وأسعي للتجديد في كل ما يخص العلاقات الزوجية وتطوير الذات هذا همي وهذا هدفي سعادة كل الزوجات المخلصات في حياتهن ..وأن أكون قريبة منهن .

نسأل الله تعالى للكل التوفيق والسداد

سعيدة بمشاركاتكن وبانتظار المزيد ..

صراحه انا سعيده فيج او هالصفحه ماراح افارقها لان احنا محتاجين هالشي لان وايد انضريت ابزواجي الاول او خايفه وابي اعرف اغلاطي مابي اطيح ابنفس الغلط لان الاهل مو دايما يتنقاشون ولا اي شي ينقالهم يزعلون او ساعات في مواضيع يستحون فمحتاجين مثل جذي احد متخصص

والواحد يحب يتعلم خاصة اذا كانت وحده مو اجتماعيه ازياده عن اللزوم وانا صراحه ابي احد يوجهني ويعلمني اغلاطي مع العلم انا كنت مو مقصرة ابيتي بس اكتشفت اشيا كنت اسويها غلط وانفهم غلط فيها والناس مالها الا الظاهر ماتدري انج على نياتج بس الحين فهمت جم شغله لما راجعت نفسي او فطنت على نقطه انى كان اختياري غلط ليش لان كان وايد في فروقات بينا او هل الفروقات ما تبين الا بالعشرة يعني انا عرفت اغلاطي بس هذا مو معناته اني اصلحه وارد عليه لان احنا مو مناسبين لبعض او ربي سبحان بعدنا عن بعض مع اني استخرت او صارت اشيا بس ما كنت افهمه او هذا نصيبي او تفتحت عيني على اشيا وايد كنت انا ما افهمه لتجربه الثانيه انشالله اذا ربي رزقني

اول كنت اقول مو مقصرة او مادري شنو ما شوف اللي اتشوفه الناس اسوي اللي يرضي ربي بس هم الناس اتحجى وانا كنت اتجاهل وايد اشيا عشان جذي اي وحده ريلها شاف غيرها او فج عنها لازم فيها نقص اهيا ماراح تقدر اتشوفه او الريل ما يتحجى والناس ما اتعرف اللي بينكم فلازم الوحده اتراجع نفسها او تبعد فتره اتشوف شالخلل شنو الناس اتكلم فيه اصلح من نفسي عشان ينصلح بيتي لان غيرج يلاحظ انتي ما تلاحظين نفسج

مادري كلامي صح او غلط بس هذا اللي فهمته او ساعدني اني اغير نفسي

ريماس أعتذر بشدة سقط اسمك سهوا ، سعيدة بتواصلك ومشاركتك
تابعينا من خلال المقالات والدورات وورش العمل وسوف تتعلمين .. الوقت عامل مهم ولا نستطيع أن نتعلم كل شي في وصفة واحدة ، المهم أن تكون عندك عزيمة وإرادة على التغيير للأفضل دائما .

ربي يرزقك candeya ويرزق الجميع ، وصح أن الزوجة تحتاج لمراجعة نفسها من وقت إلى آخر .