يالله قوليلنا شلون الحياة مع زوجك بعد عملية التخسيس و النيووو لوووك ؟؟

بشريينااا شلون العلاقة مع الزوج بعد الضعف والنيو لوك ؟؟؟
قبل الضعف كنت حاسة باتطلق بس بعد العملية والضعف تحسنت العلاقة خاصة في البداية مع كل نزول ومع النيو لوك وصبغة وقصة يديدة بس شي واحد حذرني منه الدكتور وصار إنه لأني كنت حيل متينة ومهما أسوي بيصير الجلد الزايد مشكلة بعد الشهر السادس صار الجلد حيل مشكلة لي مع إن ريلي يقول عادي بس أدري يراعي مشاعري لأنه يعرف الشي مؤقت علما أسوي عملية الشد
وشنو عمليتك واشلون نزولك؟؟؟
سويت تحويل مسار ونزلت من ١١٩ إلي إن وصلت ٧٠ وبعدلي بس ٥ كيلو وأصير مثالية بالوزن مو بالشكل
وشخبار الترهل معااك ؟؟ و شنو ردة فعل زوجك علية؟؟؟
الترهل حيل واضح في زنودي وبطني وفخوذي وصدري تهدل ، زوجي يقول لا تبجين جم شهر وتصلحينه كله بس أبد ما أفصخ هدومي جدامه وحتى غرفة النوم مخليتها ظلمة على طول الله يفرج لي وأخلص وأضم صوتي لج إن البنات خل يكتبون تجاربهم علشان نتعلم ونستفيد منها
شنو الي بشكلك تغير واستااانس وايد علية ابو العيال؟؟ وشنو الشي الي ضاايقة بعد التغيير ؟؟؟؟؟؟

استانس من شكلي بالهدوم صرت جني عارضة أزياء بس بدون إهدوم كل شي مبهذل بس مع إني ودي أسوي كل شي مرة وحدة رضيت بكلام الدكتور الصانع إني أسويه على ٣ مراحل فابي أبدي بصدري وزنودي وبعدين بطني وآخر شي فخوذي والمناطق الحساسة والوجه بيتضبطون آخر شي وهذا كله ياخذ من ٦ شهور لسنة حسب استعدادي ونجاح كل عملية فشرايكم يا بنات بهالترتيب